خبيرات دبي!

[بنفسجية]

السلام عليكم
شلونكم بنات ؟
بسالكم عن دبي ،
منو راحت دبي مول ؟
فتح كله و لا في محلات بعدها ما خلصت ؟
و شنو في محلات يديدة مو موجودة عندنا ؟
احلى من امارات مول ولا نفس المستوى ؟
اتكلم عن المحلات مو الديكور ..
ناطرة ردودكم!
شكراااا ..​

 

[الدلال]

عاد انا كل اسبوعين اروح دبي اشتري من هناك وارجع اروح على طيران الجزيره الصبح وارجع بالليل تعودت على هالروتين ههههههه وبالعطله ناخذ اليهال ونقعد هناك فتره
شوفي الله يسلمج.. دبي موول حلو وكبير وفي محلااات واايد واظن كل اللي تبينه ممكن تلاقينه هناك واللي لي الحين مافتح ولاني اخر مره رايحه بداية هالشهر شفت ان لوي فيتون وفندي ومانجو وجم محل لي الحين مافتحوا بس اظن انهم على وشك يفتحون ولي رووحه 26 الشهر واقوولج اذا فتحوا ولا لا

ومن ناحية منو احلى اهو ولا الامارات مول والله بصراحه اثنينهم حلوين بس دبي مول محلاته اكثر

 

[بنفسجية]

انا بعد
بروح بو يوم و ارجع
دايم اسوي هالحركة نفسج لووول
من جذي اسال عن دبي مول
مابي اروحله و يضيع علي اليوم ما استفيد
ابي اضمن اني القى اشياء حلوة
لان اذا محلاته نفس مستوى امارات مول
اروح امارات مول انسبلي على الاقل ادله لول

 

[الدلال]

دامج نفسي تروحين الصبح وتردين بالليل راح اقولج روتيني من اوصل دبي

اول شي اروح دبي مول وبعدها اطلع اروح الامارت مول لان على نفس الدرب وبعدها سيتي سنتر

هالمجمعات اهم شي عندي

واذا بقى وقت اروح مكان ثاني او اذا في بالي شغله ولا مكان معين اكنسل احد هالاماكن واروح بداله المكان اللي في بالي

 

[بنفسجية]

نفس خطتي تقريبا ..
بس انا ماحبه سيتي سنتر
زحمة ..
شكرااا عالمساعده

 

[amoon]

وابن بطوط
وهم جريب من الامارات مول

 

[ام عوض]

ماشاء الله عليكم ..اتون دبي يوم واحد ..الله يعطيكم العافيه

انا دبي مول قريب من بيتنا بس 5 دقايق ..ولين الحين ماسرت له

 

[ام عوض]

عاد انا كل اسبوعين اروح دبي اشتري من هناك وارجع اروح على طيران الجزيره الصبح وارجع بالليل تعودت على هالروتين ههههههه وبالعطله ناخذ اليهال ونقعد هناك فتره
شوفي الله يسلمج.. دبي موول حلو وكبير وفي محلااات واايد واظن كل اللي تبينه ممكن تلاقينه هناك واللي لي الحين مافتح ولاني اخر مره رايحه بداية هالشهر شفت ان لوي فيتون وفندي ومانجو وجم محل لي الحين مافتحوا بس اظن انهم على وشك يفتحون ولي رووحه 26 الشهر واقوولج اذا فتحوا ولا لا

ومن ناحية منو احلى اهو ولا الامارات مول والله بصراحه اثنينهم حلوين بس دبي مول محلاته اكثر

هلا اختي

دامج تين دبي ..ماكد رحتي للقرية العالمية ..تراها حلوة .

 

[بنفسجية]

ام عوض
دبي مول شنو فيه محلات ؟

 

[ام عوض]

اتصدقين ما رحت له لين الحين .. :ssssso: مع انه يبعد عن بيتنا 5 دقايق ..

بس مرة دشيت على موقع المركز بالنت ..لاني كنت قاعده ادور محل ديزل ..لاني ابي اشتري بدل من هالماركة لولدي ..

و امبين بالموقع خريطة المركز و توزيع المحلات و اساميهم ..

بس ناوين انا و اختي انروح هالاسبوع باذن الله :jbdwjbd:

 

[الدلال]

هلا اختي

دامج تين دبي ..ماكد رحتي للقرية العالمية ..تراها حلوة .

هلا فيج يالغااليه

اكييد رحت لها وحييل اعجبتني

بس اروح لها يوم اللي اتم بدبي اكثر من يوم والاغلب يكون بالعطله مع زوجي وعيالي

بس لما ازور دبي يوم واحد ما يمديني لانها بعييده شوي

 

[بنفسجية]

بناااااااات
الي عندها فكرة عن محلات
دبي مول الديدة
تكتبهم لي بلييزززززززز

 

[ArEEj]

كل المحلات تقريبا فيه
وتقريبا فاتح بنسبة 99 %
بس كبير كبير تتعبين تفرين فيه
تقريبا 5 مولات لاصقين ببعض

 

[بنفسجية]

يعني محلاته اكثر من امارات مول ؟؟

 

[بنفسجية]

وفي محلات مو موجوده بالكويت ؟؟

 

[ArEEj]

شوفي هالموضوع بيفيدج

http://q8yat.net/showthread.php?t=305319

 

[بنفسجية]

مشكوورة ..

 

[ام عوض]

ترى مول دبي فيه محلات تفتح لاول مرة بالشرق الوسط.. تقريبا 165 متجر لعلامات تجارية تفتتح اول مرة بالشرق الاوسط

مثل محلات هاميلز . اللي في لندن

موجود في الطابق الثاني



و غاليري لافاييت Galeries Lafayette"،

و


"ويتروز Waitrose"
أكبر محلات السوبر ماركت في وسط مدينة برج دبي


و


كينوكونيا ، سلسلة محلات الكتب اليابانية الأصل والتي تتمتع بحضور قوي في أستراليا والشرق الأقصى والولايات المتحدة الأمريكية
وراح يكون أكبر محلات الكتب في دبي.
و

Alberta Ferretti وJoseph وAlexander McQueen وManolo Blahnik وAgent Provocateur وGalliano وTom Ford وLanvin


و بالنسبة للمفروشات المنزلية

Armani/Casa وWalentowski Gallery وBloomingdale's

و المطاعم

وFauchon Café وRainforest Café وCafé Nero وMBCo وVapiano وCarluccio’s وPong Ping Pong Dim Sum وRoadster Diner وThe Noodle Factory



و ملابس الاطفال

وArmani Junior وTommy Hilfiger Kids وKids Puzzle وTheopille & Patachou وCacharel Paris.

 

[ام عوض]

معلومات اخرى

كما أعلنت "إعمار لتجارة التجزئة" عن توقيع اتفاقية شراكة حصرية مع "أرماني كازا" لافتتاح منافذ للعلامة التجارية في مختلف أنحاء دولة الإمارات العربية المتحدة، على أن يتم إطلاق أول هذه المتاجر في "مول دبي". وفي الإطار ذاته يحتضن المشروع مرافق ترفيهية فريدة منها مجمع "®SEGA Republic" للألعاب التفاعلية وهو الأول من نوعه في الشرق الأوسط؛ وسوق الذهب" الداخلي الأكبر من نوعه في العالم؛ منطقة أرض الأطفال "كيدزينيا ®KidZania" التي تجمع بين الألعاب الترفيهية والتعليمية؛ وحلبة للتزلج على الجليد مصممة وفق المعايير الأولمبية العالمية، ومجمع سينمائي يضم 22 صالة عرض عبر شركة "ريل إنترينمنت" المشروع المشترك بين "إعمار لتجارة التجزئة" و"مؤسسة كاثاي".

يمتد "مول دبي" على مساحة 12 مليون قدم مربعة، وتصل المساحة المخصصة للتأجير والمرافق التجارية فيه إلى 3.77 مليون قدم مربعة من إجمالي المساحة المبنية التي تتجاوز من 5.9 مليون قدم مربعة، في حين يصل عدد المنافذ التجارية إلى أكثر من 1200 منفذاً وأكثر من 160 مطعماً ومقهى، إضافة إلى مواقف للسيارات تستوعب أكثر من 14 ألف سيارة. كما يضم المشروع فندق "العنوان- مول دبي" من فئة الخمس نجوم الذي يحتضن 250 غرفة و450 شقة فندقية. وتم تجهيز "مول دبي" بهذه المرافق المتكاملة استعداداً لاستقبال ما يزيد عن 30 مليون زائر، ومن المتوقع أن يتوافدوا إلى المشروع خلال العام الأول من تشغيله.

 

[الماسة82]

بنات ايهم افضل بالنسبة للمحلات الي موموجوده بالكويت
امارات مول ولا دبي مول؟؟؟؟؟