خبر عاجل:احتمال إعادة المناهج القديمة للعلوم والرياضيات ( الوطن)

[فخرية]

جريدة الوطن الجمعة 27من نوفمبر 2009

​

يراد عمل اجتماع طارئ يشمل تجمع عاملين في مجال التربية والتعليم لمناقشة
مشاكل وصعوبات المناهج الجديدة للعلوم والرياضيات ، واحتمال وارد للتغيرها للمناهج السابقة.
لو صدق هذا الخبر وطبقوه لأكت نون عند باب غرفة الوزيرة

 

[Winter Q8]

ليش أنا ضد المناهج القديمة
ما منها فايدة و بايخه و مافيها شي مفيد
على العكس من المناهج اليديدة تهبل و فيها مادة علمية تشرح
و بالنسبة لي كان عندي سقوط " أدرس علوم رابعة " بس السبب الاهمال و الكسل وما يعرفون يكتبون مو لان المنهج صعب ,,

 

[زهرااا]

منهج العلوم اليديد وااااايد صعب و معقد للابتدايه

 

[كويتيه حلووووه]

ليش عاااد المنهج حلو واحسن من القديم

بس الفشل كان بسوء التطبيق

المفروض المنهج يمشي مع مرحله معينه مو خلطبيطا ناس دارسه المنهج القديم والسنه اللي وراها منهج يديد

اكيد بيتغير عليهم وبيصير صعب. لان صارت لهم نقله من شي لي شي.. مو بالتدريج

 

[malak ro7y]

وزارة في الضياع!!!!!!!!!

 

[أبلة كويتية]

مع اني ادرس اسلامية

بس بصراااااحة واااايد اسمع شكاوي من صعوبة منهج الرياضيات والعلوم
من اولياء الامور ومن المعلمات نفسهم

نتمنى يسووون الشي اللي يكون في صالح الجميع
الله يكتب اللي فيه الخير

 

[زلمسية]

الله يبشرج بالخير قولي امين

 

[om_3kash]

ان شاالله يردوون القدييم انا اخوي بالمتوسط بسابع و منهجهم منهج عااشر بالعلووم و الرياضياات بعد صعب

مادري ليش غيروو المناهج ياخـي البني آدم قدرااات في منهم يقدر على هلمنهج وفي منهم لأ

خصوصاا انهم يهال حرام يتحبطون من البدايه

 

[^^ ريان^^]

مناهج حلوه ما فيها شي بس كان المفروض يتدرجون فيها من اولي ابتدائي مو فجاه برابع وخامس يغيرون لهم
ومهنج العلوم الابتدائي حلو ومتطور

 

[هنـــد]

أختي قاعده يمي مدرسة رياضيات لما قلت لها السالفه قالت امييييييين الله يمسع منهم لووووول

 

[FJ style]

انا ادرس اسلامية وبنتي برابع وعاجبني منهج العلوم والرياضيات حتى لو فيه شوية صعوبة لكن افضل من خرابيط مناهج قبل
بس الناس يبيلها فترة علما تتعود على المناهج هذي

كنا قبل نضحك على سخافة مناهج قبل
والحين لما تسنعت ما تعجبنا؟؟ انا اعتقد ان يبيلها وقت علما يتعودون عليها الناس
ويبيله بالبيت مراجعة للدروس كل يوم ومو قبل الامتحانن بيومين

وكان من الافضل ان يمشي من اولى ابتدائي ويصعد تدريجيا

 

[الحراير]

انا ادرس اسلامية وبنتي برابع وعاجبني منهج العلوم والرياضيات حتى لو فيه شوية صعوبة لكن افضل من خرابيط مناهج قبل
بس الناس يبيلها فترة علما تتعود على المناهج هذي

كنا قبل نضحك على سخافة مناهج قبل
والحين لما تسنعت ما تعجبنا؟؟ انا اعتقد ان يبيلها وقت علما يتعودون عليها الناس
ويبيله بالبيت مراجعة للدروس كل يوم ومو قبل الامتحانن بيومين

وكان من الافضل ان يمشي من اولى ابتدائي ويصعد تدريجيا

انا معاج يمشي من اولي مو من رابعه سيده والله عقدوا عيالنا حرام عليهم وشلون يبيلهم فتره يتعودون يعني اول شهر يسقطون:0bee2e8d89:
والله حاطه ايدي علي قلبي وناطره الشهاده معني كل وقتي ادرس والله يستر!!!!

 

[عهود الحب]

الله يبشرج بالخير
بس المفروض وزارة التربية بكبرها تستقيل عقبها
لأنه عقول عيالنا مو محطة تجارب لهم
المفروض قبل يخطون خطوة يدرسون الموضوع عدل
والتغيير يبدأ تدريجيا مو فجأة

 

[أحلى^حياه]

خخخخخخخخخخخخخخخخخخخخخ

زين


يعطيج العافية

 

[ضحـاوي]

والله ياليت هالقرار صج

الرياضيات والعلوم مناهجهم صعبه حدهااااااا ,,, وياليت تتغير

يعطيج العافيه عالخبر

 

[احلا السمر]

هذه وزارة التربية
صل علا النبي

 

[كويتيه مول]

ان شاء الله يتغير المنهج

 

[Om JooD]

المنهج القديم حيييل بسيط ماعدا ثالثة وخامس ..واولى ورابعة مافي منهج اساسا

والمنهج الجديد حييييل صعب لرابعة وخامس وفي ملاحظات ع ثانية

التوسط الحل الوحيد يدرسونها ويعدلون عليها وبالتدرج

 

[نشيج الروح]

إرضاء الناس غاية لا تدرك ... لا صارت سهلة تحلطموا ولا صارت صعبة زاد التحلطم ... شيسوون لكم ؟؟؟

أنا أقول لا يصعبون المناهج بل يقووووونها ويحطون لها ركائز ومبادئ ومدرسين ذوي كفااااءة وهذا كاااافي ... حتى لو كان المنهج مستصعبة الطالب مع المدرس وشرحه القوي واجتهاد الطالب راح يستوعب الدرس إن شاء الله ...

 

[*ماي الورد*]

يارب يلغونه
واذا ما يلغونه يقللون الكمية علشان يمدينا نحشي مخ الياهل
المناهج طيراااااااااااااان و الياهل ضايع ما يمديه يستوعب شيي الا دش بشي اصعب