،
انا سكنت بالنوفتيل ٤ نجوم جدام مجمع بافليون بس نصعد درج يمشي ونمر على ممر كافيهات صغير ندش شارع العرب على طول
حيل حلو وخدمتهم حلوه وسريعه نطلع نرد كل شي منظفينه ومرتبينه واللاندري ندق على طول يصعدون والشامبو والصابون وحاطين لنا رغوة بانيو بالحمام ريحتها حلوه مع سنفرتها
لوول حتى زوجي ساعات يوصي الرسبشن يقعدونا بساعه معينه وفعلا يدقون علينا بنفس الوقت يقعدونا
وريوقهم بوفيه حلوو
انا دلتني عليه رفيجتي كل سنه تروح ماليزيا تقول هذا احسن فندق وقريب من كل شي وانا حيل استانست له وارتحت له
والجنتنق تبعد عن كوالامبور ساعه تقريبا وفيها مصنع الككاو وحديقة الفراوله
والشلالات يبعدون ساعه ونص تقريبا وروحي مدينة الثلج تجمدين بس تونس
وتايم سكوير صراحه كنا نروح له بتاكسي بينا وبينه شارعين يمكن بس مانمشي مادري ليش لول
والمطاعم طول ما انتي بشارع العرب راح تلقين على يمينج وعلى يسارج مطعم وكلهم يتحجون عربي انصحج بمطعم بابليون عراقي حيل حلو اكله بس حماماتهم وصخه : (
ومطعم سفينة الصحرا مشاويهم موطبيعيه
وجربي كنتاكي مالهم دجاجه خفيف يهبل الصمونه تاكلينه جنج ماكله فطيره صغيره من كثرماهي خفيفه وتهبل عكس مالنا كله شحم ودهن لول
تبين مجمع ماركات مجمع ميقامول كله ماركات
انا قعدت اسبوع بكوالمبور حيل استانست الصبح لبعد الظهر رحلات ووناسه ونرد نريح ومن العصر وورا تمشي بشارع العرب ومجمعات هذا احسن جدول لكوالمبور
ان شاءالله تستانسين يارب
