خبيرات سويسرا بلييز

[ام مهودي]

بنااات خبيرات سويسرا
شنو المجمعات الحلوه اللي بجنيف او المناطق القريبه منها
او ابي مصنع حق الكاكاو اي منطقه احصله ابي منطقه قريبه من جنييف يعني اكثر شي طريج ساعتين ونص
وبعرف شنو المناطق اللي تستاهل الزياره غير جنيف وانترلاكن وشكراااا :"):tek:

 

[ام مهودي]

مشكوورين والله وما قصرتوو عطيتوني معلوومات كافيه :")

 

[ام مهودي]

من صجكم ليش محد يرذ علي على الاقل قولو ما نعرف مو بس تمروون لا سلام ولا كلام

 

[رايقة1980]

حبيبتي ..

جنيف اقل من عادية مافيها شي

بالكرنفال بس يحطون فيها العاب وقهاوي .. كانها دولة خليجية .. اطفال وحريم وخدم وعبي وبراقع وحتى اغانيهم محمد عبده واحلام.....


جوهم ماعجبني ... اما مشمس حااار .. او ممطر مطر غزير...

عندك مونترو ... زوينه ....


ومجمعاتهم ومحلاتهم بكل مكان شكثرها

اذا رحتي لاتطوفين ساعاتهم.. الساعه اللي عندهم بالفين ... لقيتها بالكويت ب10 الاف

..

رحت لكل مناطق سويسرا ... وكلها تتشابه وما اظن اني بسافر لها مرة ثانية


بصراحة ما عجبتني ...



..



>>>رايي الشخصي ... وكل الناس معارضيني يقولون سويسرا حلووووة!!!!!



موفقه

 

[ام مهودي]

مشكوره حبوبه على رايج وانا رايي نفس رايج وانا ما ابي اطول بسويسرا بس انا رايحه اوربا رايحه قلت اشوفها مره وحده
انا بقعد بجنييف يوم واحد بس و3 ايام في انترلاكن عشان القمم ونروح سكيتنق هناك والثلج اللي بالقمه بس :")
بس اذا في مصانع كاكاو ودي اعرف اي صوب تكون

 

[om_cady]

تروحين وتردين بالسلامه

 

[M.O.F]

والله انا بعد جنيف كلش ما حبيتها :\

بس اذكر في مجمع اسمه Manor ايشوووق ثلاث طوابق

واهوه نفس طريقة ماركس سبنسر

اول ما تدخلين مثل جمعيه وفوق مكتبه كبيره ويمه ملابس اطفال وحريم وغيره والله استانسنا فيه واسعاره زينه

رحنا مجمع ثاني نسيت اسمه للاسف هذا غير صج مجمع نفس مجمعات الكويت حتى فيه سينما ومطاعم ومحلات قريب من المطار


وو جنيف قريبه من حدود فرنسا اذا تبون تستانسون صج روحو أنسي او الشمونيه صج اهناك وناااااسه تقريبا تبعد عن جنيف ماذكر بالضبط بس تقريبا 4 ساعات بس حدنا استانسنا مو جنيف جنها مصر بس على انظف : )


وو اذا تبين تعرفين اكثر عن هالمناطق انصحج دخلي منتدى المسافرون العرب كل شي بتلاقين فيه وحيل بفيدج : )


وسامحينا عالقصور

 

[Pissy Missy]

شوفي حبيبتي سويسرا حلوه بس مشكلتها بالصيف ان وايد فيها خليجيين وماتحسين انج مسافره

وعندج المناطق الحلوه لوزان ومنتروا وعندج شموه هذا جبل بين سويسرا وفرنسا وتقدرين تاخذين الرحله من الفندق واذا تقدرين تأجرين سياره او تاخذين تاكسي روحي evian في فرنسا لانها وايد قريبا من سويسرا و وايد حلوه

وبالنسبه حق shopping احنا بصراحه مانتسوق وايد في سويرا لان اروح لندن عقب ف انخليه السوق من هناك

بس في شارع يصير جدام البحيره ماتمر فيه سيارات وفيه ماكدونلد معروف ماكو غيره وقريب من محطة القطار

هذا فيه بس جم محل و راح تحصلين وايد محلات ساعات ونصيحه اذا تبون تشترون ساعات اخذي من سويسرا

 

[Pissy Missy]

وفيه محل كبير بس بصراحه نسيت اسمه هم يكون قريب من البحيره ويمه بوتيك Lv هذا المحل نفس طريقة دبنهامز يعني فيه كل شي

 

[ام مهودي]

مشكووووووووورين اي ادري انه سويسرا ما فيها سوالف وايد انا بس بروح اشوفها جم يووم وبعدين دول ثانيه

 

[دمي خفيف]

والله حبيبتي سويسرا بس حق الطبيعه اما سوق مافيها واايد وسوقهم بسيط كلش

بس اذا رحتي جنييف بالنسبة حق السوق واايد راح تعجبج كلها ماركات وناسه تمشي وإلا اهي اصلا ما فيها شي
عندج يم جنيف مناطق فرنسيه فرنيه وايفيان هم حلوه

اما بالنسبه حق مصنع الكاكاو واااايد عندهم مصانع كاكاو انا رحت العام مصنع يم لوجانو .. واكو جنه في بازل
بس اذا تبين تتأكدين اكثر شوفي بالنت

وان شاء الله تستانسون

 

[ام مهودي]

مشكوووره ما قصرتي

 

[@Miss Dio@]

حجزتي باي فندق بجنيف وانترلاكن؟
احد نصحج فيه انا متوهقه

 

[ام مهودي]

لا للحين ما حجزت بس اسأل المشكله فنادق اكثرها قديمه

 

[نوراامينا]

والله الديره حلوه وراقية وراح تستانسين فيها بس مايسوى تقعدين وقت الكرنفال داخل جنيف لانها زحمة وماكو شي بس العاب نارية،روحي ايفيان وانترلاكن وآنسي وبعد عندج لوقانو ومنها تقدرين تروحين ميلانو تقريبا المسافه ساعة من هناك والافضل تأجرون سيارة وتتنقلون فيها واذا بتسكنين في جنيف عندج فندق بريستول قريب من البحيره وستايله انجليزي قديم شوي بس آنا أستانس فيه لأنه صغير وهادي واذا تبين خارج جنيف عندج فيرني فولتير تبعد 10 دقايق بالسياره وهي فرنسية والسكن فيها أرخص وفيها شقق فندقية ونفس الشي بالنسبة لديفون... واذا تبين فنادق مقابل البحيره وسعرها معقول عندج لوزان هادية المهم توفر السياره والسكن في مكان معين و منه تنطلقين الى المدن المجاوره.. وانشاءالله تستانسين.

 

[ام مهودي]

مشكورين

 

[Om_Ksha]

الحين شنو احلا السكن ديفون ولا لوزان وشنو الفرق !!