خبيرة التجميل ايمان السيد

[tooota]

مرررررحبا بنات شلونكم :d

سؤالي باختصار عن خبيره التجميل ( ايمان السيد ) احد سامع عنها؟؟؟؟ شلون مكياجها حلووو؟..

ووين صالونها اذا عندها صالون واذا تعطي دورات مكياج والا لأ

بانتظار ردودكم حبايبي ​

 

[يالبا قلبي]

مشاركة: خبيرة التجميل ايمان السيد

هلا حبيبتي

تحصلين صور مكياجها بمجلة الممتاز اللي تجي مع جريدة الوطن
اعلان حق الصالون

بس بصراحه مكياجها وااااااااجد وثقيل حيييييييييل
كلش ولا الخشم مادري شتسوي فيه
على فكرة اهي كانت تحط مع اختها بس الحين كل وحده بطلت صالون بروحها


وسلامتج

 

[tooota]

مشاركة: خبيرة التجميل ايمان السيد

مشكووورة اختي على الرد بس ياليت تفيديني باسم الصالون ورقم تلفونه بلييييييييييز لان ماعندي الممتاز

 

[كويتية أمورة]

مشاركة: خبيرة التجميل ايمان السيد

وع وع وع تسويلج مهرجان الوان بويهج يلوع الجبد شغلها والصور تخرع
اول مرة اشوف كريم اسا فضي

 

[نايفة]

مشاركة: خبيرة التجميل ايمان السيد

السلاااااااااااااااااااااام ،،،،،،
اسم صالونها بيت الإيمان وعنوانه عمارات اللي صوب صباح السالم

 

[عيون@@جريئة]

مشاركة: خبيرة التجميل ايمان السيد

مااحب مكياجها وايد دفاشة تبي تقلد حنان دشتي وطلعت العن

 

[رفرف]

مشاركة: خبيرة التجميل ايمان السيد

مكياجها ثقيل بس الناس اذواق

 

[شهدQ]

مشاركة: خبيرة التجميل ايمان السيد

انا بعد ماعجبني مكياجها احس تو ماتش نفس طريقة ساس

 

[كويتية أمورة]

مشاركة: خبيرة التجميل ايمان السيد

لا شهد لاتقوليلي ساس اللي خبونا فيه طلع جذيه مكياجهم!!!!
وفي بنات ميتين عليه وحالتهم حاله ومايروحون غيره بعروسهم اثاريه تلطخ؟؟!!!

اي انا قلت محد يعرف يحط مكياج سنع وذرب بالكويت الا هبة

 

[bambena]

مشاركة: خبيرة التجميل ايمان السيد

مكياجها يخرع انا كلش ماعجبني

 

[لازوردي]

مشاركة: خبيرة التجميل ايمان السيد

حبيبتي في وايد خبيرات تجميل يحطون مكياج احلى من هذي ايمان والصراحه مكياجها على قولة البنات مهرجان ومو بس جذي انا ااعرف كذا وحده راحت لها وماعجبهم المكياج ويقولون انها نفيسه و مبلتعه اللي اعرفهم كشوا منها واسبب اسلوبها اللي ينرفز وحتى اختها نوره طفشت منها وفتحت لها صالون بروحها والسبب من هذي ايمان ووواااااايد ماديه يعني تصكج بسعر بالمكياج تنصدمين منها تبين مكياج حلو عندج الشيراتون مكيجهم روعه وعندج الاء دشتي هذولي صج اذا رحتي عندهم تطلعين منهم وانتي راضيه انشالله

 

[لازوردي]

مشاركة: خبيرة التجميل ايمان السيد

ونسيت اقولج عن اختها نوره ترى مكياجها حلو واهي كانت تشتغل في مس ون وكانوا يحطون صور مكياجها على مجلة الممتاز والحين نوره فتحت لها صالون في الجابريه ومسميته مركز نوره بس احلى شي عندها بالصالون الصبغ والمكياج اما اي شي ثاني ماجربت السشوار هم بعد حلو

 

[yam_yam]

مشاركة: خبيرة التجميل ايمان السيد

فعلا نورة تهبل و مكياجها رعة و ايمان اختها قصت عليها و باقت فلوسها
بس نورة صج عندها مكياج ثقيل بس أنا يوم رحت لها و شفت الالبوم عندها من أبسط شي لأثقل شي اللي تبينه
و النفس تييييييييننن
أما ايمانو مالت عليها رحت لها مرة و غسلت ويهي عندها و رجعت ب50 دينار
و مو عاجبها بعد
على فكرة ترا كانت حفافة بصالون حنان دشتي و الحين سمت روحها خبيرة

 

[bambena]

مشاركة: خبيرة التجميل ايمان السيد

انا مره رحت عرس العروس حاطه عندها لون الفاونديشن اصفر اممولح!

 

[eng.q8]

مشاركة: خبيرة التجميل ايمان السيد

والله انا رحت لها مره ما فيها شي بالعكس عاديه ومتواضعه ومكياجها حلو وانت اللي تختارينه

 

[يالبا قلبي]

مشاركة: خبيرة التجميل ايمان السيد

انا مره رحت عرس العروس حاطه عندها لون الفاونديشن اصفر اممولح!

وييييييييييييييييع من صجج ؟؟

صج امورة كويتيه
منو هبه ؟؟

 

[رمانه كويتيه]

مشاركة: خبيرة التجميل ايمان السيد

وع وع وهم وع مكياجها ايلوع الجبد غشتنى الماديه قتلها ابى مكياج بسيط مابيج اتحطين لى كريم اسا س وايد قالت انا ماعندى كريم اساس وايد ما اسويه المهم قالتلى المكياج البسيط 35 قلت ميخالف يوم سوتلى المكياج وخلصت والله انى بجيت قتلها شنو هذا ويهى جنى كاسبر ابيض ملطخ شفتو اليابنيين اللى ويهم ابيض قتلها شنو هذا قالت لا حلو مافيه شى والله انى طلعت قلت هذا صالونها احط عليه اكس ورحت البيت غسلت ويهى شنو طلع من ويهى كريم الاساس عيزت وانا اغسله وهم اكو كريم اساس وحطيت انا بروحى بالبيت حار ونار بجثتها افلوسى عليى بالخلف وعليها بالتلف صج ماديه

 

[Harmony]

مشاركة: خبيرة التجميل ايمان السيد

ما عرفها بس من هبه يا امورة