زعفرانه العتاب
القروب ما يمنعج من الخصوصيه بالعكس , القروب يتكفل برحلتج وتوصيلج للمكان ويقولج الساعه الفلانيه نلقاكم بهالمكان عشان نرجع ,, وانتي براحتج روحي المكان اللي تبينه , واذا ما تبين تطلعين وياهم قولي للقايد ترى ما نابي نروح وياكم هالرحله , احنا سوينا جذي برحله من الرحلات كنا نبي نتمشى بالسنتر فقلنا له هالشي وعادي الوضع هم راحوا رحلتهم واحنا رحنا السنتر
القر وب ينظم وقتج
لمه كنا نروح بروحنا ننام لين الظهر او طلعتنا تكون عقب المغرب , لكن لمه رحت مع القروب فرق علي الوضع صراحه ,فزعه من صباح الله خير , كان قايدنا يعطينا جدول اليوم الثاني ان بنروح باجر هنيه وهنيه وهنيه والساعه الفلانيه ابيكم باللوبي عشان نركب الباص فكنا نقوم الصبح نتريق ويبدي يومنا بالرحلات , ولمه نوصل المكان اللي نبيه يقول لنا الساعه الفلانيه ابيكم كلكم هنيه عشان نرجع , طبعا اذا رحنا سوق كان يسالنا جم يكفيكم وقت ؟ وعلى اساسه يحدد موعد تجمعنا عشان نطلع من المكان ونروح غيره
هذا غير الجو الاسري الحلو اللي كان بقروبنا ما شاءالله كنا على قلب واحد وصرنا ربع الشباب قاموا يطلعون مع بعض والبنات مع بعض والحريم مع بعض وتمشي وسوالف وضحك وتصوير مع بعض جنه نعرف بعض من سنين ما شاءالله
هو مثل ما يقولون فيه حظ شويه , والقايد اللي رحنا وياه اخر مره كااااان باختصار روعه وفاهم وشايل المسؤوليه عدل
ونفس الشي بالنسبه للعوايل اللي كانت ويانا , اخييييييه جان زين يتكرر نفس القروب
