ايطاليا تهبل
غااااالية حيييل اغلى من فرنسا و بريطانيا
اهم الاماكن فيها طبعا ميلان
مركزها الدومو الي فيه ساحة الحمام
سوق الماركات
مقاهي و مطاعم
عندج شارع بينوس ايريس حق الشوبينغ
تقدرين تطلعين منها تروحين منطقة كومو تقريبا تبعد عن ميلان ساعة
بحيرة روعة و طبيعية
بعد منطقة كومو تقدرين تروحين اوت لت فوكس تاون ولو انه ما عجبني و روحي لوقانو في سويسرا نفس يوم الاوت لت هم بحيرة
اتوقع كافي على ميلان 5 ايام
لازم بعد تروحين فينيس تقدرين تروحين لها بالقطار تبعد عن ميلانو بحدود الساعتين
حلو فيها ساحة سان ماركو هم سوالف حمام و كافيهات و بارات
رحلة الجندول روعة
كافي عليها يومين
و لو انه مو وايد كويتيين يروحون روما
بس بالنسبة لي اهي احلى مكان في ايطاليا
صج ان جوها حار
بس كافي التاريخ و الاثار الي فيها
فيا فينيتو شارع القهاوي
السبانش ستبس معلم حلو دري تحته محلات و حناطير يفرون شوارع روما
نافورة تريفي اجمل نوافيرهم احلى معلم بالنسبة لي في روما
بيازا نافونا ساحة الرسامين و فيها نافورة المكان حلو كله مطاعم و قهاوي
الكولوسيوم
الفاتيكان
البانثيون
اذا تهمج الاثار انصحج تروحين روما
ايطاليا مو ممتعة لليهال مع اني سمعت انه في ملاهي في ميلان
ما اقدر اقول لج شكثر تكلف كله على حسب جم يوم بتقعدين فيها
ووين بتروحين بالضبط
و اي الفنادق الي بتقعدين فيها
و شلون بتتنقلين من مكان لمكان
ان شاء الله اكون فدتج
