خبيرات دبي مساعده لاهنتوا

[طبعي مزاجيه]

السلام عليكم


لو سمحتوا بنات بغيت اسألكم عن محلات المواعين ومطاطير الشاي والقهوه الكشخه واسعارهم حلوه وين ألقاهم؟؟
والاغراض اللي يجيبون الحريم منها بضايع وشغلات غريبه وين ؟
وابي العبي اللي هابين فيها شنو ؟؟ يعني مثلا عبايه خنجي بالكويت مو موجوده والكل ياخذ منها هناك

وابي العطور والبخور الحلو هناك شنو اسمه واي محل؟
ومن وين ألقى جناط الماركه التقليد والكشخه ؟وشنو جناط الموضه الحين ؟
وابي صالون انقش فيه الحنا ويكون رخيص وحنته حلوه ولونها ثابت

ادري طولت عليكم بس بليز بنات انا اول مره اروح دبي سااعدووني تكفون :eh_s(1):

بنات بليززز لا تطنشووني مابقى على سفرتنا شي ان شاء الله

 

[مسكـ الامارات]

بخصوص المواعين الكشخه بتلقين في سان ماركو فرع بن سوقات سنتر بس اسعاره شوي مرتفعه

مثل شو اشياء غريبه ؟؟؟ بتحصلين في السوق الصيني

العطور والبخور انصحج بمحل ياس , انفاسك دخون , احمد المغربي , هند للعطور

التقليد بتلقينه في سوق الكرامه

ونقش الحنا سيري سوق الحمريه المركزي صالون الكشخه حلوو نقشهم عند زبيده وفي صالونات ثانيه لفي عليهم وشوفي الديزاينات إلي عندهم ^^

 

[طبعي مزاجيه]

فديتج والله مسووكه

ي ليت تكتبين لي محلات العطور وين بأي مجمع القاهم ؟
وفي اواني ارخص من هالمحل؟

 

[مسكـ الامارات]

دبي مول يجمع اغلب المحلات ^^

ممكن تلقين ارخص من هالمحل في سوق الراس بس لازم ادورين عدل

 

[طبعي مزاجيه]

سوق الكرامه وين بأي شارع؟
وابي ساعات تقليد درجه اولي وسعرها حلو
ادري ازعجتج بس شسوي ما اعرف دبي

 

[طبعي مزاجيه]

قالوا لي عن محل ( دمنهور للأواني المنزليه ) بس ما اعرف مكانه وين؟
بسوق نايف ؟؟؟

 

[مسكـ الامارات]

سوق الكرامه في منطقة الكرامه واكيد بتحصلين سوع تقليد ^^

اول مره اسمع عن هالمحل يمكن تحصلين بسوق نايف

عادي فديتج اسألي وحياج الله

 

[بدون هويه]

وانا متابعه معاكم نفس اسئلة الاخت بس سان ماركو باي منطقه ؟؟ يقولون سوق الزعفران كله مواعين فخمه بالجمله باي مكان هذا الله لا يهينك

 

[طبعي مزاجيه]

انا اعرف ارض الزعفران موجود بسوق نايف

انزين بنات شنو الملافع الموضه ؟؟؟ يعني قبل فتره كان ملافع ابوطاهر
الحين شسم الملافع الجديده؟

 

[نياره]

اب اب