خبيرات ماليزيا نظمولي سفرتي فديييييتكم

[كوكا كولا]

السلام عليكم ورحمة الله وبركاته


طلبتكم يا كويتيات :eh_s(7): نظمو لي سفرتي حق ماليزيا

توني حجزت حق الصيف لأن قال لي مكتب السفريات كل يوم الأسعار تزيد وبعدين
حزه الحزه ماراح يكون في حجز واذا في بيكون غالي

المهم حجزت انا وزوجي حق عطله الصيف مدة 12 يوم
من 11/6 لي 24/6

ان شاء الله تكون المدة كافيه

حجزنا على القطرية لأن امدحوها البنات حيل هني بالمنتدى
التذكره طلعت علينا الشخص 205 دينار يعني انا وزوجي 410
بس في مكاتب دقينا عليهم قالوا لنا سعر التذاكر على 260 و 255 دينار
ديروا بالكم تراهم نصابين ونصيحه من الحين احجزوا لأن قال لي
الي بمكتب السفريات أن اسعار التذاكر وكل شي قاعدة تزيد كل يوم لحد ما يدخل الصيف
فالأفضل الحجز من الحين

المهم انا بخاطري كذا وجهه وابيكم تنظمونها لي لأن اول مره اروح ماليزيا
ووايد استفدت من تقارير البنات ومن ردود البنات على استفسارات العضوات

الوصول لازم على كوالالمبور علشان نريح يوم عالأقل
بعدين وجهتي راح تكون
(لنكاوي - بينانق - كوالالمبور - جنتنق - كاميرون هايلاند - واخر الأيام بخليها حق التسوق)

ابيكم تنظمونها لي بالأيام لأن للحين ما حجزنا الفنادق بنحجز ان شاء الله من موقع booking
لأنه وايد ارخص من حجز الفنادق بالمكاتب قارنت الأسعار وانصدمت :eh_s(10):

انا ليش اخترت لنكاوي اول شي لأن قالوا عنها البنات جزيره حلوة ورومانسية وهادية
وانا بخاطري تكون اول وجهه لنا علشان نرتاح ونستمتع

وبيني وبينكم مانبي فنادق غالية علشان ما نقط فلوسنا عالفنادق
ونخلي الفلوس حق الوناسه والسياحة اكثر
لأن اغلب الوقت راح يكون هياته في هياته أكيد

يالله يا حبايب قلبي :eh_s(7): ناطره تنظيمكم لي وخاصه لخبيرات ماليزيا الي يعرفون كل عود فيها

 

[دآنة آلرشآيده]

انا بسافر معاج بنفس الشهر بس للحين ماحجزت
واول مره اروح لهآ وماعندي فكره ان شاء الله البنات يفيدونآ ​

 

[عزاااه]

هلا حبيبتي انا رحت شهر ٥ سنه الي طافت ماليزيا شوفي انتي مدتج ١٢ يوم يعني اقامه يوم كوالالمبور عقب ٣ تيام لنكاوي عقب ٣ تيام بينغ عقب يومين بالكايرون ٣ تيام تردين العاصمه بس

 

[** آية من الجمال **]

(لنكاوي - بينانق - كوالالمبور - جنتنق - كاميرون هايلاند - واخر الأيام بخليها حق التسوق)

عزاااه نسيتي جنتنج

كوكا كولا >>> مو جنه الأماكن وايد على الأيام؟!! إلا إذا تحبين تقعدين يومين يومين عفوا قصدي ليلتين ليلتين مثلا؟!!

أنا بعد ودي أنظملي سفرة بواسبوعين شذي بس بدون الكاميرون مع أنه عزاااه امدحتها بتقريرها بس حسيت الأيام ماتوفي يدوبك أربع مناطق حلوين في بالي إن شاءالله سلانجور-بيانج-لنكاوي-جنتنج وكوالا >>> ترى مو مرتبتهم بعد!

لا والله طلعو خمسه مع كوالا!! وييييييييي هذا أنا شايله الكاميرون بعد :eh_s(10):

لااااااااا جنا اختربت الحسبة مادري والله تدودهت اسامي المناطق اتدوده إللي مو متعود عليها

كولااا >>> أنا سألت عن التذاكر كانت عالإماراتيه 235 د.ك وترى ديري بالك القطرية وايد يحاسبون على الوزن!!! خاصة إنك ماخذه عالأكونومي!

وتروحين وترجعين بالسلامة يا رب وكل المسافرين إن شاءالله

 

[mafio98]

انا رحت لها العام والرحله تعتمد عليج انتي شنو تحبين اكثر شي عشان نقدر نسوي لج الرحله اول شي

اول يوم افضل تقعدين Petaling Jaya اللي فيها سن واي لاقون وسن واي بايرميد لسببين اول شي اقرب شي للمطار اقرب حتى من كوالا لان بتوصلون تعابه وبتردون تسافرون ثاني يوم فاسهل لكم تقعدون فيها بلاضافه فيها اسواق حلوه مو موجوده بكوالا

التقسيمه بتكون ١ بتجايا/ ٢ لانكاوي/٣ بينيغ/ ٢كاميرون/٤ كوالا ومنهم يوم تزورون جنتغ

بس حطي فبالج الجدول بيكون حيل متعب وحرام نص الايام ماتستفيدون منها لانها ضايعه بالطيران من رايي تنازلي عن لانكاوي

 

[كوكا كولا]

دآنة آلرشآيده

حياااج ياحياتي انا مخططه بس علشان اول مره اخاف اتوهق
علشان جذي بغيت البنات ينسقون لي سفرتي لأنهم خبره

 

[كوكا كولا]

عزاااه

كايرون هذي شنو؟؟؟؟

انا مخططه اول شي ليله في كوالالمبور علشان من باجر نطير لي لنكاوي
نستانس ونسترخي ونستمتع عرفتي شلون
وبعدها نبي بينانق بس مادري شنو فيها اذا تستاهل ولا لأ
ومادري جم يوم اقعد فيها وبرد حق كوالالمبور علشان نسكن هناك بفندق
ونبدي عاد سياحة اول يوم جنتنق وثاني يوم كاميرون هايلاند
ومادري بعد شنو في لأن بخاطري اروح الشلالات الي بالكاميرون هايلاند يقولون عجيبه
انا مابي متاحف اكثر شي نبي نستانس انا وزوجي بالطبيعه والخضره
وبنروح حديقه الفراشات والحيوانات وعالم ما تحت البحار وحديقه الفواكه والزهور
ومادري بعد شنو وبالنسبه للسوق بكوالالمبور تهقون جم يوم يكفي حق التشري؟؟؟؟

 

[كوكا كولا]

** آية من الجمال **

اي ياليت ينظمون لنا سفرتنا احس متدودهه
الكاميرون هايلاند يقولون وايد حلوه
وانا بروح لها لأن بخاطري اشوف مزارع الشاي بالطبيعه ومزارع الفراولة وفي يقولون بعد
ان فيها شلال روبنسون يقولون عجيييييييييب وبروح اشوفه
غرامي الشلالات والطبيعه
بس مادري يليت احد يفيدنا جزيره لنكاوي اكيد بروح لها لان احب أجوائها وشفت صورها وايد حلوة
اما بينانق مادري شنو فيها ياليت احد يفيدنا
وابي جم يوم يكفيني مني ومناك احس ببجي لأن لازم انظم سفرتي
علشان احجز على موقع booking الفنادق قبل الزحمه لأن امس دشيت وما شاء الله
اغلب الفنادق متروسه وقت سفرتي فلازم الحق واحجز قبل لا يصي فللللل

 

[كوكا كولا]

ايييي نسيت شغله
الخبيره تقول لي شكثر المسافه من كوالالمبور لي لنكاوي
ومن لنكاوي لي بينانق وشلون نروح لها سياره ولا سفينه ولا شنو

 

[mafio98]

من كوالا الى لانكاوي ساعه وشوي بالطياره ومن لانكاوي الى بيناق ياتختارين طياره ياتختارين سفينه ومن بيانق الى كوالا اما طياره او باص بالباص اعتقد ٤ ساعات وبالطياره ساعه وربع

 

[do0ora]

نبي افكاركم حق شهر العسل

 

[عزاااه]

اقصد الكاميرون

 

[الجوري الكندري]

السلام عليكم بالنسبة حق بينانغ انا رحت لها اول العام وايد حلوة ووناسة قعدت في فنق جولدن سن وااااااااايد حلو وراقي وجدامه البحر وتقدرين تروحين رحلة صيد وبعدين يودونج جزيرة وتتغدون وفي عندج تاجرين برشوت حده عجيب ومتعه وفي عندهم مجمع حلو بس نسيت اسمه وروحي جنتنغ من الصبح لي الليل المغرب وايد حلوه جوها روعه وبارده

 

[الجوري الكندري]

بالنسبة حق جنتنغ روحي لها من كوالاامبور المسافة ساعة بالتاكسي

 

[كوكا كولا]

تغيرت الخطه اهي اهي اهي

قعدت مع ريلي ووريته المخطط قال لا مابي جذي

الحين يبي يكون مخطط سفرتنا كالتالي....

4 أيام كوالالمبور
3 أيام لنكاوي
6 أيام كوالالمبور


بس عندي استفسار يصير اروح بينانق يوم كامل وارد؟؟؟؟
فيه تعب ولا شلون؟؟؟ وشكثر المسافه من كوالا لمبور لي بينانق

 

[كوكا كولا]

مخططي......

1- بنروح حق عين ماليزيا العجله الدواره الي تشوفين كوالالمبور كلها من فوق نفس لندن.
2- بزور البرجين بتروناس ونتمشى حواليه وداخله
3- نروح جنتنق يوم كامل
4- كاميرون هايلاند
5- اخر الأيام نتسوق من مجمعات شارع العرب وبنسكن في فندق عند شارع العرب



عندي سؤال....
جنتنق شنو فيها غير الألعاب ومدينه الثلج؟؟؟
هل تستاهل اروح لها انا وريلي ولا ما تصلح حق يهال بس؟؟؟؟

وجزيرة بينانق يصير اروح لها يوم كامل ولا ما يصير؟؟؟
وشنو فيها غير عن لنكاوي؟؟؟

 

[الجوري الكندري]

هلا اختي لا في تعب وايد لان المسافة بالسيارة ست ساعات تقريبا وبالطيارة ساعة الاربع تقريبا فلازم تنامين فيها عالاقل ثلاث ليالي وحسافة انج ماتروحين لها

 

[الجوري الكندري]

جنتق حلوه جوها اينن وبارده وفيها التلفريك وفيها الالعاب فموحسافة انج تروحين وتردين نفس اليوم انا مارحت لنغاوي بس مرت اخوي رايحة ما عجتها وايد بينانغ احلى

 

[فديتكم 77]

حتي انا ودي احجز

بس بسالكم شلون جوها بشهر 6

 

[حسن الخاتمة]

السلام اختي كولا وايد جذي كله كوالا انا الصراحه مارحت لها من قبل بس ناوين عليها هل صيف ان شاء الله لكن قريت كثير بالعرب المسافرون انا مفكره اول يوم راحه بفندق قريب من المطار وعقب طيران داخلي بينينغ خمس ليلات لان بصراحه وايد عجبني البارك رويال بخليها راحه وبعد رحلات عندك الهضبه وحديقة الفواكه وكم مجمع حلو بعد ويم الفندق سوق الليل وعقب كوالا الماريوت او الميلينيوم اربع ليلات كافي لان كل مكان عندهم فيه سوق وانا اموت علي السوق عقب بالتاكسي ساعه الاربع لجينتنج ليلتين وبتاكسي ليما سيلانجور ثلاث ليلات بالصن وي لاجون للمدينه المائيه وسوق البيراميد الي لازق فيه وبنروح بتاكسي لمجمع الماينز وعقب ان شاء الله الرجعه ذكرت ترتيبي قلت يمكن تستفيدين