خبيرات أمريكا بغيتكم شوي

[عواشه القرقاشه]

السلام عليكم بنات

شلوووونكم

بنات انا ان شاءالله ناويه على أمريكا الصيف الياي
أدري قاعده اتكلم مبجر
بس أنا أحب أخلص شغلي مبجر و على الراحه
يعني أطلع فيزا و أشوف عروض الطيران والفنادق على الراحه

المهم

قبل شهر تقريبا بديت ابحث بالنت

واتفقت مع ريلي على هالخطه :

نيويورك 3 ليال
اورلاندو 13 ليله
ميامي ليلتين

وضبطت أموري وتخطيطي على هالمنوال

بس كل أهلنا اللي رايحين اورلاندو يقولون ويع حاره
والحر فيها يقرص !!
وريلي يقوول مابي مكان حااار انا مسافر بالصيف ادور البراااد

وقررنا نحول لي كاليفورنيا

نروح لوس انجلوس و لاس فيغاس و سان دييقو وسان فرانسسكو
واخر شي نيويورك

انا و زوجي اول مره نروح امريكا
مع العلم ان راح يكون معانا ولدي راح يكون عمره سنه و سبع شهور !!

تتوقعون أيهو أحسن لي خاصه ريلي ملزم ما يبي حر
وهل الميزانيه اللي انا حاسبتها باورلاندو نفسها بلوس انجلوس ؟!
لأن في ناس يقولون اورلاندو ارخص ؟
يعني كـ فنادق و جذي

انا ميزانيتي من 3 الاف لي 3 الاف و نص
بدون سووق
تذاكر وفنادق و مصرف واماكن سياحيه


بليز ادري قرقت واايد
بس ساعدوني بالاختيار
اورلاندو والحر ؟
او لوس انجلوس و البرااد ؟


مشكوورين

 

[GaLbI t7aWaL]

7abebti ana adrs b lose angles
w bl9aif 7r x_x

w LA a'3la mokan b usa

w etha tabeen shai ana 7aaa'6ra

rasleni 3al 5a9

 

[ام _خلودي]

اهوو يعتمد عليج انت شوفي سعر التذاكر واذا ناويه تحجزين حجزي شهر ١٢التذاكر ومالج شغل الا يقولون شهر ٢وشهر٣اكو عروض ارخص شي شهر ١٢ وبعدين حجزي السكن والسياره والمصرف يبلج من الف الي الف ونص هذا بخصوص فلوريد بس كاليفورنيا ماعندي خبره ان شاء الله ناويه هالسنه اذا الله تمم علينا اروح كالي وحاطه بالي احجز تذاكر علي شهر ١٢

 

[بحر_83]

قوه حبوبه
اولا الله يسهل عليج يارب ويرزقج السفره اللي بخاطرج ان شاء الله
ثانيا امريكا للسياحه اختيار جميل جدا ان شاء الله
ثالثا التخطيط المسبق والحجز من مكاتب سفريات هو الافضل للاماكن البعيده وحاولي تبتعدين شوي عن الحجز بالنت
رابعا اورلاندوا من المناطق اللي جوها يصير ثابت نوعا ما ....والبروده والله اعلم تاتي من نهاية 9 لي 1 ومن خلال تجربه
فلوس انجلوس ابرد بوايد
بين قوسين اورلاندوا دفا ورطوبه وامطار لوس انجليس برد تزقرت وجو اوربي خصوصا اذا قعدتي بفرلي هيلز
استخدمي هالموقع عشان تشوفين الوقت المناسب ولاي استفسار انا حاضره
اجابتي من واقع تجارب بامريكا

besttimetogo.com

 

[Toulin RTN]

اورلاندو صج حر بس حلوة وايد حق وناسة ويهال و أجواء عائلية
وبليل مو وايد حر عادي

 

[^noonaa^]

نصيحتي لج روحي كاليفورنيا الجو وااايد حلو بالصيييف وحسبي احسابج انها اغلى من اورلاندو والاماكن الي انتي مختارتها انا رايحتلها وايد حلوه وماعدا نيويورك
ولاس فيغاس لا اتكثرون عن يومين لانها حاااره ومافيها شي غيير الشوز

وموفقين ان شاءالله

 

[عيوني حلوه]

تهبل أورلاندو
ومو حارة لهدرجه
أصلاً مع الحر مطر ..
كل يوم الديرة مطر وتونس عائليه حيل ..
وطيران يونايتد اتوقع ارخص طيران واهو الوحيد اللي دايركت على امريكا - واشنطن
بس انا ماحبيته حسيت الرحله تعب شوي
اللي متعودين عليه اهلي ويمدحونه القطريه ..
بس جد اورلاندو حلوة وفيها اماكن شكثر .. انصحج فيها ..
وبالتوفيق
..​

 

[عواشه القرقاشه]

تسلموون بنات ماقصرتوا
كفيتوا و وفيتوا
ان الله كتب قررت اورلاندو
احسها اونس خاصه معاي طفل

تسلمون يالغالين