خبيـــرات بروصـــــــــة أفيدوني

[صبر العمر]

السلام عليكم حبوبات

انا ان شالله ناوية اسافر لبورصة في نهاية شهر 9 اذا تيسرت الامور
وعندي شوية استفسارات :
1_ وين افضل فندق من حيث موقعه قريب من الاسواق ، و النظافة ، والاكل فيه خاصة بوفيه الفطور :eshrab: لان وجبة الفطور عندي اساسية

2_ كيف بكون الطقس بهذاك الوقت من السنة ؟ عشان احسب حسابي بالملابس اذا فيه برد او مطر.

3_ اي شي بتحبي تنصحيني فيه انا يشرفني اخذ بنصيحتك

ملاجظة: ما معي اطفال فما يهمني اماكن الللعب والترفيه ، يهمني الشوبنج الحلو والاكل اللذيذ والنظافة والمناظر الهادئة ابغى اريح اعصابي
ومشكورات :eh_s(17):

 

[¤§ زيتونة §¤]

احسنتي الاختيار حبيبتي

بورصة فعلا حلوة لتغيير الجو وتهدئة الاعصاب

فيها الجبل تروحين له اما بالتلفريك او بالسيارة ووايد ممتع بالاثنين وفيه محلات تتسوقين فيها طبعا شغل الجبل كله حياكة
واشغال الخشب اليدوية

فيها اللونابارك حديقة حلوة للالعاب للكبار والصغار
حواليها في قهاوي وايد حلوة للقعدة بالليل

المجمعات : زفر بلازا مجمع كبير حلو للتسوق - اوزدلك مثل مجمع صغير يشمل كل شي من اللي تحتاجينه ملابس جواتي اقطان فوط مكياج عطورات - كنت ميداني مجمع يديد هم حلوو وايد ومنوع - كارفور برا بورصة شوي - مترو هم برا بورصة بس مو بعيد وايد
وفي مجمعات ماذكر اساميهم بس كل مجمعاات بورصة حلوة



في يم بورصة مدينة بحرية تهبل القعدة فيها عالبحر طبعا اسمها مودانيا فيها قعدات ومطاعم وتتمشين عالبحر ووايد مريحة للنفس وهواها عجيب

في الشجرة القديمة اللي يزورونها الناس ويمها قهوة

في عندج الشلال الصغير فيه مطاعم حلوة وقعدته مميزة

والشلال الكبير بس مافيه مطاعم بس تروحين تشوفين الشلال نفسه

في مغارة كبيرة ومرتفعة تمشين وتصعدين لين تتعبين ههههههههههههههههههه اخر شي فوق تطلين على بورصة من فوق

حديقة الطاووس فيها طواويس حلوين توكلينهم وجذيه

حديقة الحيوان وبجانبها حدايق مثل حديقة القواري تركبين فيها قاري انواع واشكال حسب اللي تعرفين له بو تايرين ولا بو اربع تواير ههههه تفترين بالحديقة بالقاري



الفندق الاقرب للاسواق في بورصة فندق اسمه كرجة 3 نجوم بس زين يعني مستواه حلو مو راقي لكن زين
وفطورهم حلو منوع والبوفيه كبير وكل شي فيه من الطباخ لي الكورن فليكس




الجو ربيعي حلو بس احتياط اخذي لج بلوفر تلبسينه فوق ملابسج لي صار براد بالليل لانه احنا لما نروح بالصيف تبرد الدنيا بالليل ماشاءالله فشهر 9 يبرد جوهم


ان شاءالله اكون افدتج بمعلوماتي




وسلمي لي على تركيا وبورصة وخصوصا المحل اللي بمحطة التلفريك بالجبل خو هذا رفيجنا من سنين

 

[صبر العمر]

زيتونة الله يسلم يديكي حبيبتي ويعطيكي العافية على المعلومات ويجزاكي ربي كل خير

 

[¤§ زيتونة §¤]

حياج الله حبيبتي

 

[حنطاااويه]

فندق ميرا 5 نجوم وواايد حلووووووو وكل شي يمج

 

[ترتر زري]

فندق بيا في بورصة 5 نجوم ويمه مول كل شي حتى فيه جمعية وماكدونالدز

 

[صبر العمر]

حنطاوية الله يجزيكي كل خير حبيبتي

 

[صبر العمر]

ترترزري الله يجزيكي كل خير حبيبتي

 

[~Unreachable]

شلون جوها حاليا ؟

 

[senyora_q8]

جزاك الله خير انزين في احد يعرف رقم سايق ياخذنا من مطار صبيحة باسطنبول الى فندق بورصة يركب العوامة معانا ويفل بكل شيء ؟؟

 

[¤§ زيتونة §¤]

حبيبتي

هذا رقم سايق تركي عجيب وخدوم ويطلع لكم الاماكن من تحت الارض

00905363337018
اسمه حسن


واي وحدة تحتاجه تاخذ الرقم وتتعامل معاه ولا تنسون تقولوله من طرف ام زينب

ماشاءالله اشكثر ناس يطلبونه واحنا معاه ووايد يدقون عليه من الكويت يبونه بالمطار


والله يسهل طريجكم حبايبي وسفرة سعيدة للجميع

 

[صبر العمر]

زيتونة يسلموا حبيبتي وسامحيني على تاخري بالرد ، الان بس شفت ردك ، يا رب الله يعطيكي اللي يرضيكي ويجزيكي كل الخير