خبر من د.عبدالله المطوع بخصوص مواعيد سنة 2011

[مكاييل]

مهما كان الدكتور زين ماحب اروحل ه اذا كان زحمة لانه بيحبطني انتظاره

 

[sheraZia_Q8]

مشكووووورة عنيييييييييييييد :******

 

[يــ عذآبيئ ــآ]

بنات الله يهداكم شدعوه جنه ماكو دكتور غيره !

ناطرين فوق السنه عشان يحطون لكم موعد !! الله ما كثر دكاترة الرجيم بالديره ..

وان ما حصلتو مواعيد ترى الانظمه الغذائيه ترس النت ..

موفقين

 

[ᆻŠ вªĺŌÓŃă]

رد : خبر من د.عبدالله المطوع بخصوص مواعيد سنة 2011

والله حرقت كبد عليه طق اعصي هالمطوع
انا اقول تاخذون ريجيماته وخلاص بلا هالقطات وهالزرعه الوحده حاجزه من 2009 وللحين ماصار لها حجز اووف مو لي هالدرجه
مافيه هالبلد الا هالولد اهو الحق ينقال مبين عليه التعامل معاه حلوو وحيل فاهم بشغله بس عليه ضغط
يلا موفقين وان شاء الله تحصلون لكم مواعيد ^.^

 

["خانتني دموعي"]

رد : خبر من د.عبدالله المطوع بخصوص مواعيد سنة 2011

يعطيج العافيه على الافاده بالغلاا

 

[جورية91]

رد : خبر من د.عبدالله المطوع بخصوص مواعيد سنة 2011

انزين عنيد تعرفين متى وقت الدوام بالعياده وأي يوم يعطلون؟؟؟


وليش ما يردون على التلفوووون؟؟

 

[الغاليه ام احمد]

مشكوره

 

[عنيّد]

اوقات الدوام ........
10-1
4-7



راح أتأكد مره ثانيه من هالخبر ، بعد كل هالفتره الي مرت مايندرى شتغير عند الدكتور
خو كل يومين طالعين بشي

 

[مها77]

رد : خبر من د.عبدالله المطوع بخصوص مواعيد سنة 2011

امبيه شنو سالفت الدكتور اللي تنطرون مواعيده من سنه وسنتين

اشدعوه بنات شنووو السر افيدوني

 

[[كـالا]]

عنيد انا توني حالا رادة من العيادة صارلي نص ساعة

قلت حق السكرتيرة الكلام اللي قلتيه قالت لا ماكو شي جذي .. الحين الدكتور مايستقبل غير مراجعينه القدم ومارضت تحطلي موعد

سألتها لي متى الوضع جذي عندكم .. لي متى ماكو مواعيد .. تقول ماتدري ليلحين مو مبين شي!!

مابي احبطكم بنات بس لا تعبون عمركم ماراح تحصلون موعد

...

صراحة الدكتور فهامية واسلوب وشخصية حلوة ,, بس مشكلته مو داير عيادته عدل

اهو يقول كلام وسكرتيرته كلام .. وماعندهم حجي واضح

 

[عنيّد]

كالا ،، عدل كلامج ، عشان جذي كتبت لكم بردي الاخير نطروا اتأكد
لانه هذا الي قالته لي السكرتيره يوم السبت لما كنت بالعياده ، وبعد الاخذ والرد قالتلي راح اكلم الدكتور واعطيج خبر وخذت اسمي ورقمي طبعا اهم شي تقولي يمكن انسى !!!
جان اختي ترد عليه قالتلها حطي نوت عندج شنو تنسين !!!
ابو المسخره هالسكرتيره
اصلا اسلوبها زفت وتقرف وتستفز اكثر من مره تكرمون اشتهي افصخ الجوتي واكفخها فيه
ونااااطره موعدي مع المطوع عشان اقوله ، مادزيت له ايميل لاني ادري صعب انه يقرا كل الايميلات ، فقلت اخليها لموعدي معاه فيس توفيس احسن
اهو لازم لازم لازم يشوف له صرفه مع السكرتاريه ، حرام والله مخرب على نفسه بهالشي
اكو اختراع اسمه كول سنتر ! وهو اكثر واحد يحتاجه

 

[oyoon al maha]

رد : خبر من د.عبدالله المطوع بخصوص مواعيد سنة 2011

انا اتصلت من فترة والسكرتيرة قالت سنة 2011 محجوزة بالكامل

وانا متصلة شهر 10 سنة 2010 ....!!

صراحة الكلام غير منطقي بالمرى ..؟!

حتى لوكان الدكتور عليه زحمة وطلب وطوابير بالمواعيد


معقولة السنة فيها 365 يوم ..!! ما احصل فيهم موعد لايتجاوز الساعة او اكثر مع الدكتور ..؟!



واضح جدا انه العيادة تبينا نراجع عند الدكاترة غير

والدليل على ذلك السكرتيرة علطول اقترحت علي : اسماء الدكاترة الموجودين الآخرين بدلا من المطوع لأنه يسمح بالحالات مالته فقط

عالعموم .. الله يوفق الجميع

وفي النهاية الريجيم لايعتمد على الدكتور أو العيادة بل على الشخص نفسه ..:blueSmCLR:

 

[oyoon al maha]

رد : خبر من د.عبدالله المطوع بخصوص مواعيد سنة 2011

مابي احبطكم بنات بس لا تعبون عمركم ماراح تحصلون موعد

هذا اللي حصل معاي بالضبط

لاتعبت نفسي ولاشي ..

وانتقلت الى الحلول البديلة والاختيارات الأخرى

واتمنى لكم الصحة والعافية :ggdw:

 

[عنيّد]

يعني لو الدكتور بيستقبل كل الناس جان شكو حاط معاه خمس دكاتره ؟؟؟ :d
لوول طبيعي يبي يخلي الناس تجرب الي معاه وتثق فيهم بالذات انهم ماشين على نفس نظامه

لكن هو فعلا مزحوم لا تنسون اهو مو معتمد بس على العياده ، عنده شغل ثاني ترى
سفراته ماشالله وايد ، وعنده برنامج اسبوعي ، وغيرهم اكيد اشياء ماندري عنها


لكن يبقى تنظيم المواعيد عنده مو تمام للحين ، سكرتيره وحده ماتسوي شي !

 

[ام عزيزان3]

رد : خبر من د.عبدالله المطوع بخصوص مواعيد سنة 2011

السكرتيره الي قبل وايد احسن من الي الحين دايخه وماتدري وين الله قاطها
بنات اذا رحتوا العياده جربوا صج الدكاتره الثانيين تري نفس نظام المطوع واهو السالفه موسحر الا هالدكتور ولامابي اضعف الي تحط هالعذر صراحه ماعندها سالفه وتكون تبي عذر علشان تخزن هالشحوم
انا من الي يراجعون عنده ايام المنقف وايام العوضي بشرق قبل الزحمه بنت خالتي لما بغت تحط موعد قالولها مافي نهائي جربت علي ماعتقد امير الي معاه بالعياده والله يابنات نفس النظام حتي الدكتور يقول ان يشرف عليهم وباجر بعد ينشهرون هالدكاتره الي معاه وماتحصلون مواعيد عندهم...وتقدرون تراجعون عندهم علي مايي موعدكم مع عبدالله بعد سنه

 

[سيدة الذوق]

شخبار سكرتيرته ؟؟ تغيرت ولالا

 

[norema-sarto]

شي السالفه

اخذ موعد 2009 عشان ادش عليه 2010

والله شي يضحك

انا احب الموعد اسبوعي ...علشان يعطيني حافز اني انزل اكثر

بس صج شي يضحك ​

 

[دلال كووول]

:ada::ada:سبحانه الله العظيييييييم :ada::ada:شكرااااا حبيبتي