خبيرات لبنان

[لاحزن مع القرآن]

بنات شنو أحسن فندق خمس نجوم في لبنان من ناحية النظافة والموقع قريب من كل شي
وشنو السوق الي حسيتي انه غريب وموموجود بالكويت بضاعته
لأني من مواضيع البنات قريت أسواق وايد ماأقدر أروحلهم كلهم
يعني أبي شي مميز

 

[ريم لبنان]

أهلين حبيبتي بالنسبة للفنادق 5 نجوم عنديك الموفنبيك وفنيسيا والفور سيزون
بالنسبة للأسواق عنديك اسواق السوليدير كلها ماركات وعنديك سوق مارالياس وسوق مارالياس وسوق فرن الشباك ما تنسي ال abc مول واسواق الزلقا والكسليك
ولو احتجتي تستأجري سيارة تفضلي هالرقم
009613501006

 

[لاحزن مع القرآن]

مشكورة حبيبتي بس كنت بسأل عن فندق لوريال ضبية وهوليدي ان فنادق خمس نجوم ولا اربع نجوم
ومواقعهم قريبة من السوق ولا لأ

 

[Hello_kitty]

فندق فنيسيا مميز

اسواقهم بصراحه عاديه جدا واسعارهم غاليه ومافيها شي مميز كلش

 

[ريم لبنان]

لو رويال بمنطقة ضبيه براة بيروت بديك شي 20 دقيقة وهو خمس نجوم
اما هوليداي ان ديونز هو 5 نجوم موجود بمنطقة فردان بالسوق تبع فردان وحواليه الكافيات والمطاعم وسوق فردان والسينما

 

[الوزيرة q8]

ذكرتوني رايحة لبنان لأول مرة في حياتي ما أني ما كنت أفكر أطبها لكن الحاح البنات ورغبتهم في زيارتها خلتني احجز لهم في اجازة منتصف العام الدراسي - عندي سؤال لو سمحتوا خصوصا اللي عندها خبرة بالديرة --- شنو اقدر اشتري حقي وحق البنات من اهناك وشلون مواعينهم واسعارها ووين ينباعون المواعين الحلوة اللي نلقاها في محل رتاج بالرحاب يقول انها من لبنان - وسامحوني على الازعاج بس والله محتارة جم اودي وشنو يشتهرون فيه واقدر اييبه حق بناتي اللي ما راح يسافرون معاي

 

[أحلى غزالة]

اكسسوارات وجواتي اعزكم الله من شارع الحمرا
وفيه ملابس اطفال بعد
وشارع مار الياس كل شي فيه
ومجمع الاي بي سي في الاشرفيه فيه شغلات وايد حلوة
والمدينه مول مثل الافنيوز على اصغر شوي
ولو تذكر شي برجع

​

 

[الوزيرة q8]

شكرا حبيبتي( أحلى غزاله ) على ردج بس تعتقدين جواتيهم زينة ولا تعور الريل ( القصد أنها مو مريحة )
اسامي الاسواق اللي حاطتهم هذول في بيروت لاني رايحة بيروت

 

[الوزيرة q8]

السلام عليكم حبايبي ليش الردود قليلة نبي مساعدتكم من خبرتكم في السياحة في لبنان - الأخت ريم لبنان ممكن تساعدينا مواعين التقديم وين ممكن احصلها في لبنان بأي الاسواق

 

[الوزيرة q8]

لا تتركونا بدون ردودكم النافعة - الأخت ريم لبنان وغيرها ممن عندهم دراية بلبنان عفيه خواتي أفيدونا من تجاربكم - مواعين الاستقبال وين احصلها وشلون اسعارها عندهم:eh_s(7)::eh_s(7)::yaaaaaarb:

 

[بنت سعود21]

حبيبتي بالنسبة للفنادق افضل موقع

فينيسيا وفورسيزونز وموفنبيك ولو جراي

لو رويال ضبية سكنت فيه قبل وااايد فخم وتابع له ملاهي مائية ووتر بارك مثل برج العرب لكن عيبه البعد نشيل هم الروحة والردة

ونزلت في هولدي ان ديونز وشيراتون فردان حلوين لكنهم 4 نجوم

وجربت الحبتور يهبل مرة لكن هم بعد شوي بعيد

كراون بلازا 5 نجوم في الحمراء حلو تحته سوق لكن المشكلة انه بعز الزحمة والازعاج

ارجعي لموضوعي بنفس الصفحة فيه كل شي عن الاسواق والمواعون والاسعار

 

[ريم لبنان]

اهلين اختي سوري عالتأخير بالرد الأخت بنت سعود ما قصرت بالرد
رح ضيف في محل المصري بمنطقة البربير عندو اشياء كتير حلوة واسعاروا ممتازة بالنسبة للمواعين

 

[لاحزن مع القرآن]

مشكورين حبايبي ماقصرتوا