خبيرات امريكا ابليز

[*caramel macchiato*]

شوفي بالنسبة للفيزا طلعيها امبجر احسن لج.....

انا اختي كانت نااوية اتروح امريكا معاي هالسنة...وراحت شهر 5 وقدمت على الفيزا....عطوها الفيزا بس ريلها ماعطوووه الا شهر 8 <<<مادري ليش....مع ان ريلها لا ملتحي ولاشي....وكنسلو سرفرتهم وراحوا ديرة ثانية

بالنسبة حق الطيران انا رحت مرتين امريكا.....مرة عالاتحااد ....حدها روعة وعجيييييييييييييييييييييييبة والميديا اتينن والكحراسي مريحة ...بس شنو عيبها انج بالروحة تنزلين اترانزيت ابوظبي 3 ساعات اعتقد وبعين اطيرين امريكا 14 ساعة ....تخيلي العذاب بس ....وبالردة تقعدين اب ابوظبي 12 ساعة ......هذا عيبها الشرعي

هالسنة رحنا عاليونايتد....الصراااحة عااااااااااااااااادية حييييييل والميديا اتلوع الجبد....بس فيها ميزتين ....اول شي اتوديج دايركت من الكويت لي امريكا وثاني شي ...ارخييييييييييييييييييييييييييييصة....تخيلي الشخص الواحد 215 ....

بس احنا رحنا فيها عشااان دايركت ....وان شاء الله اذا مرة ثانية بنروح راح انروح عاليونايتد بس عالجي كلاس ....وانا بعد انصحج فيه ...

اذا بتروحين مع اعيااالج انا ارشحلج اورلانو....لانها عائلية وتصلح حق الي عندها يهااال .....وحتى معيشتها وااااااااااايد تعتبر ارخيصة بالنسبة حق كاليفورنيا.....بس الله يعينج عالحر ....بس صج صج حلوة وونيييييييييييييييييييسة.....

واذا بتروحين مع ريلج ....مالج غييير كاليفورنيا ( لوس انجلس والمناطق الي حواليها وسان فرانسيسكو وسان دييغو ) واكيد بتمرون لاس فيغاس ...اهي تصلح اكثر حق ريال ومرته ....واااااااااااااااايد حلوة وااااااااااااايد راقية ....بس برايي انها ماتصلح حق اليهال ....اولا غالية وثانيا الاماكن الي فيها اغلبها حق اكبااار ....وخصوصا فيغاس مافيها شي غير (shows) واعرف ناس خوا اعيالهم ومستانسوا اليهال واذوا اهلهم......

انا حبيييييييت كاليفورنيا اكثر ....بس الناس اذواق ...في ناااس حبوا فلوريدا اكثر ....والاثنين روعة بلا شك

بالنسبة حق المصرف ....المرة الاولى كنت انا وريلي يوم رحنا فلوريدا وقعدنا شهر ...تقريبا صرفنا 3 الاف دينا ( كل شي مصرف وفنادق وسوق") وهذا الحجي من سنتين.....

بس هالسنة يوم رحنا كاليفورنيا قعدنا هم شهر بس صرفنا تقريبا 5 الاف ونص تقريبا .....

وبالنسبة حق السيارة ...ضرووووووووووووووووووري اتاجرون سيارة ...لان امريكا كلها مسااافات طويلة .....وتحتاجونها....

ايه ونسيت ...ترا احنا كل حجوزاتنا عن طريق النت ...تطلع عليج ارخص بواااايد.....

واذا تبين تسالين عن اي شي انا حااااضرة حبيبتي

 

[طموح مفقود]

امريكا حلوة اذا رحتي ماودج نرجعين
بالنسبة لاجراءات الدخول عادية عطيهم جوازج راح يشيكون عليه يعني الفيزا صلاحية الجواز وجم بتقعدون من هالكلام واتوقع فيه تحقيق لان اغلب العرب يحوشهم تحقيق عادي هذا اجراء روتيني .من ناحية اللغة صدقيني وقت الوهقة كل الكلمات راح تطلع بس احفظي جم جملة تقزيرة حق المطار.
انا اخوي حولوه مكتب التحقيق قعد عندهم ساعتين ليما طافتنا الطيارة الثانية ويقول معاي خليجين بس قاعدين وبعدين قالو روحوا.
وبعدين انا لما نزلت المطار كنت عباية ونقاب وعادي كلموني باحترام ويمكن علشان جذي اخرونا.
واحتمال بعد اروح ورا عيد الاضحى

 

[احلى من الحلى]

مشكورين بنات ماقصرتو

 

[buffy]

والله انا اهنيج على اختيارج واشجعج امريكا اتينن انا رحتها الصيف اللي طاف رحت اورلاندو تهبل وايييييييييييد استانسنا انا وريلي وعيالي 2وكلفتني خمس الاف وقعده فيها 33 يوم وخذيت مصرف مشرا حقي 2500 دينار وكانت واااااااايد رايه شريت ليمن طلع المشترا من خشمي واخر شي ييت الكويت جان احمل واتنسا بالاغراض كلها هاهاهاهاهاهاهاهاهاهاهاهااهاهاهاهاهاهاهاها

 

[الغلا2003]

شنوالماكن الحلوه في نيويورك...انا الحين بنيويورك...وشنو الاشياء الحلوة والرخيصه هني؟؟
والاسواق ؟؟لاني توني واصله امريكا ولين الحين ما فتريت....يالله نبي نصائح

 

[ام الحلا والريم]

اشلون حبيبتى ؟؟؟؟

من وين انحجز ؟؟؟

سوري توني دخلت الموضوع

الطريقه تدخلي حجوز الفنادق عن طريق موقع اسمه priceline وطبعا اتحددين موقع الفندق بقوقل ايرث وتختاري عدد نجوم الفندق فكل ماكانت النجوم اقل كل ماقل سعر الفندق انا جربت 3 نجوم حلو وكان سعره اقل من 50 دولار للي يبي يطول بس الي كم ليله يختار 5 نجوم وعلى حسب المكان الي بتروحين له تتغير الاسعار

واذا بتحجزين حجزي قبل لا تمشين او اذا وصلتي احجزي وانتي بالمطار او الله يعنك تسكني اول ليل بسعر غالي وتحجزي من نفس الفندق وتطلعين للفندق الي يكون جنب الفندق مالكم بسعر رخيص بس اذا بتمددون الاقامه فيه فلازم قبل وقت طلوعكم من الفندق بيوم او بيحسبونه عليكم بسعره الطبيعي

 

[احلى من الحلى]

يسلمو يسلمو يسلمو


ياحلا بنات


واذا بعد عندكم معلومات لا يوقف



السياره بنات ماعطيتنو معلومات عنها ولا نركب باص

 

[ام الحلا والريم]

نصيحه بنات الي رايحه نيويورك لا اتفكر تاخذ سياره لان خسايرها اكثر من فوايدها لان نيويورك زحمه واذا وقفتي خطا مخالفه والمواقف غاليه وبعد الي تبي تتمشى فيها لا تروح الا في الربيع وصيف لان الحين برد

 

[احلى من الحلى]

انا بروح فلوريدا يعنى اخذ سياره ولا اشلون الطريقه ؟؟؟؟؟؟؟؟؟؟؟؟؟؟

 

[ام الحلا والريم]

انا بروح فلوريدا يعنى اخذ سياره ولا اشلون الطريقه ؟؟؟؟؟؟؟؟؟؟؟؟؟؟

ان شاء الله على الكرسميس بروح فلوريدا وبسياره طبعا قبل لا روح بسجل جميع عناوين الاماكن السياحيه من موقع العرب المسافرون واذا بتستاجرين سياره لازم اكون معك الجي بي اس او النفيقيشن يعني قولوا للماجر يعطيكم ياه مع السياره
وسجلي العناوين فيه

 

[semaasem]

أحلى من الحلا


فلوريدا لازم سيارة ضرورية بس نيويورك ماتسوى فيها السيارة الا في حالة اذا بتطلعون من نيويورك بره بس

 

[احلى من الحلى]

يسلمو

يسلمو

يسلمو