خبيرات ادوات التنظيف والاجهزه الكهربائيه .. حياكم نفيد بعض :)

[Bent Texas]

السلام عليكم ورحمه الله وبركاته ..

شلونكم بنات شخباركم ..

اولا ..

ودي اشتري ست كامل تنظيف حق شقتي يعني مخمه وشفاطه ومخمه صغيره نفس اللون ويكون سعرهم مناسب مو مبالغ فيه مع جوده رحت اليوم تروفاليو لقيت ست لونه كحلي كل شي موجود بس فيه عيب شرعي المخمه اكبر من المكرافه !! شلون بيدخل الوصخ كله بالمكرافه لازم تكون اكبر .. قمت ورحت هوم سنتر الي هو سنتر بوينت لقيت عندهم تشكيله بسيطه امبين انها بقايا كميه كانت عندهم وتحبطت وين تنصحوني اروح والقى شي حلو ومرتب ؟

ثانيا

بشتري مكنسه كهربائيه سنعه يعني تشفط الزوليه شفاط من حسب خبرتي لازم يكون الواط عالي عشان تكون مكنسه زينه .. هل من تجارب تنصونحي بنوع معين ؟؟

ثالثا ..

افضل نوعيه اوتي ووين احصله ؟؟ فيه اتوي اللي اذا كويت فيه تنتفخ الهدوم انا شفته بس ماعرف سعره وهل اهوا عملي حق كل الملابس ؟ وسعره معقول ؟

رابعا ..

الغساله شنو نوع اتوماتيك سهل حق الخدم عن الخراب وعملي وشنو المعايير الي تختاروون على اساسها الغساله ؟؟

ان شاء الله تدشون وتجاوبوني ما تقرون الموضوع وتحقروني

شكراااااااااااااااا :eh_s(7):

 

[امـ جوجو]

مادري انا دايما اخذهم من الغانم ان شاء الله البنات يفيدونج

 

[Bent Texas]

تشترين من الغانم الاجهزه . ولا ادوات التنظيف من الغانم ؟؟ فيه عندنا شركه ادوات تنظيف متخصصه بالكويت

بنات الله يعافيكم ردوو علي

 

[واوي حبي]

رد : خبيرات ادوات التنظيف والاجهزه الكهربائيه .. حياكم نفيد بعض

ادوات تنظيف مادري احنا من لوازم العائلة
اوتي عندج البخار اي نوع زين بس راسه انتبهي تاخذين فرشه مثل المشط خل يصي بدونه والبخار احسن من الاوتي وان بغيتي اوتي بناسونك زين
غساله احسن شي ال جي وعملية وتنظف زين وسهلة
ومكنسة كهرباسونك لونها عنابي باسود جنه حمدله هم وايد زينه