خبيرات اندونيسيا

[قطوه صفراء]

السسلام عليكم

ششحالكم بنات بغيت استفسار منكم

منو فيكم قد صارت اندونيسا ان ششالله بروح لها ع شهر 10:ggdw:

شنو افضل مدينه >ترا هذي اول سفره لي

ماعرف شي سساعدوني:eh_s(11): فديتكم

شنو اخذ معاي:eh_s(2): وكيف اتعامل معاهم يعني بالريال السعودي>حدي متلخبطه:eh_s(11):

اتمنى مساعدتكم

 

[قطوه صفراء]

افا المشاهدات 8 ولااحد رد

ماهقيتكم كذ1

 

[بكتني الذكريات]

ماعرف والله بس احس اندونيسيااا مو حلوه مادري ليش روحي ماليزيا احلى طبيعه وكل شي

 

[قطوه صفراء]

ماعرف والله بس احس اندونيسيااا مو حلوه مادري ليش روحي ماليزيا احلى طبيعه وكل شي

يسلموو حبيبتي

خشي المسافرون العرب شوفي التقارير عنها مرا حلووه
واهي احسسن من ماليزيا بكثيرر وهم رخيصه بعد

 

[MiSS B.K]

اب لعيونج

 

[جودي 130]

انا بعطيك الخبر الاكيد با\ن الله
انا رحتهاا بشهر ثلاثه ومرررره حلوه الطبيعه فيها والاماكن الي تروحين لها
اول شي بعلمك خطتنا يومين جاكرتا واربع ايام في بونشاك وست ايام في بالي ويومين بعد في جاكرتا
اول ماوصلنا جاكرتا ريحنا بالفندق وثاني يوم رحنا مجمعاهم واخذنا شريحه اكسل من المطار وحوسه على ماشحناها وبعدها اليوم الي بعده يعتبر ثالث يوم من الرحله
رحنا بونشاك
احنا حاجزين طبعا من الدمام كل شي وحاجزين على فندق ساروني 3
رحنا حديقه تامان سفاري هي كبيره مرررره وفيها عروض الفيله وعروض النمور وعرض الكابوي وعرض الدلافين كله من تذكره الدخول بتموتون من التعب تكسرت رجلي ههههه
واليوم الي بعده رحنا حديقه الورود وحدائق الشاي والشلال لاتفوتينه بتندمين سبحان الله منظر راااايق وعند الشلال بحيره تجنن
وبعدها اليوم الي بعد رحنا فوووق الجبل عشان نشوف الناس وهم يركبون المنضاد من فوق الجبل لما الارض منظر يخوف لو اموت ماركبه
وبس طبعا في الشلالات السبعه يمدحونها كثير كثير بس مارحتها وفي اشياء حلوه مارحتها
اما بالي
سكنا في فندق هوليدي ان
يجنن الفندق اذا انتي شهر عسل لاتروحينه لان الحمام الله يعزك شفاف وام الفضايح خخخخخ
طبعا رحنا شفنا البركان وكان بالنسبه لي شي غريب اول مره اشوف بركان طبعا من بعيد لبعيد
ورحنا مصنع الفضه ورحنا رحله بحريه خياليه فشاطى والله نسيت اسمه بس شي حلو
ورحنا حديقه القرود ورحنا رقصه بالي ورحناوبس بقيه الايام روقنا فيها على البحر لان تعبنا بس مناظرها تعطي الراحه والروقان
وضلينابعدها رجعنا جاكرتا ورحنا دنيا فانتزيا ووناسه
بس بالنسبه للاكل وععععع الله يعز النعمه حتى الاكل العربي موحلو عندهم علقنا على دانكن دونات بس
وبالنسبه للجو رطوبه بس في مطر بالعصريات يبرد سبحان الله
وبالنسبه للفلوس لازم تكونين عارفه كيف تحسبينهم ولا ام النصب والغش عندهم
ومقارنه بماليزيا كوني رحتها من قبل احلى بمليووووون مره و
بالنسبه للشوارع زحمممه
والشعب همجي وام الطراره مايسون شي الا بفلوس عسى ماتقولين لهم وين المحل الفلاني الا مدو يدهم يرفعون الضغط
وبس طولتها عليك اتمنى اكون افدتك
وصرفنا 25 الف ريال مو رخيصه
اسفه على الاطاله واي سؤال انا حاضره

 

[قطوه صفراء]

فديتك يسسلموو حبيبتي

انا اقررت اروح بونشاك فقط ششرايك

لانو المبلغ20 الف بسس

انا سمعت واحد منزل تقرير يقول كلفت علي الرحله 11 الف ورحلتهم 8 ايام فقط

هذا اللي خلاني اتشجع واروح لها

 

[قطوه صفراء]

ايوه كنت بسالك حبيبتي شنو الاماكن الحلوه للي بونشاك فقط>لانو يمكن اروح لبونشاك بسس

ايووه حبيبتي انتم تعاملتم مع سواق خاص ولالا

 

[جودي 130]

شوفي بونشاك مرره حلوه لانها جبل اووك
الاماكن الي تروحين
حديقه تامان سفاري
وحديقه الورود والشلالات السبعه
والشلال الي فيه بحيره صناعيه
والبحيره الطبيعيه
ومزارع الارز ومزارعى الشاي
وانتي ناويه تحجزين السكن من هنا ولا بتاخذون فلل
وفي بعد منتجع كوتا بونقا حلو وفيه فلل حلوه بس انا سكنت بفندق سروني 3
وتقدرين تتمشين في جاكرتا اذا خلصتو منبونشاك وفي ايام عندكم لانها تبعد قرابه الساعه بالسياره
وتروحون شاطى انشول وتروحون دنيا فانتازيا وتلفون بالمجمعات
وبالنسبه للسواق شفناه بالمطار اول ماوصلنا بجاكرتا واتفقنا معاه بالسعر ونام في بونشاك لما رجعناجاكرتا عشان هو الي مشانا فيها واذا بقيتي رقمه من عيوني واي سؤال عيوني لك

 

[q.u.e.e.n]

اندونيسياااا روعه رفيجتي رايحه لها ومصوره فيها الصراحه خضره وطبيعه وجزيره بالي روووووووعه ودي اروح لهااا ودي اروح شرق اسيا كلها