خبيرات ماليزيا تكفوووووووووون ردو علي باسرع وقت ضرووووري جداا

[دمع القلوب]

بناااااات انا حجزت واخيرااا لماليزيااا يوم الخميس



ناويه على اربع مناطق


سيلانجور. والكاميرون هاي لاند . بوريت ديكسون واخر محطه كوالا لمبووور


ابي اول منطقه اروحلها شنوووو بوريت ديكسون والا سيلانجور والا الكاميرووون

والفندق الحلو بسيلانجور شنوو مااابي الغالي حيل


وبوريت ديكسون شنو اهم الانشطه فيهااا واحسن فندق

وشنو اهم الاسواق الرخيصه بكوالا واللي لازم لازم امرهاااا

ابي مشتريات رووووعه

بنات بليز ضبطولي الروحه واهم شي الفنادق لان اليوم بحجزهم


الله يحقق امنية كل وحده ترد علي ياااا رب*

 

[عيالي...حياتي...]

الله يهنيج

انا سفرتي ان شاء الله الاربعاء هذا
بس بيننج وكولا و لنكاوي.

 

[دمع القلوب]

عيالي حياتي الله يهنيج ويسعدج

تروحين وتردين بالسلامه ان شاء الله

 

[حبيبه زوجها1409]

سيلانجور- فندق صنواي بيراميد ممتاز وسعره حلو والفندق جديد
وفيه مدينه ملاهي مائيه كبيره
وفيه سوق في نفس الفندق

الكاميرون عباره عن مرتفعات كلها مزارع شاي والفنادق كلها سواء
الكاميرون تقدري تروحيها من كوالا
سيلانجور هي نفس كوالا بس تبعد نصف ساعه بالسياره

اسواق كوالا في تايم سكوير والبافليون والسوق الصيني وكلها في شارع العرب بوكيت بينتانج
بس ليه ماتروخي حزر
لنكاوي و بينانغ هذي جزيرتين اذا ماهي في الجدول كانك ماسافرتي لانه مناظر خلابه وشهر عسل او تجديد شهر عسل

طبعا من كوالا الى جنتنغ بالقطار وهي مدينه ملاهي مره حلوه
انا وزوجي اتسوقنل في بينانع مره رخيص السوق الليلي خيال
كل الماركات المقلده
ورحله سعيده

 

[دمع القلوب]

حبيبة زوجها انا رايحه لماليزيا مرتين ومريت لنكاوي وبيننج

حابه هالمره اغير

ابي بوريت ديكسون والكاميرون وسيلانجور لاني ما رحتلهم

بس مادري ابدااا باي منطقه

 

[جديده 1]

كاميرون حيل ابعيده و لاتكثرين عن يومين بس يقولون حيل حلوه كمناظر طبيعيه

 

[حلوى كويتيه]

حبيبة زوجها انا رايحه لماليزيا مرتين ومريت لنكاوي وبيننج

حابه هالمره اغير

ابي بوريت ديكسون والكاميرون وسيلانجور لاني ما رحتلهم

بس مادري ابدااا باي منطقه

شوفي ياقلبي الحين اضبطج
1- بورت ديكسون فندق ( افاليون )
2- الكاميرون الفندق مادري شوفي اراء الناس
3- سيلانجور فندق ( بيراميد)
4- كوالا ( فندق بيكولو )


انا نسقتلج الروحه هذي على اساس قرب اول فندق من المطار تقريبا ساعه
وثاني شيء تكون جناطج خفاف واخر فندقين راح تحملين منهم التشري وطيران على المطار وبالسلامه

 

[شك وتطريز]

السلام عليكم ورحمه الله وبركاته :eh_s(17): :eh_s(17):

أولا ,,,بقولج احسن الفنادق بكوالالمبور...... عندج ( فندق ميلينيوم ) روووعه وبنص شارع العرب بـــس غالي
والرخيص وهمن مجرب فندق ( رويال بينتق ) حلو

ثانيا,,,,, بينانق.....أدري ماراح تروحين لها بس للاستفاده مع اني أأيد انج تروحين حلوه ( فندق هوليدي إن ) اكثر من الروعه جنان وهو عالبحر وفيه فعاليات مثل البرشوت والجتسكي والخيل

ثالثا,,,, سلانجور.. وللامانه مارحت لها بس بحثت واكثر من شخص مدح (صنواي لاقون ) أو (صنواي براميد )

رابعا,,,, انا جربت ( فندق أوانا ) بس للاسف كرهني بالنكاوي مو حلو :eh_s(16): ..والمدح سمعت عن ( فندق لنكاوي بيتش ) هذا اسمه اذا مو غلطانه
​

 

[ياغفور اغفر لي]

سيلانجور كانت اول محطة لي الصيف اللي فات انصحج فيها روعة شوية وافضل فندق الخيول الذهبية قولدن هورسز روعة شوية عليه مايسكنه الا الملوك وموغالي أنا حجزت سويت نصيحة روحي له وبتدعين لي يكفي الحديقة والجو وبالحديقة في بحيرة فيها طراد ويوديج السوق روعة

 

[دمع القلوب]

يا بعد قلبي يا اللي ردو علي

انا قررت اوصل تكون اول محطه سيلانجور واطلع منهااا للكاميرون وبعدها بورت ديكسون واخر شي كوالا

بس ودي اعرف بوووورت ديكسووون شنو فيها انشطه

فيها اسواق والا لا. فيها الجت سكي والبراشوت والبنانا بخاااطري اركبهم لوووول

 

[شك وتطريز]

انا رحت لماليزيا مرتين بس اول مره اسمع عن بورت ديكسون

 

[حلوى كويتيه]

بورت ديكسون مافيها تسوق

حتى البقاله شوي بعيده انا انصحج اخذي معاج ككوات وكل اللي تحبينه قبل لا تروحين الفندق ولا تطلعين برا الفندق المكان يخرع بليل

 

[حلوى كويتيه]

وفيها جت سكي وكل الفعاليات البحريه

وحلو حمام السباحه بليل ماكو احد

 

[حلوى كويتيه]

يا بعد قلبي يا اللي ردو علي

انا قررت اوصل تكون اول محطه سيلانجور واطلع منهااا للكاميرون وبعدها بورت ديكسون واخر شي كوالا

بس ودي اعرف بوووورت ديكسووون شنو فيها انشطه

فيها اسواق والا لا. فيها الجت سكي والبراشوت والبنانا بخاااطري اركبهم لوووول

ترتيبج مخربط شوي ياقلبي خلج على اللي قلتلج احسن انا ماليزيا هذي المره السادسه اللي اروحلها
واسمعي نصيحة اخت

وانتي بكيفج

 

[دمع القلوب]

حلوى يا قلبي تسلمين

كتبيلي شنو تشترين شي مميز من ماليزياا

 

[دمع القلوب]

بناااات انا بماليزيا ابي محل الباركسون وين احصله وشنو فيه شي منيز

وابي الكماده الحراريه شلون صايره اهي اللي فيها جل من داخل وتحط بماي حار والا لا

بلييييز ردو. علي بسسسسسرعه

 

[ليمون ونعناع]

حبيبتي انا رحت ماليزيا مرتين
سيلانجور
لاتطوفين سنواي لاقون خصوصا اذا معاج اطفال وااايد حلوة مثل اتلانتس و اهي مثل مدينه كامله فيها فنادق وفلل مع حوض سباحه خاص بس ممنوع الاطفال بالفله ومجمع بيراميد كبير من مستوى الافنيوز وفيه مدينه ملاهي ومطاعم وصاله تزلج
الفيلا حلوة وماتتطوف
وماادري جم يوم بتقعدين بكل منطقه وشنو تحبين
انا كنت اروح مع ريلي نقعد ليلتين في غرفه بالسنواي بيراميد الفندق ليله حق السوق وليله حق القريه المائيه وفيها بعد العاب مثل الترفيهيه مع الفرق الشاسع بس مامدانا نروح لها لان يسكرون مبجر جنه ساعه سبع المغرب سكروا
وبعدين ناخذ ليلتين ريلاكس وسهر عسل بالفيلا عجييييبه ما نطلع كلش الا اذا يعنا نروح المجمع مشي ناكل او نشتري اكل ونرد

احنا دايما نحجز عن طريق الانترنت booking.com موقع موثوق واسعاره رخيصه ويسوون عروض بعض الاحيان

اذا بتروحين جنتنج قوليلي اهي يبيلها يوم من الصبح ليم الليل تروحين بباص رخيييص ومريح تحجزين له قبله بيوم يمكن الشخص رايح راد ب6رنجنت
اضبطج بجم شغله

بس انا رحت لنكاوي وكوالا لمبورو بينانج
كوالا مارحت سوق الا تايمز سكويروقعدنا بتايمز سكوير حلو وفيه سوق ومدينه ملاهي ومطاعم وستاربكس
رحنا حدائق بس حررررر وانا ماستحملت بس حلوة.
ومن هناك رحنا يومين جنتنج لان وايد حبيناها
انشالله البنات يفيدونج بالاسواق

 

[ليمون ونعناع]

حبيبتي لاتنسين تضبطين الطيران الداخلي همن تقدرين عن طريق الانترنت