خبيرات ابوظبي

[نورعيني أنا]

مرحبا خواتي بغيت اسألكم عن مولات ابوظبي متى تسكر عشان بروح لها ترانزيت 6ساعات وابي اعرف اقرب مول عند المطارغير الواحه على ما اعتقد اسمه جذيه لاني سمعت انه موحلو حيل وشكرا مقدما:hjy5jewf:

 

[اماراتية وايد]

مرحبا ملاين في بلادج المولات تقريبا الساعة غشره ونص الي 11 ومولاتنا للاسف داخل جزيرة ابوظبي اقرب مول اللي قلتي عنه الراحه والباجي داخل عندج المارينا مول حلو وماركات ابوظبي مول واليديدات الخالديه والوحده مول والسوق المركزي بس بصراحة ما ادري عنه لانه جريب فاتح وطبعا السوق العادي اللي هو سوق مدينه زايد وبس

 

[Om_Ksha]

^
^
بعد قلبي اماراتيه يريت تفيديني انا بقعد يومين اب ابوظبي اذا الله كتب شسوي بهاليومين !؟!؟ اول زياره لي .. شنو احلا مولات .. الكبيره اللي تغنيني عن الباجي ويعني .. ماقصرتي حبيبتي

 

[البدر2000]

بنات جابو برنامج في التلفزيون عن سوق في ابوظبي شكله غريب الديكور ارابيسك يقولون حلو والوحدة اذا فيها شي ياليت تفيدونا

 

[أورااااااد]

ايه والله فيدونا عن ابوظبي ناوية اروح لها

 

[كيم كارداشيان]

حياتي .. شوفي الراحة مول هو القرب من المطار ..


بما إنج نازلة 6 ساعات فأنصحج بالتالي ,,


من المطار تاخذين تاكسي للمارينا مول .. خلال نص ساعة بتكونين في المارينا مول .. بس خبري التاكسي ياخذ طريق جسر الشيخ خليفة ..

لا تروحين من طريق دبي بوظبي .. أكدي على التاكسي ياخذج بطريق الشيخ خليفة .. أقرب لج بحوالي ربع ساعة ..


المهم المارينا عندج كل الماركات .. أعتقد بيكفيج عن أي مول ثاني ..

المول الأرابيسك .. هو السوق الجديد .. اسمه جذيه ( كان سوق شعبي واحترق .. وبنوا مكانه هالمول) ..

تسوقج فيه بيكفيج لمدة ٤ ساعات + الغدا .. وترجعين بأخر ساعة للمطار ..

خذي لج شنطة سفر كبيرة من كارفور بنفس المول تحت .. حطي فيها مشرياتج ..


ورحلة موفقة

هيه صح أخر ملاحظة ..

المحلات تسكر علي الساعة 10 وبعضها 11 المسا ..

 

[كيم كارداشيان]

^
^
بعد قلبي اماراتيه يريت تفيديني انا بقعد يومين اب ابوظبي اذا الله كتب شسوي بهاليومين !؟!؟ اول زياره لي .. شنو احلا مولات .. الكبيره اللي تغنيني عن الباجي ويعني .. ماقصرتي حبيبتي

المولات اللي تكفيج هي المارينا مول + الوحدة مول + الخالدية مول ..

أبوظبي مول حلو بس الطريق له معقد وهالشيء خلا الاقبال عليه خفيف خاصة إن كل المحلات اللي فيه لها فروع بالمولات الثانية ..

روحي فراري ستي ..

وإذا ياية على شهر ٧ .. لا تفوتين مهرجان صيف في أبوظبي اللي بيكون في أرض المعارض ( لو عندج يهال بيستانسووون مووت ) ..

وطبعا بوظبي حلوة . بس في الصيف يكفيج اسبوع أو أقل ,, بس في الشاتا يبالج اسبوعين تتونسين لأن أغلب الاماكن الحلوة مفتوحة والجو حر لاهوووووب الحينه ..