خبيرات المكياج ساعدوني {بشتري ميكاب للعرس+غسول البشره المختلطه}

[حلوه & دلوعه]

عندي زواج حماي بعد شهر

ومابي احط مكياج بصالون

لاني كل مارحت اطلع من الصالون وانا مو راضيه

وطبعا اقعد اسبوع اعالج بشرتي يالله تتحسن

لانها تتقشر وانا اكون توني ماطلعت من الصالون

اللي ابيه الحين اترشحون لي

افضل كريمات الاساس

مثبت المكياج

والبودره

واساسيات المكياج ككل

وافضل ماركة شدوات

وتاتو للحواجب

وايلاينر

وبلاشرات

وافضل غسول للبشره المختلطه

انا جربت كريم كلينك من مدة 4 سنين وكان حلو مع بودرته تنصحوني فيه؟

وكريم ديور وبودرته الجديده حيل عجبني جربته بالمحل بس غالي وخفت اخذه واندم تنصحوني فيه ؟؟ او جفينشي


واذا نسيت شي اذكروه واللي يعافيكم
.........................

 

[الزينه اصايل1]

حبيبتي بالنسبة للغسول والمواد الحلوة حق نضارة الوجه والعناية عندج ماركة بايوت تجنن وطبية وتلاقينها عند المركز الفرنسي وبالنسبة للكريمات والله يا اختي انا وحدة احب منتجات شارمل في كل شي الكريم الأساس والبودرات والشادو والبلاشر كل شغلهم حلو وانا احط كريماتهم بس للعروس والمناسبات الكبيرة واذا تبين الكريم مالج يطلع نفس الصالونات في شغله تخلطينه مع الكريم اي كريم تستخدمينه سواء للعرس او غيره والله انه يخاي الكريم ماسك علة وجهج ومشدود الله يسلمج اذا تعرفين محل اسمه عروس البحر بالفروانية يبيعون فيه علبه وسط فيها كريم سائل لونه فوشي - انا احط الكريم مالي على شكل نقط علة وجهي وبعدين اجيب الكريم الفوشي واحط منه نقط بسيطة على الوجه فوق نقط الكريم ودهنيهم على وجهج عدل ووزعيه زين والله يطلع وجهج يجيب العافية واحسن من كريم الصالون واي استفسار ثاني انا حاضرة بس عالخاص عشان انتبه وموفقة يا عسل

 

[حلوه & دلوعه]

مشكوره ياقلبي على ردج






وينكم يابنات فيدوني

 

[white**angel]

كريم اساس ديور حدا حلوووو وترا كريم الاساس من بشره لي بشره يفرق يعني انتي روحي وجربي الي يلووق على بشرتج
احطلج اكثر من كريم اساس ينفع حق حفلات وانتي روحي جربيهم
1) كريولان الكل يستخدمه حق الحفلااات لانه يعطي تغطيه قووويه
2) دبل وير هم ثقيل وحدا عجيييب انا احبه
3) ديور وااايد حلووو
4) كوفر ديرم هذا انا ماجربته بس البنات مني يمدحونه واهوا صج تغطيته حييييل ثقييله

الحين دور المثبت احسا شي استخدمته ميكب فور ايفر حدا حلوووووو وبعدين لو كان كريم اساسج مضبووط اونتي مهيئه بشرتج عدل ماراح تحتاجين حق المثبت

وبودرة الاساس عندج دبل وير حلواااا وعندج من ديور

البلشرات عندج ديووور ونارس وماك حددددددهم اينننون

والحمر عندج ماك - ميبلين - سانلوران هذوول بالنسبه لي الممتازييين

والكحل عندج كحل كريمي من ماك سواده اينننن ومايروووح

المسكره عندج سموكي لاش من ميكب فور ايفر - و لانكوم هيبونس - ماكس فاكتور

الشدواات انا موذاك الزود معاهم بس الي اشوفهم حلويين صج ملوت كريولان وااضحييين

وحق غسول الويه انا ما اشتري المناديل الي تنظف المكياج لانها تحرق ويهيي فاستخدم صابونتي الخاصه احسها تشيل الميكب بضمييير
واي سؤاال انتي بس امرييي وانشالله فدتج ولو بشي بسييط

 

[حلوه & دلوعه]

مشكوره ياقلبي على مساعدتج

اي انا كنت محتاره بين كريم ديور وكلينك

كلينك جربته يومي وحلو بس ديور جربته بالمحل ودش مزاجي وترددت

بس بشتري ديور ان شالله