خبز الصويا سمعتوا عنة

[النوالنو]

مرحباااااااااااااااااا
شنو تعرفون عن خبز الصويا يمدحونة شنو فوائدة من تعرف عنة

 

[بعيون مغليك]

أنا اختي

ابوي ياخذه من بعد ما قاله الطبيب

شنو فوايده مدري

بس تحصلينه بمخبز أمير الامراء في شارع تونس صوب المهلب

ابوي الي يروح هناك واذا انا مو عارفة بالظبط وينه لكنه اذكر مرينا من قبل المهلب لقيناه على ايدنا اليمين بالشارع

احسن من الخبز الابيض
وان شاء الله فدتج

 

[حنون المزيون]

فوق الصويا وايد مفيد وفيه نسبة بروتينات عاليه وقرأت عنه فوايد وايد بعد
وانا اشتريه من مركز سلطان بس اشتري التوست
وانصحج بعد بجبن الصويا بس ان لقيتيه قولي لي من وين

 

[s3ad]

مممممم
وايد يمدحون الصويا
انا انصحج تروحين أرض الطبيعة
1. سوق السمج اللي بشرق جنب الدجاج والخضرة محل كبير وكل شي فيه
وصاحب المحل موجود وينصحج وايد ويعطيج كتيب صغير فيه فوائد الأطعمة
وعندة كل شي من منتجاته الطبيعية وبدون اي اضافات وساليه عن الشريط الكاسيت تسمعينه بالسيارة انتي وعيالج عشان تستفيدون منه .
2. عندج أرض الطبيعة اللي بحولي خلف مجمه الأيوب بالضبط
وهذا رقمهم 2630396 وانا اشتري التوست بالصويا من ركن الذواقة بجمعية الشامية التعاونية مقابل السلم الكهربائي .
​

 

[حلاها بلاها]

اي والله صاجين وايد صحي فول الصويا امي و ابوي متعودين يشترون من مخبز امير الامراء في عندهم خبز و صمون الصويا و عندهم بعد بقصم

بطلي هذا الموقع يتكلم عن فوايد فول الصويا
http://www.khayma.com/hawaj/Soybean.htm

 

[اعييز]

من مخبز أمير الامراء


يا 200 او 300 الجيس فيه 10 خبزات ..


عنوانهم اللي مكتوب على الجيس


حولي شارع العثمان مقابل مسجد العثمان


تلفون : 2613819-261306



وبالعافيه مقدماً ..

 

[PearL]

من مخبز أمير الامراء


يا 200 او 300 الجيس فيه 10 خبزات ..


عنوانهم اللي مكتوب على الجيس


حولي شارع العثمان مقابل مسجد العثمان


تلفون : 2613819-261306



وبالعافيه مقدماً ..

انا اخذه من عندهم ... مدربتى بالنادي امدحتلى اياه

 

[Miss_Tiger79]

وانا سمعت انه يقوي القدره الجنسيه للمراة والرجل بالاضافة الى انه مفيد للرجيم

 

[المرام]

اللى سمعته ان البعض ما يتحملون الخبز المصنوع من القمح العادى ,لأن يسبب لهم الغازات بشكل فوق الطبيعى ويتفخ لهم البطن , وخبز الصويا بديل له.جربى وشوفى الفرق

 

[الغاليه نونو]

والله خبز الصويا واااااااااااااايد زين زين زين واشحلاته وبعدين فوايده تهبل بس مادري شفايدته اشتريه من حولي من اميغ الامغااااااااااء هههههههههههههههههههه شحلااااااااااااااااااااااااااااااااااااته خوووش خبز وصمون بالصويا

وسامعه بعد زيت الصويا يشيل التجاعيد من الويه واناقاعده ادور علي هالزيت بخشه حق الزمن قبل لاااااتجعد هههههههههههههههههههه

 

[ii DareeN ii]

من زمان اسمع فيه ودي اجربه