خبيرات ماليزيا تفضلوا ...!!!

[brettey]

هلا والله الطيران روحي احسن شي على الاماراتيه او القطريه المهم اي طيران بس لا تفكرين بالسيلانيه لانها مو شي وعن تجربه
اول شي روحي من المطار قعدي ليلتين بجبل جنتنج وعقب روحي الفندق الي حاجزته بكوالا لامبور العاصمه عندج ماريوت وايد زين بشارع العرب
وروحي المجمعات ميغا مول - تونز تور- روحي مجمعات شارع العرب مثل lot10-klplaza -pepe plaza-sogo
روحي منتجع افا موسى قعدي فيه يوم كامل
قعدي ليلتين بمنتجع صن واي لاغون لانه اهو مجمع وفندق وفيه اكوا بارك المجمع حده عجيييب
الجزر ليلتين في بينينغ وليلتين فيه لنكاوي
انا ماجربتهم الجزر بس يمدحونهم
مطاعم شارع العرب روحي الطربوش وخيمه الصحراء
روحي بعد السوق الصيني اسمه شاينا تاون موجود بكوالا لمبور اذا تبين جناط تقليد
روحي مجمع تايم سكوير اهو مجمع وفندق اذا بتسكنين فيه بدال الماريوت بالعاصمه
واي شي تبين حاظرين وبالخدمه
عسى الله يوفقج يارب ويكتب لج سفره لها لانها فعلا عجيييبه

 

[دمـوع الشـموع]

اول شي بالنسبة للخطوط
الامارتيه افضل شي للرحلات اطويله
ممكن تجربين السعوديه بس صراحه مواعيدها شوي مو مظبوطه
بالنسبه للايام ترى يكفي 10 الى 14 يوم
تقسمينها مابين كولا لمبور ولانكاوي وبيناج واذا حابه سالانجور وجنتج
انا مانصح في بيناج لانها من جد اندمرت من كثرة العرب وماعجبتني
لانكاوي حيل رايقه
السكن كولا لمور مندرين فندق 5 نجوم مقابل ل توين تاور
وسوق كي ال سي سي
لانكوي شيراتون بردانا
جنتج ماتمل تسكنون فيها يكفيها يوم واحد من اصبح الى الليل وخوذي معك لبس لبنتك ترى بااااارده لانها فوق الجبل

 

[donat]

بنات مو تعب علينا اذا رحنا سيدة من مطار كوالا الى جنتنج؟ يعني بدون ما نبات ليله او ليلتين في سيلانجور؟

وعندي بعد سؤال....

سيلانجور شنو الفرق بينها وبين كوالا انا اللي فاهمته انهم بنفس المكان يعني اقدر اسكن في تايمز سكوير و اروح المدينة المائية سن واي لاقون وارجع بنفس اليوم مو صح؟؟؟
عيل ليش الناس تسكن في سيلانجور و بعدين تروح تسكن في كوالا؟؟؟؟

 

[أم حمـــــودي]

اهم شي لا تروحين عالكويتيه ترا ابتكرهين روحج من بعد اللي شفناه منهم بعدين راحي كوالا لمبور روحي توين تاوارز اعلى برجين بالعالم تحته في مجمع عووووووووود وايد حلو لا يطوفج وفي مجمعات وايده انا ناسيتهم وروحي جنتنج لاند مدينه مائيه تقدرين عن طريق التكسي وتقدرين عنطريق التلفريك انا صعدت حق جنتنج بالتلفريك بس لبسي بنتج بنطلون او تريننج طويل وخلي جم اجاكيت طويل لان بيكون برد عليها فوق الجبل والغيوم اهناك شي مو طبيعي واااااااااااااااااااااو روووووووووووعه وروحو جزيرة بيننج اتينن فيها سوق الليل يونس وفيها جم مجمع مو وايد والبحر وايد حلو عندهم بس نصيييييييييييييحه لا تروحين جزيرة لنكاوي عن طريقابحر لان بتقلب معدتج قلبه مو طبييييييييييييييييييعيه بتكرهين روحج بس سلميلي على شواذيهم ههههههههههههه وروحي مصنع الكرستال مالهم ترا الديره اتيننوعليكم بالعافيه وموفقه

 

[donat]

ام حمودي خربطتيني شوي شوي ...

ايهي احسن لنكاوي ولا بيننج؟ و ايهي اللي نروح لها بطيران داخلي لنكاوي ولا بيننغ؟

 

[tofy]

انا العام رحت ماليزيا وكان معاي ولدي عمره سنة ونص حزتها الله يحفظة

سافرت على طيران ( الأتحاد ) روووووووووووووووعة احلى طيارة ركبتها

اول 5 ايام كوالالمبور قعدة بفندق اسمة ويستن 5 نجوم ووايد حلو

وعقبها سافرت سنغافورة ( لان انا ودي اروح لها بس ماليزيا تكفي بروحها )

ولما رديت قعدت بفندق سنواي لاجون ( اكثر مكان عجبني بماليزا بهالمنطقة ماكو رطوبة والجو وايد حلو) المدة 3 ايام

ويومين جنتنغ ( سكنت بفندق الفيرست وورد ماخذة احسن غرفة وهمن مو حلوه لان كل فنادقهم هناك 3 نجوم)

واخر اسبوع كله بكوالالمبور ( سكنت بفندق الماريوت )


انا مارحت جزر لان الجزر وايد رطوبة ورحت جزر بسنغافورة

وسلامتج

 

[tofy]

بنات مو تعب علينا اذا رحنا سيدة من مطار كوالا الى جنتنج؟ يعني بدون ما نبات ليله او ليلتين في سيلانجور؟

وعندي بعد سؤال....

سيلانجور شنو الفرق بينها وبين كوالا انا اللي فاهمته انهم بنفس المكان يعني اقدر اسكن في تايمز سكوير و اروح المدينة المائية سن واي لاقون وارجع بنفس اليوم مو صح؟؟؟
عيل ليش الناس تسكن في سيلانجور و بعدين تروح تسكن في كوالا؟؟؟؟

بالنسبة حق سؤالج الاول : اي تعب لان الرحلة 7 ساعات وبتكونين تعبانة والطريج من كوالا لي جنتنغ ساعة


والسؤال الثاني: بين سيلانجور وكوالا نص ساعة والناس تسكن بسيلانجور كنوع من التغيير

لان كوالا عاصمة اما سينجور كل خضرة وغابات

يعني لما سكنت بفندق سنواي لاجون الفيو الي بالغرفة المدينة المائية ووراها الغابة

وبالنسبة لي سيلانجور حق ريلاكس

 

[ظلال القرآن]

زين تسوين بتاخذين بنيتج انا رحت ماليزيا وما اخذت بنتي عمرها اربع سنين بس السفره كلها بجي × بجي
حتى ريلي لاعت جبده مني كلا قاعده بالربعه وابجي على بنوتي

 

[ظلال القرآن]

ايه صج اذا بتعرفين عن ماليزيا زوري هالموقع عجييييييييييييييب

http://travel.maktoob.com/vb/travelarab17/

 

[hmama]

انا سافرت عالخطوط السيريلانكيه

والله زينه بس الاكل فيه فلفل لوووووووووول

 

[um_baskoota]

حبيباتي و الله ما قصرتوا كيفيتوا ووفيتوا

بيضتوا ويهي جدام ريلي :dddds:

عطوني جم يوم و اقولكم خطتي و قولولي رايكم :tek:

 

[um_baskoota]

الخطة كالتالي ..

3 ليالي في صن واي لاجون " راح نوصل بالليل فليلة ما تنحسب "
بعدين 3 ليالي في بيننج في فندق بارك رويال
بعدين 7 ليالي في كوالمبور في مندريال اورينتال يوم كامل راح يكون في جنتنج ان شاءالله

و راح نروح على طيران الاماراتية ..

اشرايكم .. !!! ؟؟؟

لما الحين ما حجزت .. ناطرة ردودكم ..:tek:

 

[donat]

بتحجزين على الاماراتية الدرجة السياحية ولا بزنس؟

وبعدين سؤال ليش ما تسكنون بجنتنج ليلتين؟

و بالنسبة للجزر ليش اخترتي بيننغ وما اخترتوا لنكاوي؟ لان انا ابي اروح وحدة بس ومحتارة منو احسن

 

[um_baskoota]

البزنس زيادة 1000 دك على السياحية :0bee2e8d89:

وايد

و جنتنق قالولي ما تسوي تقعدين فيها يعني يوم من الصبح لما الليل كافي

و لنكاوي قالو تروحين لها عن طريق البحر و انا اخاف :dddds:

وبس

 

[@ دهن العود @]

انا كانت رحلتى يوميين بصن واى لاجون <<< لانها ماتسوا اكثر من جذى مافيها شى

وعقب رحنا لانكاوى عن طريق طيران اير اسيا وقعدنا يومين

وعقب رحنا بينانج عن طريق طيران الفير فلاى وقعدنا فيها 3 ايام

وعقب رحنا كوالمبور عن طريق الباص السريع وقعدنا فيها اسبوع لانها تستاهل اكثر

وكانت سفرتنا عن طريق طيران الامارات اللى اكثر من روعه
واى سؤال من عيونى راسلينى عالخاص

 

[um_baskoota]

يعطيييج العافية دهن العود ما قصرتي

يعني تقريبا نفس الجدول اللي سويته

 

[um_baskoota]

بنات عطوني رايكم بليييييييييييييز​

 

[شهدQ]

3 بينانج

3 لنكاوي

1 افاموسا

1 جنتغ

5 كوالمبور

 

[shrooq]

لا عادي انا رحت لها يوم كان عمر بنتي سنتين ونص والله اهي الي ونستني والحمد لله تساهيل واذا عن الطياره انا رحت بالسيلانيه وايد راقيه ومطار السيلان حلو

 

[أم ساره989]

مرحبا أختي بالنسبة للخيول الذهبية ماأنصح تنامين فيه لأنه ما في أي فعاليات بس الحلو فيه أنه قريب من الماينز وندرلاند بس صدقيني هالمنتزهما يسوى بس روحيله عن الحسافة وعنده مجمع بس مو ذاك الزود عادي جدا أنصحج تنامون بصن واي لاجون لأنه عنده مدينه مائية كبيرة وحديقة حيوانات ومجمع كشخة و حلو للتسوق و تقدرين تروحين للخيول الذهبية الصبح لأنه قريب عند الصن واي لاجون . بالنسبة لجزيرة لنكاوي في فندق واايد يمدحونه اسمه وستن لانكاوي يقولون حلو أنا كنت قاعده بشيراتون لانكاوي حلو بس كل شي شفته تخيلي داخل الغرفة فيه بريعصي و مره كنت قاعده بالبلكونه جان أشوف شواذي:eh_s(14):و بالنسبة لبينانج انا كنت قاعده أول مره في هوليدي إن بصراحه موقعة واايد حلو عند السوق الليلي أما المره الثانية كنت قاعدة في باي فيو بيتش شوي بعيد عن السوق الليلي بس راح تلاحظين إن أكثر الجروبات تسكن فيه و فيه واااااااااايد سعودييين و الفندقين عندهم فعاليات على البحر مثل الجت سكي و البراشوت و في رحلات حق جزيرة القرده مع الغداء. بس في فندق يديد اسمه شنجريلا راسا سايانج موقعه حلو و هذا اجدد فنق تم افتتاحه في بينانج و من خلال بحثي بالانترنت واايد حلو .و جنتج واايد حلوه خصوصا الجو بارد و ضباب إذا تحبون انت و ريلج الألعاب أنصج تنامين فيها لأنه فيها ألعاب خارجية و ألعاب داخلية و فيها المدرينه الثلجية هذا غير البولنج و غير المحلات التجارية يعني ليلة زين . و الحين نيي حق كوالمبور وااايد راقية و يبيلج فيها 7 أيام على الأقل إذا كنت تحبين السوق مجمعاتها حلوه و لبس اليهال يينن عندج فندق التايم سكوير يمدحونه و في بعد فندق عند التون تاور اسمه تريدرز واايد يمدحونه و طبعا لا تطوفين رحلة أفاموسا و عندج بعد منطقة بوترجايا يقولون حلوه:tek: