خبز لذيذ من صنعي بحشوة الباذنجان والبطاط والزهرة بالخطوات المصورة لا يطوفكم

[^^دموع الكويت^^]

السلام عليكم روحمة الله وبركاتة ...


سويت هالخبز وحمدالله طلع لذيذ بشهادة الجميع ...

المهم نبدي ...

مقادير العجينة :

- 3 أكواب طحين .
- 1 كوب حليب سائل .
- ربع كوب سكر.
- 2 ملعقة شاي خميرة .
- ملعقة شاي بيكنغ بودرة .
- ملعقة شاي ملح .
- 3ملاعق طعام زيت .
- 3ملاعق طعام روب أو لبن أو قيمر .


الطريقة :

1- نضع الحليب+الزيت+الروب (( انا حطيت قيمر)) على النار حتى يسخن .

2- نخلط 1 كوب طحين +الخميرة +السكر+الملح+البيكنغ بودرة جيدا ثم نضيف خليط الحليب ونخفقه بالخلاط الكهربائي تبع الكيك لمدة 12 دقيقة هذا مهم جدا.

3- ثم نطفي الخلاط ونضيف بقية الطحين بتدريج ونعجن حتى نحصل على عجينة لينة وتترك تتخمر لمدة ساعة.

4- بعد التخمير نكور العجينة كور صغيرة ونفردها .

5- نجهز مقلاه تيفال ونحطها على النار لما تصير حارة ونضيف الخبز بعد فردة .

لاحظو اشلون بدا ينتفخ ...

انتفخ اكثر ..

يتبع/ ...

ارجو عدم الرد حتى الانتهاء من الموضوع

 

[^^دموع الكويت^^]

بعدها نقلب الخبزة على الجهة الثانية ...

هالصورة بعد ما خلصنا كل الكمية بس ملاحظة مهمة كل ما نخلص خبزة نحطها بماعون ونغطيها عشان ما تصير يابسة .

6- نجهز بطاط مقلي وباذنجان مقلي وزهرة مقلية ونقطع خس وخيار وطماط صغار ...
ونسوي الطحينة عبارة عن روب وليمون وهردة وثوم .

7- انييب الخبزة وندهنها بالطحينة وبعدها نحط البطاط والباذنجان والزهرة ونحط اشويه من الخس والطماط والخيار ونرش ملح اشويه وطحينة .

8- ونسكرها وهذا راح يكون شكلها النهائي .

ونقدر نسويها ملفوفة نفس المطاعم شوفو الصوووورة ..

صور اكثر للشكل النهائي ..

ملاحظة : نقدر نغير بالحشوات مثلاً

1- فلافل مع بطاط وطحينة .
2- شاورما دياي او لحم مع بصل وبقدونس .
3- مرتدلا مع جبن .
4- همبرجر مع جبن .
5- نقانق مع جبن .


انتظر رايكم وتجاربكم ؟؟

اختكم : دموع الكويت

 

[keeka]

حركاااااااااااااااااات يه يه شنو هالطبق العجيب تسلم ايدج

 

[جكورة]

وووواوووو شكله لذيذ وأحط عليه دقوس بوديـج وبيبسي ياسلام خووش ريوق..

تسلم الأيادي يادموع ومشكورة على الخطوات المصورة والواضحه ولاتحرمينا من جديدج..:eh_s(17):

 

[xxx]

تسلم الايااااااااادي

صج لذيذ

>> من يشهد للعروسه

:eh_s(15): :eh_s(15):

 

[كويتيه مذهله 87]

يمي يمي
شكله لذيذ
ماشالله ماشالله
شكله مثل المطاعم
الله يعطيج العافيه حبوبه
وتسلم ايدج

 

[رفرف]

واي دموع حرام عليج سعابيلي طاحت

 

[الغلاااااااكله]

ماشاء الله شكله روووعه

عليكم بالعافيـه



ان شاء الله اجرررررربهااااا

تشكرااااااااااااااااااااااااات

 

[جارة القمر]

ما يبيله

كلام

يم يم يم يم

تسلم أيدج يا الغاليييه

وعليكم بالعافييييييييييه

 

[برميته.]

ماشاء الله شكله روووعه تسلم ايدك

 

[جارة القمر]

دموع الكويت


حبيبتي لازم

خلاط

ينفع خلاط الكيك

 

[سكـ الليل ـون]

عليكــم بالعافيــه ..,
,
وتسلــم ايــدج حبيبتــي ..,
,
حبيـت أسألـج عـن مقاديـر الطحينـه ..؟
,
والله يعطيـج العافيــه ..,

 

[ايفيان]

مشكورررررررره دموع

شكله عجيب والخلطات وحده احلى من الثانيه

تسلم ايديك حبيبتي

 

[بنوته كيوت]

ماشاء الله تبارك الله شكلة يهبل لذيذذذذذذذ تسلم الايــــادي

 

[bnt q8 in usa]

يه يه يه شنو هالزين صج يوعتينا دموع علي هالليل
بس عندي سؤال مو تطنشيني
المواعين الستانسيل الي حاطه فيهم البيديان والزهره من وين

 

[^^دموع الكويت^^]

keeka حركاااااااااااااااااات يه يه شنو هالطبق العجيب تسلم ايدج

هلا وغلا مشرفتنا .. مشكووووورة على المرور


========================

جكورة وووواوووو شكله لذيذ وأحط عليه دقوس بوديـج وبيبسي ياسلام خووش ريوق..

تسلم الأيادي يادموع ومشكورة على الخطوات المصورة والواضحه ولاتحرمينا من جديدج..

اي والله صاجة مع البيبسي عجججججججججيب طبعا تنفع للعشا اكثر من الريووق:eh_s(3): هلا وغلا مشرفتنا حياااج الله .

========================

^^بنت الكويت^^ تسلم الايااااااااادي

صج لذيذ

>> من يشهد للعروسه

هلا وغلا مديرتنا ... حياج الله .


========================

كويتيه مذهله يمي يمي
شكله لذيذ
ماشالله ماشالله
شكله مثل المطاعم
الله يعطيج العافيه حبوبه
وتسلم ايدج

هلا وغلا عزيزتي ... حياج الله .

========================

رفرف واي دموع حرام عليج سعابيلي طاحت

:eh_s(6): حيااااااااااج الله مشرفتنا .


========================

الغلاااااااكله ماشاء الله شكله روووعه
عليكم بالعافيـه
ان شاء الله اجرررررربهااااا
تشكرااااااااااااااااااااااااات

هلا وغلا بمشرفتنا ... حياااااج الله .


========================

جارة القمر ما يبيله كلام يم يم يم يم تسلم أيدج يا الغاليييه وعليكم بالعافييييييييييه ...حبيبتي لازم خلاط ينفع خلاط الكيك؟؟

هلا وغلا بمشرفتنا اي اهوى الخلاط المستخدم خلاط الكيك حياااااااج الله .

========================

سكـ الليل ـون

عليكــم بالعافيــه ..,
,
وتسلــم ايــدج حبيبتــي ..,
,
حبيـت أسألـج عـن مقاديـر الطحينـه ..؟,
والله يعطيـج العافيــه

الله يعافيج ... مقاديري عشوائية صراحة احط روب مع طحينة وليمون وملح وفلفل اسود وثوم لما تصير لا سايله ولا ثقيله .



========================

ايفيان مشكورررررررره دموع

شكله عجيب والخلطات وحده احلى من الثانيه

تسلم ايديك حبيبتي

العفوووووووووو .. حياج الله


========================

بنوته كيوت ماشاء الله تبارك الله شكلة يهبل لذيذذذذذذذ تسلم الايــــادي

هلا وغلا ... حيااااااااج الله .


========================

bnt q8 in usa يه يه يه شنو هالزين صج يوعتينا دموع علي هالليل
بس عندي سؤال مو تطنشيني
المواعين الستانسيل الي حاطه فيهم البيديان والزهره من وين

هلا وغلا ... حياج الله وبالنسبة للمواعين اسأل الوالدة وارد عليج


========================


مشكوووورين كلكم على المرور :eh_s(8):

 

[unreachable]

شهيتيني

ان شاء الله بجربها

تسلم ايدج

 

[nono78]

دموع تسلم ايدج حده مو طبيعي

يوعتيناااااااااااااااااااااااااااااااااااااا

 

[الغاليه نونو]

غراااااااامي هالسوالف تسلمييييييين غلاتي وعساج عالقوه فديت قلبج مشكوووووووره

 

[جورية كويتية]

واااااااااااااااو شكله اينن اينن اينن
تسلم ايدج ويعطيج العافيه
ما شاء الله شغلج يهبل