خبزة البصل

[ماكو اسامي]

3 كوب طحين اسمر
3 كوب طحين فاخر او ابيض
3 كوب بصل مفروم بس مو ناعم
كوب لبن
كوب ماء وربع كوب زيت

بيضه
2 م اكل خميره
2 م اكل سكر
1 م اكل ملح ومثلها بيكنج بودر

بالخلاط
كوب ماي وكوب اللبن والخميره والسكر والبيضه والزيت والبيكن معاهم كوب من الطحين بالمضرب عشان ينعم

طبعا حطينا كوب من الطحين للخلاط باقي 5 اكواب نحط عليهم م اكل كمون حب محمص شوي وم اكل حبة البركه ومثلها اعشاب انا استخدت بقدونس وكزبره ناشفين ممكن تستغنين عنهم

هذا البصل شوفي تقطيعه لا خشن ولا ناعم
وقفي الخفق وركبي العجانه واضيفي الطحين والبصل وخلطيه عدل
راح تلزق شوي طبيعي بللي ايدج زيت وشيليها وخليها بطاسه تتخمر ساعه

[/QUOTE]

 

[ماكو اسامي]

المقدار يسوي 5 صواني من الحجم اللي شايفينه قسمتها كور وفردت كل كره بصينيه مدهونه زيت

وريحتهم ثلث ساعه
ودهنت الجه نتفه حليب بالفرشه
وخبزتهم في فرن حار

اقسمها اربع شرايح
والفها بفوطه عشان لا تنشف

احنا بلها بالشوربه خصوصا بالشتاء
بس انا ما احبها الا مع شاي ساده

والباقي ينلف وينشال بالفريزر ويطلع يتسخن بالتوستر ويصير ناشف شوي والبصل يتحمش فيه وريحته تكفخ


يلريتكم معاي

حياكم الله ولو عجبكم لا تحرموني بدعوه

 

[sara-25]

وايد حلو بجرب ااسويه يعطيج الف عافيه

 

[bnt q8 in usa]

تسلممممممممم ايدج شكله روعه بجربها انشالله قريب

 

[جارة القمر]

ماكو اسامي


تسلم أيدج حبيبتي


والله يوفقج

حبيبتي


وعليكم بالعافييييييييييييه


وتم نقل المووضع بواسطتي

 

[ام ناصر82]

مشكوره ويعطيج العافيه شكلها لذيييذه :eh_s(15):

 

[ماكو اسامي]

عواااافي على قلوبكم يا قمرات

ويارب يعجبكم ترى وايد سهل

حياكم الله

 

[jolie_q8]

ماشاءالله عليج

خوش طريقه

تسلم ايدج حبيبتي

والله يعطيج العافية​

 

[^^دموع الكويت^^]

ماشاءالله تبارك الرحمن

شكله حده لذيذ

يعطيج العافية ​

 

[نور النت]

حدهاااااااااااااااااا عجيييييييييييبه تسلمين وتسلم ايدج وما قصرتي

 

[ماكو اسامي]

ويسلم مرورج الحلو


حياكم الله يا قمرات الكويت

 

[Harmony]

شكلها لذيذه بس بسويها بالبصل الاخضر لأنى ما احب البصل العادى و بقولج شصار

 

[ماكو اسامي]

عووووووووافي على قلبج مقدما

وحياج الله اختي