خبيرات الببغاء تعالوو ^^

[w0o0dy cullen]

هاي بنات








الخبيرات بالببغاء
عندي ببغاء مايتكلم من اول ماشريته واهو مايتكلم بس يقول ببغاء مع اني اقعد معاه واحاول اسولف وياه ولا يكرر كلامي نهاااااااااااااااااااائيا صارله الحين اكثر من سنه
والحمد الله اهو مو مريض بس مادري شلون اخلي يتكلم ؟؟

اللي تعرف للبغاء تساعدني ^^

 

[xXBountyXx]

أختي الغاليه

أولا الحمد لله انه مو مريض

ثانيا دامه يتكلم ويقول ((ببغاء)) فهذا دليل على انه مرتاح في مكانه

ومطمن ومتعود عليج

عشان جذي مايخاف ويتكلم عادي

بس بالنسبه انه مايقول شي ثاني

يمكن يحتاج صبر وفتره اطول

غير جذي يمكن المكان اللي انتي حاطته فيه او الغرفه وااايد هاديه

اذا تقدرين تنقلينه لي مكان اكثر حيويه يكون وايد احسن


و اذا حابه انه ((يتكلم وبس)) مو شرط تبينه يقول شغلات محدده

تقدرين تشترين اشرطة تعليم الاطفال القراءه سواء بالانجليزي او العربي

وخليه شغال 24 ساعه جدامه

المهم انه لازم يسمعه على طول

وتعيدينه كل ما خلص

مع الوقت راح يلقط جم كلمه

وبعد فتره حتى كلامج اللي تكررينه له راح يلقطه ويردده



موفقه



تقبلي مروري

xXBountyXx

 

[w0o0dy cullen]

مشكورة يا عمري

بس والله اغير مكانه دايم مرة حطيته عند الدرج لول عشان لما انادي الخدامه يسمع لان اكثر اسم اناديه بس هم مايتكلم !!
والحين صار له عندي اكثر من سنه ونص

ومرات اغير مكانه احطه فوق عندنا وفوق كله قعدتنا وسوالفنا وتلفزيونا وهم مايتكلم

بس فكره الشريط حلوه بسويها وعلى الله يتكلم بخاطري اسمع كلمه غير ببغاء ههههههههههههههه

 

[digital]

احسن شي تحطينه معاكم ترى اذا ظل بروحه يصير فيه اكتآب وينتف ريشه

شوفى انا قريت بموقع انه احسن وقت لتعليم البغبغاء الكلام اهوه فترة الصبح بعد ما يكون شبعان نوم وماكل تقعدين معاه وتكررين الكلمه عليه جممممممممم مره وبين كل مره والثانيه تنطرين 10 ثواني


بس


رفيج زوجي ماشاء الله عليع عنده كاسكو شحلوووووه يتكلم مااااااشاء الله يأذن و معلمه حديث من احاديث الرسول طبعا زوجي سأله شلون ومتى تعلمه قاله احسن وقت للتعليم وقت اللى يكون داااايخ وتحسين انه ماله خلق

احنه كاسكوتنه تتكلم يعنى بس بنطلع من البيت نقولهه باي باي والحين بس تشوفنه نطلع تقولنه باي باي

بس صارلى اكثر من سنه بس ادش البيت اقولهه السلام عليكم موووووووو راضيه تتعلم

اهمه يتعلمون الشي اللى على مزاجهم مثلا تعلمت هالحديث وتقوله بالترتيب بس يرن التليفون

الو
يمااااااا تليفووووون

طبعا بصوت ولدي بالضبط

وطول اليوم تنادي يماااااااااااااااااااا يمااااااااااااااااااااا ههههههههههه دمهه خفييييييييييف مو جني قرقت وايد :eh_s(9):

الله يهدى اللى عندج ويتحجه

 

[AmOoNa-]

حبيبتي اول شي شنو نوع البغبغاء الي عندج؟؟
لانه مو كل البغبغاوات تتكلم بطلاقه اغلبها تتعلم تقلد التصفير وصوت التلفون وجم كلمه على مزاجها وبس وبعضها ماتتعلم تقول كلمات

اما اذا كان كاسكو فانتي يمكن شاريته كبير وغالبا الكبير بالعمر ماكو فايده من تعليمه لانه غالبا ماراح يلقط الكلمات و حتى لونطق ماراح ينطقها عدل

ديجتل انا سمعت انه كلمه السلام عليكم صعبه على وايد بغبغاوات يعني غلجه عليهم مايعرفون ينطقونها بس اللي عندنا يقولها فمادري اذا صج المعلومه ولالا

 

[sweet barbi]

والله انا ماعندى خبره بس مره سامعه يحطوله فلفل ايبب على راسكم ويتحجى ويصير خوش واحد ما ايون اله بلعين الحمرا

 

[AmOoNa-]

والله انا ماعندى خبره بس مره سامعه يحطوله فلفل ايبب على راسكم ويتحجى ويصير خوش واحد ما ايون اله بلعين الحمرا

اي سالفه الفلل معروفه مادري شنو الحكمه منها بس اعتقد انه الكاسكو لمه يحرقه الفلفل يطلع اصوات ويحرك حلجه فيتعلم يطلع اصوات اكثر والله اعلم بس وتره الكاسكو من تطينله فلفل بروحه يروح ياكله يحبه معنه اتوقع موزين حق معدته
بس ماتوقع ينفع حق حاله مسس

 

[%مذهـــلـــة%]

السلام عليكم
حبيبتي هذا الرابط دشي علية وراح يساعدج تحصلين على
كل المعلومات اللي تحتاجينها عن الببغاء((الكاسكو)):-
-
http://grayparrot.homegoo.com/montada-f5/topic-t10.htm​

 

[توته عنونه]

انا عندي ببغاء اسمه كوكو
اول ما كان يتكلم بس الحين يقلد الاصوات ينادي اسمه
يقلد المطافي و الشرطه
يقلد الجرس يقول يما يناديني يقلد اصوات الريايل