خبيرات فرنسا واللي يعرف حياكم

[نونو نونوه]

السلام عليكم ورحمة الله وبركاته

بنات أنا بسافر انشالله مع ريلي فرنسا و مع ولدي عمره راح يكون سنه و8 اشهر موعد السفر اول شهر 9 بنات بعرف شلون الجو بهالشهر والشلون الوضع ومعاي ولدي وشنو أييب ملابس
أنا انشالله راح اقعد فباريس 4 ايام وبديزني 4 ايام بعد

والفيزا متى انطلعها ورين وبجم قرقه لووووووول شسوي اول مره وانا نوعي أنا اللي مسويه كل شي حق السفر والجدول علي والتخطيط

اي وبغيت اسأل أنا راح اكون ترانزيت بهولندا شلون سهالات او شلون
وهل انزل جناطنه من هناك او او اهمه يتصرفون ساعدوني تكففون ومشكوووووورين والله يعطيكم اللي فبالكم .

 

[نونو نونوه]

اشدعوه الناس للناس

 

[برميتا]

أول شي الترانزيت سهالات لاتحاتين
تنزلون بمطار هولندا (امستردام) وتتوجهين معاج التذاكر حق مكتب الطيران واهم يضبطونج
والجناط مالج شغل فيهم إلا الهاند باقز اللي معاج بالطيارة تشيلينهم معاج..

انا رحت باريس اخر شهر 5
والجو متقلب يوم شمس وحر ويوم مطر وبريد
أما شهر 9 درجات الحرارة تتراوح مابين 11 و 21 سيليزية
يعني برد اخذي هدوم شتوية وهدوم ربيعية اخاف ساعات بالنهار يصير دفا
وباريس وايد يطق فيها مطر يعني اخذي حق ولدج كوت مطر احسن

ديزني وايد عليها 4 أيام
3 ايام زين (يومين حق مدينة الألعاب وتاكدي تقصين تذكرة حق يومين،
ويوم واحد حق الآوت لت القريب منها اسمه outlet la valee)

خلي باريس 5 أيام
وعندج أهم الاماكن السياحية

- متحف اللوفر (كبير وايد وايد وراح ياخذ منكم 3/4 يوم)
- برج إيفل (حلو تشوفينه من بعيد وخصوصاً بالليل لما ينور
أما الصعده فوق -برايي- ماتسوى زحمة ورعصة ولي ييتي بتنزلين تنلطعين سنة على ما ايي الاصنصير
ويصير المكان قمتة والناس الروح على الروح مايصلح خصوصاً اذا عندج ياهل)
- تور في نهر السين بالعبارة حلوة
- غاليري لافاييت مجمعين كبار وايد واحد حق الحريم واليهال وواحد حق الرياييل وكل طابق متخصص بشي
عجيب عجيب بس يبيلج ميزانية عندهم أشياء روعة)
- منطقة الاوبرا حلوة
- الشانز انا شخصياً ما عجبني وايد مجرد شارع الناس رايحة راده عليه
بس المطاعم والكافيهات اللي فيه جربيها.
- عندهم مطعم لبناني اسمه نورا اينن وايد لذيذ.
- ديري بالج على ولدج في ديزني لاند ربطيه بشي معاج لأنج راح تتسبهين من حلات المكان
والمكان مزحوم حيل فاخاف اسم الله عليه يضيع

واذا تبين اي سؤال انا حاظرة وادعيلي

 

[نونو نونوه]

مشكوووووره اختي واييييد وايييييييد
بس بالنسبه حق ديزني لان أنا حجزت وخلصت فماقدر أغير الايام بس أنا مو حاجزه بدزني حاجزه بقريه قريبه تقريبا ١٠ دقائق بالسياره لين دزني يعني قريه ريفيه

 

[قـہۈه فـرنسيـہ™]

@@

تروحين وتردين بالسلامه ان شاء الله ...

الفيزا اخذيها من مكتب القبس اللي بمجمع الدوليه داخل بالكويت ... تطلع خلال اسبوعين ...اذا ماكان عندهم زحمه ...يفضل قبلها بووقت أحسن لج ...


يطلبون منج تأمين طبي ...(يسوونه عندهم) بـ 20 ...انتي اطلبي تأمين عائلي يطلع لج أرخص
واخذي الصور معاج والخلفيه لازم تكون بيضا والجوازات

واذا معاج ولدج راح يطلبون موافقة الأب وتوقيعه ...

يعني لازم يروح معاج عشاان لا تروحين وتردين


والفيزا للشخص الـ 1 تقريبا 35-45 دينار

 

[نونو نونوه]

اب اب مشكورين بنات بعد نبي تجاربكم بالسفر مع عيالكم

 

[شقردية ذهبية]

ماشاءالله البنات جاوبو عليج..

ومثل ما قالو وترى باريس أتيننننننن روووووووعه وإذا حسيتي واايد على ديزني 4 أيام خليج بالمكان نفسه السكن بس طلعي روحي مانطق قريبه على ديزني أكتشفي اللي يمج..


موفقه يارب وإنشاءالله تستانسييين وتعجبج وتروحين وترجعين بالسلامه

 

[hbenc]

السلام عليكم

حبيت اسال اشلون فندق روشستر شامبز الي بالشانزلزيه وجم يبعد عن شارع الشانزلزيه لان انا حجزت فيه ابي رايكم يا خبيرات باريس ضروري

 

[hbenc]

اشدعوة مافي احد رد علي بلييييز ردووا علي

 

[نونو نونوه]

والله أنا مادري غشيمه بفرنسا اول مره بس حطي اسمه بقوقل و يطلعلج الموقع ماله دشي يحطولج الخريطه روين بالظبط يبعد عن الشانز

 

[UniquẼ ♥ ώomaN]

بناات اللي ساكنين بمناطق بعيد عن الزحمه
عطونا معلومات عنها