خبيرات اوروبا ابيكم تقولون لي كيف الجو بيكون في ميلان ايطاليا وسويسرا شهر 6

[adriana]

هلا بنات انا انشالله ناويه اروح شهر 6 مع زوجي ايطاليا ميلان ومن ايطاليا بنروح لوقانو في سويسرا وبنمر انترلاكن وعلي

باقي المدن ويمكن نمر النمسا سالزبورغ وزيلامسي كله بالسياره عاد ابي اعرف الجو كيف بيكون هناك بالذات ميلان في

ايطاليا لانهم قالو لي حر خذي صيفي وسويسرا كيف بيكون جوها في شهر 6 مع اني انا رحت السنه الي فاتت النمسا شهر 7

اوله وكانت بارده ولبست شتوي وكنت ماستعديت بملابس كله صيفي ووديت معاي جكيت واحد كديته كد قطعته بسبب البرد

ماتوقعت قلت صيف اكيد بيكو حلو الجو وانصدمت عاد ابي اعرف الجو شنو بيكون في 6 في المناطق الي قلت لكم عنها الله

يعافيكم انتضركم عشان ارتب شنطه السفر للحين مادري شنو احط صيفي او شتوي

 

[فرنسا]

ايطاليا عموما حارة ...... تلبسين صيفي لكن المشكلة جو اوربا متقلب مرة برد ومرة حر ........ لكن شهر 6 الجو بالنمسا حلو بارد بس مو بارد برودة الشتا لا يعني جاكيتات خفيفة ونفس الشي بسويسرا اخذي ربيعي صيفي خفيف واذا صار برد لبس جاكيت

 

[hafhaf]

حبيبتي تقدرين تدخلين على موقع الأرصاد الجويه المتوقعه بالفتره اللي بتروحيلها وشوفي درجة الحراره بالمناطق اللي تبينها ومثل ما قالت أختي فرنسا إيطاليا عادة بالصيف حاااااااره وأنا اللي أعرفه انترلاكن بارده شويه والنمسا جوها حلو .. عاد أنتي أخذي معاج جاكيتين سيفتي والباجي ربيعي.. وتروحين وتردين بالسلامه يارب

 

[مشمشة رمانة]

شوفي حبوبة ايطاليا شهر 6 براد لكن شمسها حامية يعني بالسيارة لازم تكييف لكن اذا قعدي مكان مظلل حلوة الجو يعني ينلبس صيفي لها

في الليل تصير بادة شوي يعني جم طويل كافي وبلايز قط كافي

وحق سويسرا والنمسا اخذيج ربيعي يعني الكنزات الخفاف واذا وياج اطفال اخذيلهم البجامات الداخلية لانة يصير شوي برد عليهم واستعدي حق المطر

وتروحين وتردين بالسلامة

 

[شواخي]

هالشهور اليوم الواحد يصير فصول اربعه

برد حر

شتا ربيع خريف صيف

يعني لبسي بلايز وودي جاكيتيات
وان صار برد لبسي الجاكيت و ان حر فصخيه

وشهر 6 مثل 7 ماكو فرق ..كلهم summer

تروحون وتييون باللسلامه