خبيرات ماليزيا

[الأميرة نوونه]

السلام عليكم ورحمه الله وبركاته
شخباركم
ابي منكم خدمه باذن الله بروح حق ماليزيا نهايه شهر تسعه
ابي افضل الفنادق في كل منطقه
افضل الاسواق
افضل المناطق السياحيه والترفيهيه
ومدتي اسبوع في ماليزيا من غير يوم حق المغادوه ويوم الرجوع
وجزااااكم الله الف خيير

 

[الأميرة نوونه]

افاا ماكو رد

 

[أم شيــ@وخة]

آفا عليج أنا برد
اذا تبين أحلى فندق بكوالالمبور مافي الا jw marriott هذا أهوا احسن فندق بشهادة الكل
وجزيرة لنكاوي مافي غير منتجع westen حده عجييييييب وخيال

والأماكن السياحية الي افضل انها تكون يوم واحد ماله داعي تباين فيها
- جنتنغ ( مدينة العاب وفنادق في قمة جبل )
- من اروع الرحلات الي حبيتها افاموسى
- صن وأي لاغون
- حديقة الفراشات
- حديقة الأزهار
- برج كوالالمبور

- السوق الرخيص وحده المكاسر فيه أقوى شي أهوا الصيني
- وعندج بشارع العرب في مجمع بي بي بلازا

هذا الي يحضرني الحين من الاماكن السياحية واذا تبين دشي على موضوعاتي راح تلقين تقريري عن ماليزيا

 

[بحرينية للأبد]

السلام عليكم ورحمه الله وبركاته
شخباركم
ابي منكم خدمه باذن الله بروح حق ماليزيا نهايه شهر تسعه
ابي افضل الفنادق في كل منطقه
افضل الاسواق
افضل المناطق السياحيه والترفيهيه
ومدتي اسبوع في ماليزيا من غير يوم حق المغادوه ويوم الرجوع
وجزااااكم الله الف خيير

عليكم السلام ورحمة الله

أختي إنتي ماحددتي المناطق عشان نقدر نرشح لج الفنادق!!

على كل حال أنصحج بالغراند ملينيوم أو التريدرز أو الرويال شولان في كوالالمبور

في بينانغ البارك رويال أو الغولدن ساندس أو شنغريلا راساساينغ

في لنكاوي يمدحون الويستن عقب الفور سيزون اللي أسعاره نااااااااااااااااار

في جنتنغ الفيرست وورلد هو أفضل فنادق المنطقة ومكسيم أفخم فنادق المنطقة

بالنسبة للسياحة هناك في كوالالمبور لا تفوتين الأكواريوم وحدائق بردانا وخصصي يوم لأفاموسا إذا عندج يهال

التايمز سكوير ممتاز للتسلية والتسوق بنفس الوقت ولابد من زيارة البافليون ومجمع سوريا

مجمع سوانغ وانغ زوين بعد حق شوبنغ وأسعاره عجيبة وناس تحب السوق الصيني بس أنا لا :bbbiu:

جنتنغ وآآآآآآآآآآآآآآآآآآآآآه على جنتنغ تحملي تفوتينها وماتباتين فيها ليلتين عالأقل

هذي بروحها وناسة وترفيه وتلفريك وشوبنغ وفوق ذي كله براااااااااااااااد يالله من فضلك

في بينانغ أهم شي زيارة الهضبة وتقدرين تطلعين رحلات بحرية وتزورين جزيرة القرود

في لنكاوي مافي إلا رحلة المنغروف اللي أسمع عنها ومرور على نصب النسر

أختي أنا هذرت وايد وإنتي مدة سفرتج قصيرة جداً وماحددتي وين بتقعدين أصلاً :eh_s(22):
​

 

[نـعـومـه]

الفنادق الحلوه


الاحصنه الذهبيه > هادي وفخم عجبني حيل بس موقريب من المجمعات والحدايق ولويه

فندق تايم سكوير > موقعه حلوو واهوه داخل مجمع كبير وفيه ملاهي



انا عن نفسي بس رحت العاصمه وجنتق

الاماكن الحلوه بالعاصمه

عندج الحدايق ( حديقه الزهور _ الفراشات _ الطيور عجبتنا تونس

حديقه الحيوان اذكر رحت يمكن حديقتين ثلاث وفي حدايق صوب يسون عروض تونس

وفي سفاري تركبين باص تشوفين حيوانات مهدوده

عندج الفراشات المضيئه هالمكان يونس تركبين طراد بليل يوديكم مكان في مثل فراشه مادري شنو نوعها تشب مثل ليتات بس اهيه جذي من الله > وايد عجبني المكان بس حطي بالج استخدمي دوا الباعوض قبل لاتين هالرحله

عندج مصنع الشوكلاتا ومصنع الحديد

وفي مكان ناسيه اسمه تصعدين جبل تشوفون شواذي يتمشون تشترون اكل توكلونهم



جنتق

احلى شي فيها ملاااااااهي فوق الجبل وكافيهات ونيسه

 

[حسن الخاتمة]

والله نصيحتي لك شوفي لك ديره ثانيه وايد أحسن لك لو تروحين اوربا براد وجو حلو ولا طالعه منحر وداشه حررررر شن الفايده توننا رادين منهابشارع العرب احسن موقع الماريوت وجراند ميلينيوم واحلي فندق علي الاطلاق صن وي ريزورت وصحيح فيها كثير اماكن بس والله حر ماتقدرين تستمتعين بشى بس أذا حابه تسوق روحي السوق حلو وكل شي فيه ومع احترامي للأخت الي مدحت بي بي بلازا أشوفه كلش ما يسوي وبضاعته تعبانه أحسن المجمعات البافليون وتايم سكوير واكيييد سوريا كي ال سي الي هو مجمع البرجين حلو وعجيييب وكل شي فيه

 

[الأميرة نوونه]

يسلموو حبيباتي فديتكم