خبيرات مصر؟؟

[الرها]

اهلين خواتي

جارتي بتروح مصر ودي اصويها على كريمات وش احسن الكريمات الموجوده
عندهم؟

 

[@ دهن العود @]

كريم لونا للتشققات رووووووووووووووووووووعه

 

[ديرتي الغاليه]

دهن العود .................ياليت تذكرين كل شيء عن مصر لاني لاحظت انج خبره فيها وشنو رايج بفندق برميزا<اعتقد ايسمه جذيه لاني حجزت عندهم 4 ليال ....زوناويه بعدها علي شق او فندق سعره مناسب بس حلو ونظيف وخصوصا اثاثهم

 

[@ دهن العود @]

حبيبتى ديرتى الغاليه انا حست ادور فندق نظييييييييييف وسعره زين للاسف مالقيت الكل اقترح علينا فندق شبرد و نبيله وبيراميزا من ناحية السعر بس محد يمدحهم من ناحية الاثاث وكنت بحجز بفندق بيراميزا لانى سكنت فيه سنة 2002 لمدة يوم واحد وطلعت ثانى يوم رحت على طول هلتون النيل لان بيراميزا ايامها كان الاصنصير تنطرينه 10 دقايق على ما يتبطل لج والاثاث عااااااااااااادى وبعيد عن النيل والهيصه انا احب اللمه والحناطير واللى يبيعون البطاط الحلوه والذره وركوب المراكب النيليه تكون تحت الفندق على طول وهذا اللى يتميز فيه فندق هلتون النيل فقلت بسال الناس عن براميزا اكيد تغييييييير من 2002 الى 2008 بس للاسف ناس تمدحه وناس اتذمه

وبسفرتى الاخيره بالعيد حجزت بفندق شيراتون القاهره حلوووو وعلى فكره وراه على طول فندق بيراميز بس انا افضل هلتون النيل لانه جريييييييييييييب من الحناطير والمراكب اللى عالنييل وتروحيين مشى ملحق هلتون رمسيس بس للاسف كان فل واضطرينا ناخذ شيراتون القاهره الليله ب 58 دينار صج غالى بس انا كان هدفى ابى فندق يطل على طول عالنيل يعنى اعبر الشارع النيل جدامى وبنفس الوقت اماااااااااااااااااااااااان

وبالنسبه للشقق انا ولا مره سكنت بشقه مع انها ارخص بس زوجى ما يحب الشقق يقول احنا اثنيين بس ناخذ شقه ليش؟؟؟
بس فى شقق يمدحونها حيل اسمها اجنحة الخليج للشقق المفروشة وهذا موقعهم طلعته من قوقل

http://www.alkhaleejwings.com/

واى شى حابين تسالونى فيه عن القاهره من عيونى

 

[ديرتي الغاليه]

بعد عمري ربي يرزقج بالذريه عاجلا غير اجل اللهم آآآآآآآآمين ........
حتى زوجي يقول مادام خلينا اليهال ليش شقق <انا قصدي لانه بس نوم واوفر حق التمشي بس رفض ....زبالنسبه لفندق بيراميزا .......في عروض عليه لي شهر اعتقد 3 وحجزنا عندها 4 ليال الليله 30 دينار انتي جم كان لمن حجزتوا فيه ؟. في ناس يمدحونه من ربع زوجي العام راحوا له بس المنتديات ضيق الخلق اكرهم يسبونه بس موقعهم واثاثهم اعجبني ويقولون جريب من النيل ؟..........انزين اهو قريب منالمناطق الحلوه والتسوق والمراكب والمطاعم وهالشغلات ؟

شرايج بالتسوق يساهل نشري منها ولا نتونس ونفسفس فليساتنا علي التمشي والمطاعم ؟

 

[@ دهن العود @]

انا بيراميزا سكنت فيه من زمااااااااااااان سنة 2002 وكان رخيص شى وعشريين لانه بالصيف ولما سالت عنه بسفرتى الاخيره قبل العيد بجم يوم كان شى واربعيين يعنى سعركم حيل حلووووو وكان حليوووووو يعنى مو توووووووووب ولا رديييييييييييييييييي بس ماعجب ريلى كلش

وبالنسبه لقربه للنيل اهو مو مباشر عالنييل يعنى عالشارع لاااااااا تطلعين منه واذا انتى تحبين المشى ابو كيلويين ثلاث بتوصليين لمركز التجمع للنيل والهيصه واذا ما تحبين تمشين تركبين تاكسى ب 5 جنيه اوديج لهم انا كنت اسوى جذى لان شيراتون القاهره جريب حييييل من بيراميز فايام كنت اروح مشى وايام اخذ تاكسى لانه اكثر الهيصه مقابل هلتون النيل

وبالنسبه للتسوق انا احب اسواقهم رحت وسط البلد اسعاره روووووووووعه خذيت قمصان نوم وترنجات قطن وشحاطات الله يكرم القارئ

ورحت الملحق التجارى خذيت جناط وابواك وشحاطات تقليد الماركه وايد حلوووووووووووووين

والتسوق خليت له يوميييييييييييين بس والباجى تمشى

يعنى رحت اول شى الملحق وخذيت فره على السريع وشفت البضايع عندهم والاسعار ورحت على طول وسط البلد وقارنت وخميت اللى خميته هههههههه ثانى يوم رحت الملحق خذيت الاشياء اللى اعجبتنى ومالقيتها بوسط البلد
وعقب رحت خان الخليلى خذيت اكسسوارات

وبالنسبه للمطاعم انصحج بقدوره بحرى روووعه


واى فشله قلبنا موضوع البنت على حسابنا هههههههههههههههه

 

[@ دهن العود @]

على فكره نسيت اقولج انا مصر رحت لها اكثر من مررررره علشان جذى فكل سفره ما اكرر نفس الاماكن الا اذا كانت مميزه

يعنى روحتى الاخيره مارحت الاهرام ولا الاناطر ولا المتاحف ولا دريم بارك لانى رايحه لهم من قبل

فكنت اكثر الايام اقضيها بالنهار استجمام وراحه بالفندق والعصر تسوق وتمشى عالنيل وركوب السفن والحناطير وسينمات وحفلات ومطاعم

 

[الفراات]

وااااو دهن العود معلومات قيمه عن مصر

مشكوره