خبيرات الجييز كيك عندي سؤال

[eng-khadkhad]

بنات شلونكم .. كنت بسئلكم كل مرة أسوي جييز كيك وأحط الدايجستيف مع الزبدة في قاعدة الطبق واحط باجي مكونات الكيكة .. بعد ما ادخله الفرن وأطلع الكيكة لازم لازم القاعدة محترقه او طعم البسكوت يصير مو حلو والبسكوت يصير غاااامج ومحترق شسوي مع اني ما اعلي على الفرن
بليييز ساعدوني

 

[بنتq8]

انا ولا مره جربت احطه بالفرن دايم اسوي بارد بثلاجه البنات يفيدوونج

ماحبيت اطلع من غير رد

 

[ام سلومd]

تبين تحسن حل انا كل مرة اسويها اخلي تحتها مثل الحمام المائي

 

[مساء مونترو]

انا عن نفسي مااحب ادخلة بالفرن..
بس ا>ا تبين تدخلينة لازم تكونين مسوية القاعدة من القصدير يعني تلفين القالب بالقصدير علشان مايحترق

 

[مس يو]

مثل ماقالوا البنات لبسي القالب قصدير بعدين قصري على نار الفرن ولا تخلينه على الرف اللي تحت حيل خليه بالوسط

 

[أم ريوف 1400]

كلامى من كلام ام سلوم

بصراااااااحة لازم حمام مااااااااائى

والا يحترق

 

[جارة القمر]

ما قصرت أم سلوم

 

[eng-khadkhad]

حيااااااااااااااااااااتي كلكم كفووووووووو والله بنات المنتدى ما يقصرون

 

[ريمه الكويت]

انا اسويه دوم مايحترق بس انتي خليه بالفرن بالرف الوسطي مثل ماقالو البنات وحاولي تفتحين النار من فوق بعد عشان يستوي بسرعه من فوق ولاتخلينه مده طويله التشيز كيك ماياخذ وقت وانشالله تسوين احلى تشيز كيك

 

[mrs.perfect]

40 دقيقة الجيزكيك ينحط بالفرن بحرارة متوسطة
وموشرط الفترة كامله
بس تشوفين الويه مال الكيكة حمر عدل مو غامج ولا متحمر بالاطراف يعني بشكل حلو يشهي .....طلعيه وخليه بره يبرد بدون لا تغطينه ولا تحطينه بالثلاجة خليه يبرد على كيفه
بتحسين اول ما تطلعينها جنه ليلحينها لينه ميخالف لمن تبرد تجمد اكثر
اول لمن ةكنت اسوي جيزكيك كنت احرقها مثلج لان شكلها ليلحينها مو مستويه بس امي علمتني
ان لمن تبرد تتغير

 

[caramela 85]

اول شي غلفي القالب بالقصدير وحطيه في حمام مائي وعقب دخليه الفرن بالوسط