خبيرات الإمارات لحقونننننننننننني قبل لا أحجز وأتوهق

[otroja]

السلام عليكم

بنات بدون مقدمات أنا بروح الإمارت ومن زمان مو رايجتلها صارلي يمكن 5-6 سنين المهم الحين إن شاء الله بروح فتنصحوني وين أقعد بدبي وإلا بالشارجه ؟؟ ابي بعيد عن الزحمه

وثاني سؤال الله يسلمكم إذا قلتولي دبي أو الشارجه قولولي شنو أحسن فندق نظيف وحلو 5 نجوم وهم إذا تعرفون شقق 5 نجوم هم زين

إيه صج إذا تعرفون منتجعات حلوه بالجميرا أو بدبي أو بالشارجه سواء بر او بحر أي شي المهم حلوه ومو زحمه دلوني عليه مو مهم عندي المجمعات بس مليت من الأسوقه أبي أونس اليهال بالعيد

الله يخليكم ردو علي بسرعه علشان يمدي أحجز يالله بنات ناطرتكم

 

[منى قلبها ابيض]

شووووفي يا قلبي انا دبي كنت فيها بشهر 4اللي طاف مع زوجي تهبل حدها واسواااقها روعه انا كنت ساكنه بستي سنتر تحتي السووووق وللامانه حده حلووو ونظيف ومرتب

انصحج بطيراااان الامارات <-- عن تجربه

الاسواق الوافي ابن بطوطه مرشد نايف المنال ستي سنتر لامسي سنتر ابو الهيل كله عبايات

اما المنتجعات ما عندي فكره عنها

 

[أساور]

سكني بكمبينسكي ولازق فيج مو ل الامارات وكل شي فيه

 

[otroja]

مشكورين بنات على الردود صاحبة التكسي أنا سكنت بستي سنتر قبل صج زين بس ما عجبني وايد وانا ما أبي مولات أبي أونس اليهال بس فأبي شي حلو مو شرط يكون يمي مول
وصج وين تنصحوني أروح أماكن حلوه

 

[يــاغربـــالي]

الفنادق عندج قراند حياة مو طبيعي // وحياة ريجنسي حلو .. هذيل مايبيلهم كلام .. 5 نجوم ,

اما اذا تبين فندق حلو وسعره مناسب عندج فندق اسمه ستار بوتيك حلو ونظيف وخدماتهم اووكي بس مو بمستوى اللي فوق ^

اما المنتجعات جزيرة النخله حلو سمعت فيه بس ،، اما قصر جميرا خوووووووش منتجع عجيب حيل حلو يم برج العرب تطلين على برج العرب من بلكوتنج ..

في مكان اسمه قرية البوم السياحيه حيل حلو مطعم وتعشون داخل بوم تمشي بالخور المنظر حيل حلو واكلهم نظيف وخدماتهم حلوه ,,

وفي مكان اسمه وايلد وادي جمب برج العرب وقصر جميرا اهي مدينة العاب مائيه رووعه الصراحه ,,

واهم شي مدينة الثلج في مول الامارات ..

انا شفت الشارجه وشفت دبي // دبي سياحه لكنها ازعاج وزحمه وكلها وافدين //

الشارجه اغلبها مواطنين وهدوووووووووء لكن السياحه فيها يعني // الللهم متااحف ،،

الله يوفقج

 

[كـ غلا ــلي]

عندج فندق الكيمبنسكي اللي اب امارات مول .. نصيحه عجيب حده لا يطوفج اهواا 5* وهم تحتج السوق والمول هاذا خوش

شي حق اليهال بعد لانه فيه تزلج وسينما

وهم جربت رتااج بلس هم حلو ونظيف بس مو بحلات الكيمبنسكي

واللي يصك عليهم كلهم برج العرب لووووووووول

 

[غلاي6]

عندج فندق ذى بلس تاج بلس قراند حياة حياة رجنسي
ودبي احلى وسياحيه بس الشارجه عاديه

 

[ليل ونهار]

عندج فندق توماني روعه لسويت اليله 2000درهم سويت كبير فيه الغرفه الرئيسه بحمامحه وغرفه ثانيه بسريرين وحمامهاااوصاله كبيرة فيها طاوله الطعام 6 انفار وفيها مطبخ بكامل عدته بثلااجه وغساله ثياب وغساله المواعين وفرن ومكرويف وسخان الماي وكبتشينوو ومكينه التوسترر للبريد
الصراحه وايد حلوووة خاصه اذا معاج عيالج بتستانسين فيهاا في دبي 5 نجوم
اذا تبين الصور حاضرة

 

[جوجو.]

ستي سنتر وبسسسسس عن تجربه شخصيه

 

[[..كـــــرك..]]

أنصحج بفندق copthornehoteldubai

وتفضلي الرابط بتعرفين اكثر http://www.millenniumhotels.com/ae/copthornehoteldubai/index.html

بس الفندق اربع نجوم لانه ممنوع الخمر ولا نايت كلب بس مستواه راقي

مانصحج بغيره

اذا انتو عايله اخذي جناح

بقولج اماكن حلوه لليهال

عندج دبي اوت لت مول فيه مكان العاب لليهال

بمول الامارات فيه سكي دبي تلقينه مفتوح من 10 الصبح لي 10 بالليل

حديقه خور دبي

ممممممممممممممممم العاب ستي سنتر

مدينه مدهش

القريه العالميه

هذا اللي يحضوني اللحين

والسموحه

لوبغيتي اسواق للكبار امري بس:ggdw: