خبيرات امريكا ... مساعده اذا ممكن ؟!!!!

[batoulizm]

سلااااااااااااااااااااام
مشكوره حبوبه على الرد بس اليونايتد عندهم رحله لي واشنطن وبعدين لوس انجلوس ووحده فرانكفورت بعدين لوس انجلوس وفي بعد توقف اكثر من مكان بس ماجيكت عليهم

المهم عندي خبرين موحلوين

الاول اني قررت اني مااخذ بنتي وخلاص راح اخليها عند امي وخالتي
الثاني سعر طيران اليونايتد (كويت-واشنطن - لوس انجلوس) والعكس حل الرده امس كان 1096 دولار اليوم صار 1350 تقريبا للشخص طبعا انا ماحجزت ناطره مقابلة الفيزا الاثنين وزادت علي الاسعار

اي صح وفي خبر ثالث
ريلي موعاجبته وايد سانتييقو يقول جنه وايد عليها 3 ايام يقول بيروح لها يوم واحد من الصبح لي بليل !!!

الي عندها خبره بسانتييقو تقولي وين اروح فيها اماكن حلوه غير السي وورد والليقولاند

الخبر الرابع --- ادري من طول الغيبات جات الغنايم
انه سفرتي زادت يوم يعني صارت 15 يوم
يومين اب لاس فيقاس بقعد بفندق The Palazzo Resort-Hotel-Casino
و5 ايام اب سان فرانسيسكو بقعد بفندق Hotel Nikko San Francisco

والباجي مادري بعدي بس لوس انجلوس اذا ماسكنت سانتيقو افكر اقعد جم يوم ابفندق ابشارع الSunset Blvd وجم يوم باللونق بيش

ولا شرايكم منو عندها اقتراحات حق احلى مناطق سكن في لوس انجلوس ؟!!!!

 

[batoulizm]

اي وي صح بعد بنتي ماراح تييه فمااحاتي كار سييت بس همن بوديها معاي المقابله اطلعلها فيزا حق المرات اليايه
واكتشفت انه ريلي عنده نفقيشن فبس بروح انركب عليه خريطه امريكا

وصج اذا انا ساكنه بشارع The Strip اب لاس فيقاس مااحتاج تاكسي !!! لان اهيا كلها تمشي بهالشارع ؟!!!

وشنو بعد استعراضات حلوه اقدر ادشها ؟!!!

وييي وايد قرقت يعطيكم الف عافيه بنات وممشكورين على معلوماتكم القيمه

 

[Queen-q8]

شوفي اختي

اذا على الرحلة وتخطيطها ترى تقدرين تحجزين من كويت لوس انجلس والردة سان فرانسيسكو كويت بنفس السعر او فرق بسيط اذا حاجزة عن طريق المكاتب السياحية او السفريات
بس اذا عن طريق النت دايما يطلع فرق وايد بالسعر

واذا ما لقيتي وقررت ذهاب وعودة بنفس المكان عادي

طلعي على لوس انجلوس وقعدي 4 ليالي ومنها لاس فيغاس 2 ليلتين ولو افضل تزيدينهم على الاقل 3 ليالي لانها حدها ونيسة وجوها هالوقت حلو وخليها 3 ليالي او بالكثير 4 بسان فرانسيسكو لان اماكنها الرئيسية تخلصينها بسرعه وهمن باردة بهالفترة
وتردين لوس انجليس 5 ليالي ومن لوس انجليس ممكن تروحين سان دييغو وبالنسبة للاماكن اللي قلتيهم هم اهم الاماكن واذا تبين معلومات وايدة تقدرين تروحين موقع المسافرون العرب وايد مفيد

واذا تبين نصيحتي خليها لوس انجليس ولا فيغاس بس يعني كنسلي سان فرانسيسكو لان وقتج شوية ويا دوب تكفيج 11 يوم لوس انجليس سوقتها حلوة والاكتفيتي وايدة وخلي سان فرانسيسكو بعدين ترى تعب عليج وبرد
يعني خليها لوس انجليس 5 ليالي ولاس فيغاس 3 ليالي وردي لوس انجليس اسبوع يادوب تكفي تفرين لوس انجليس لانها وايد حلوة وهمن اخذي يوم تمشي بسان دييغواو يومين تطلعين وتردين

بالنسبة لافضل الاستعراضات اللي اعرفه انه في cirque do solaih بالفندق بنفس الاسم وهمن في كذا عرض شوفي السايت مال المسافرون العرب وايد متكلمين عن لاس فيغاس
واعتقد بالنسبة للتاكسي اذا ساكنة بالستريب اعتقد ما تحتاجين واذا احتجتي مو غالي وايد وبعدين في قطارات توصل بين الفنادق يعني مو كلها بس الاغلب
وان شاء الله تطلع الفيزا وتروحين

 

[DivaQ8]

ما يصير تروحين كاليفورنيا بدون ما تتسوقين اب بيفرلي هيلز
في عندج فندق موجود بال
Spalding drive
اسعاره شوي غاليه بس قعدي فيه جم يوم بس حق التسوق و هم بوسط السوق
انا عن نفسي ما رحت غير الاسوقه الي ببفيرلي هيلز
اكيد فيه واايد اسوقه بلونغ بيتش بس انا عن نفسي حبيت بيفيرلي هيلز واايد
كافي ان فيها ساكس فيفث افينيو

 

[DivaQ8]

اي بالنسبه حق التوقف اذا اليونايتد توقف بلندن هيثرو لازم تنزلين من الطياره حق التفتيش
حتى لو ما كنتي بتنزلين لندن اهو قانون يديد
اهو تبين الصراحه حلو انج تتسوقين بمطار هيثرو بس التفتيش حدا عباله

 

[batoulizm]

Queen-q8
اي والله صح كلامج مشكووووووره ماقصرتي
رحت السفريات وحجز لي سان فرانسيسكو وبعدين من لوس انجلوس ارد

وتغيرت رحلتي وضبتها الحين عدل

DivaQ8

افا عليج حق السوق لا تحتين مرتبه كل شي بس من تحت لي تحت

يعني احط الفنادق بنص السوق بس ريلي مايدري على اساس انه بروح سياحه مو سوق بس شسوي اذا السوق بطريجي

 

[digital]

تروحين وتردين بالسلامه


على اى خطوط حجزتى لى سان فرانسسكو؟؟

 

[batoulizm]

دلتا

عندهم فرع عندنا بالدوام لمن رحت حق اليونايتد قالتلي انها بتبلش بعد جم يوم اطير من كويت دايركت لي اتلاتنا فلوريدا بعدين شان فرانسيسكو

 

[batoulizm]

سان فرامسيسكو


صج نسيت اقولكم

امس كانت مقابلتي مع السفاره

تصدقون وقفنا انا وريلي على شباك المقابله بس سألتنا وين تشتغلون وليش بتروحون قلنا سياحه ومنو راح من قبل ريلي قال بس انا

وبس !!!!!!!!!!!!!!!!!!!!!!!!!!!!!!!!!!!

لا وتخيلوا ماخذو اوراق الدوام ولا البنك ولا حجوزات ولا فندق !!

الابلكيشن وصورنا وصورة الجواز وورقه الدفع من ببرقان !!!

بعدين طلعنا بره عن دdhl وقالولي انا بونتي بعد 3 ايام وريلي بعد اسبوع يوصلونهم بس احنا حطيناهم مع بعض قلنا دزوهم كلهم بعد اسبوع !!!!!!!!

اتهقون ليش ماسألوا ولا خذوا ؟!!!!

يعني موافقين لا لا ؟!!!

وعلى فكره ترى انا موديه بنتي بس لمن اول شي اخذوا بياناتنا قلنا تحتاجون بنتي حق المقابله قالوا لا !!!

وعليه وانا مقعدتها من الصبح عاد راح ريلي وداها بيت ابوي ورد حق المقابله !!

ها قولولي ليش ماخذوا الاوراق ؟!!!!!

موافقين تهقون ولا لا ؟!!!!

 

[batoulizm]

لوووووووووووووووول

يبه San Francisco

اووف كل شوي غلط :S

ادري كلامي في وايد بدليات شسوي انا بدوره والي يدربنا اذاني كل شوي ايه صوبي قاعده اكتب بسرعه

 

[digital]

والله ما ادرى ليش ما خذوا الاوراق

بس يمكن هذا نظامهم اليديد

نطري جم يوووووووم وراح يبين وان شاااء الله وانا متأكده راح يعطونكم الفيزا

 

[rawona]

حبوبه خذوا منكم الجوازات والا ردوها لكم؟؟

مابي اضيق خلقج بس اذا ردولكم جوازاتكم اخاف السالفه اطول وحسافه ماطلعتي فيزتج وفيزة بنتج علشان في حاله رفض الفيوا لريلج ماتضيع عليكم فلوسكم نفس ماصار مع ناس نعرفهم قالولهم الزوجه والبنت تطلع الحين والريال بعد اسبوع جان يقولون لا نبي كلهم ويا بعض وماخذوا جوازاتهم واخر شي افلسوا كلهم ما عطوهم فيزا وقالولهم ردوا قدموا مره ثانيه!!​

 

[DivaQ8]

اهم وايد يشددون على الرياييل ما ادري ليش يعني؟
احنا فيزتنا طلعت تقريبا بعد 3 ايام.. كنا كلنا females
بس ناس نعرفهم قروب شباب.. طولت سالفتهم اكثر من شهرين
بس انتوا رايحين عايله يعني انشالله سهالات

 

[digital]

انا زوجي مااطولت فيزته وطلعت معانه مع انه مسافر كل الدول اللى يعتبرونهه ارهابيه العراق وايران والسعوديه ولبنااااااااااااان جوازتنه متروسه ختومات لبنان وسوريا بس هم عاادى ما قالوا شي

اهمه كيييفهم وحسب مزاجهم

 

[اشراقة الحياة]

الله يسهلج انشاالله .....

عطينا اخر الاخبار ...............

 

[batoulizm]

لا ماردوا لنا الجوازات خذوها كلها

مادري انا قلت يدزون فيزتنا انا وبنتي وريلي رفض بس !!!

واساسا لو ارفضوا ريلي ماراح اقدم مره ثانيه راح احول ماليزيا على طوووول وعاد افكر متى اروحلها مره ثانيه

احنا تونا مجددين جوازاتنا انا بس السعوديه وريلي سعوديه ودبي والاردن

بس الفورمه الثانيه الي فيها وين رايح خلال 10 اسسنين اي فيها وايد اماكن على قولتج الي يعتبرونها ارهابيه عدا ايران انا وياه قبل اكثر من 10 سنين رايحين مادري عاد بجيكون على قبل ولا لا !!!

عاد زهبت كل شي خوخططت حق الرحلة وعرفت الفنادق بس يعطوني الاوكي 5 دقايق الا كل الحجوزات ااكدها

بس باقي السياره مااعرف اي سياره انقي ولا شلون لان ساعات يعطونج سعر بعدين يزيدون عليه اشياء غير التاكس

وباقي ال shows ملوت لاس فيقاس ماادري ايهو يناسبنا !!!


يعطيكم العافيه على الردود وانشالله من يصير عندي خبر اونسكم معاي

ومن ارد من السفر لكم تقرير كااااااامل حتن الميزانيه محتفظه فيها عشان اذا سالتوني

والله تصدقون لي الحين ماكلفت شي !!!! بس السوق الله يستر مع البانزين !!!

 

[digital]

الله يسهل:yaaaaaarb: وان شاء الله تطلع الفيزا لا تحاتون

يالله ننطر التقرير من الحين:eh_s(9):

 

[dalprincess]

سهالات انشالله موافقين عالفيزا دام قالولكم بعد 3 ايام راح يطرشونها والحين مو موسم سفريعني الفيزات تطلع بسرعه ... والخطوط خلج عاليونايتد احس شي .. وعروض لاس فيقساس شوفي اذا موجود عرض سيلين ديون حلو روحيه وفيه عرض ثاني مالي الساحر ديفيد مادري شسمه حلو وايد ... ولاس فيقاس قعدي بفندق بالسترب ونصيحه اذا بتقدعين جم يوم كل يوم خليها بفندق لان فنادقها خيال مو صج .. يعني بتقعدين 4 ايام خليها على 3 فنادق لان اذا شفتيهم راح تتحسفين ليش ماقعدتي فيها .. عموما احلى فنادق مناك فينيشيا --MGM..paris--- pilangio....سيزر.... وفي بعد وايد بس مو ذاكرتها

 

[batoulizm]

digital
مشكوره عزيزتي والله يسمع منج

دال برنسس

والل تصدقين سحبت يومين من سان فرانسيسكو وزودتهم على لاس فيقاس

 

[batoulizm]

صج بنااات

احتاج اطلع امريكان اكسبرس ؟!!!

ولا فيزة الوطني تمشي بكل مكان ؟!!!!!!!!!!!!!!!