خبيرات العبي يتفضلون

[بوغاتي88]

بنات اشلونكم شخباركم / طبعا الموضوع باين ابي ارقى واحلى واكشخ محلات للعبي عندنا في الكويت واذا تعرفون مصممات شغلهم راقي وذرب ومميز لاتبخلون علينا لأن بصراحة رفيجتي وصديقة عمري بتعرس وحايرة بالعبي ماتبي شي مكرر تبي شي غريب ومرتب وانتو عارفين الحمولة فلازم تكون جدامهم انيقة وكشيخة همتكم يابنات ديرتي ابي فزعتكم معاي لأني بصراحة ما اعرف شي بالعبي كوني مو متحجبة فمالي خبرة في هالشي فقلت اكيد كويتيات ماراح يقصرون معاي وخاصة تبيني انا اللي اجهزها بكل شي واهي تثق بذوقي وايد عسى الله يوفق كل وحده ترد علي ويفتحلها باب رزق ويسخرلها كل شي تتمناه اللهم آمين ويوفق اعيالها ويسخرلها زوجها واللي مومتزوجه انشاء الله تتزوج وتستقر بارك الله فيكم :fun::fun::fun::nbvppw::hearting::aha:

 

[احب الكاكاو]

ما اعرف بالعبي بس رفع لعيووووونج

 

[البسايل]

عندج محل عبايه شيك غاليه بس شغلها حلو وغريب المحل مقابل معهد التجاري بحولي

 

[بسمــ(ツ)ــه]

المشعل بالفروانيه رااااقي والتفصال مرررررررتب

انا كل عباياتي منه

 

[{هتًان}]

رد : خبيرات العبي يتفضلون

تبي نوعية فخمه ( المغاتيير )

والعملية ( الصيفي بالاس ) و ( العربيد )

طبعا ضروري أول مره تاخذ فكره عن المجمعات وعقب تختار وتفصل

 

[بواسم]

شوفي مجمع التقرة الشمالي في كذا محل بالطابق الاول والافنيوز

وانا بعد عندي موموجود بالسوق ومبروك عرسكم

 

[محسن ولدي]

فيه محل شدو بالافنيوز غريب وجديد

 

[شوشو العنزي]

اي صح محل المصممة تهاني العتيبي للعب رووووووووعه شويه عليهم
قبال التجاري

 

[لولوة حمد]

رد : خبيرات العبي يتفضلون

حبيبتي انا مااخذ الا من عبايات الشهد اللي في الجابرية يم مكتبة الشناكل وعند بنت الرفاعي اللي في قرطبة

شغلهم وايد كلاس وراقي

 

[$حبيبة عبودي$]

اب .

 

[حقووقيــــــه]

محل المتحجبه عندهم فرعين واحد بالافنيو وثاني بالكوت . .
احلى واكشخ واذرب عبي سعره فيه . .
يستاهلوون سعرهم والله كل ما البسهم يسألوني عنهم
انا كنت اسوي عند مصممه بس هونت الصراحه يظل التعامل مع محل احسن
واااايد تعاملهم اينن المتحجبه ولو يصير بالعبايه شي حتى لو بعد وقت يصلحوون عادي
--
موفقه

 

[Ms.Mia]

رد : خبيرات العبي يتفضلون

حياج شوفي العبي ناعمه وحلوه

http://mtgry.com/ms_mia/cat/7059/

والله يوفقها ويهنيها

 

[طيفك يناديني]

رد : خبيرات العبي يتفضلون

روحي لخديجه البصمان
شغلها راقي وذرب

 

[noody a&a]

رد : خبيرات العبي يتفضلون

انا دايما آخذ من نجدية في مجمع الراية والمتحجبة من الافينيوز وفي فرع بالسالمية وشدو بالافينيوز هم
وسمعت عن وحده في معرض افكاري بس صراحه ماشريت منها بس مره شفت وحده لابسه من عندها وحلوة عباتها اسمها ام مشعل في معرض افكاري

 

[الدلوعه ميمي]

اب اب لعيونك

 

[افكاري]

الله يتمم عليها ياااارب اختي حياكم بمعرض افكاري

عندنا مشاغل للعبي شغلهم راااقي واغلب زباينهم عرايس يتجهزون

الزين للعبي (ام مشعل )

المقص المغربي (ام فهد)

الزمدة للعبي للمصممة( نجاة)

مشغل s&H(ام ناصر)

بنت المملكة للعبي

شغلهم روووعه وغيير عن اللي دارج بالسوق

الري - خلف سنتر بوينت- بجانب السوق الإيراني

 

[راعية الطويلة]

رد : خبيرات العبي يتفضلون

تبين الصج
ماكو على العربيد غلاري افتري عدل و تلاقين أرتب الموديلات
خلج من سوالف الخبة الزايدة اللي ترهش العين((موكلاس الصراحة))

و خلج من اللي يصلخون السعر صلخ تقولين ماخذة سيارة مو عباية

العربيد جلاري محلاته متنوعة فيها الذرب و الخام الزين و الشغل الراقي

انا عباياتي عند بوكنان و الشغل حده ذرب
و التركيبات ما تطيح

و فيه غيره بعد حلوين و راقيين

وعندج بعد بدون اسم
أنا دايم اروح اللي بالعربيد بلازا فوق
أحس اوسع و ارتب
هم شغلهم راقي والسعر وسط بين الغالي و الرخيص

بالتوفيق

 

[هنـــد]

مشاغل الفروانيه كلهم حلوين بصراحه

وعندج محل امار بمجمع مغاتير حلو وذرب

 

[*peace*]

رد : خبيرات العبي يتفضلون

يمدحون مغاتير

بس انا صراحه ماشفته مادري

 

[علياء الحسن]

ام مشعل اللى بافكارى شغلها كلة من الامارات حلو وذرب