خبر شين زين عن مدرسه القطوووف

[داريني]

بنات توني توني من هلا دقيت على مدرسه القطوف علشان بسال شنو صار على تسجيل ولدي اقبلو ولا لأ
المومهم قامت تتعلثم وانا اقولها عطيني كلمه ما يصير تعلقوني علشان اذا ما تبون اروح الحق واسجل ولدي بمدرسه ثانيه
جان تقول ماحد قبلوو من اليدد لانه المدرسه ناطره رد من وزارة التربية لانه احتمال تصير مدرسه نموذيجه
والاسعار راح تزيد 3 اضعاف عن سعر القديم:ggdw:

!!!!!!!!!!!!!!!

 

[meen_ana]

شدعوه وايد اذا 3 اضعااف لو ضعف قلنا اوكي ليش ماتشوفين مدرسه ثانيه

 

[math2020]

اشدعوه لبش عاد اجذي وايد

 

[Mazyoona]

اييييي خوو كل المداارس جذي
بس يبوون فلووس


الله يعينج لحقي دوريله مدرسه ثانيه
لا تنترس الاماكن و تتوهقين

 

[سيدة الكويت]

شدعوه هالأسعار ومنهج الأنجليزى نفس الحكومه

 

[78MariMar78]

يا حاااافظ
على شو

روحي حبيبتي سجليه باي مدرسة ثانية

المدارس متروسه فب البلد

اهو تدريس ولا تجارة؟؟؟؟

 

[كويتية صغيرة]

انا بس حبيت اوضح
ليس فقط النجليزي هو نفس منهج الحكومة
في مدرسة القطوف
كل المواد نفس منهج الحكومة
يعنى حتى الرياضيات و العربي و العلوم و الانجليزي و ال......
كل المواد نفس منهج الحكومة
الاختلاف فقط ان مافي حصة موسيقى
و الباقي نفس الشي

 

[moaze]

حبيبتي لحقي ودوري على غير مدرسة
احسن مايروح عليك التسجيل وتتعبي
لتلاقي مكان بمدرسة كويسة

 

[همامة]

الله يعين
انا بعد كنت مسجلة اولدي عندهم على الانتظار و للاسف الشديد ارفضوا قبوله و قالو انها صارت نموذجية وما يقدرون يقبلون احد جديد لأن عدد الفصول ما زاد بس الطلبة للي بالفصول لازم ما يتجاوز ال20 طفل بس


حتى انا توهقت

الله يعين

 

[هدفي الجنة]

اهي المدرسة صارت نموذجية علشان جذية زادوا الرسوم بس ترى المدرسة ممتازة مو على المنهج على الاهتمام وطريقة التدريس والعناية باللغة العربية والتربية الاسلامية حتى حصص تجويد عندهم وانا اعرف ناس وايد يبون يسجلون اعيالهم بس مو لاقين مكان

 

[داريني]

الله يعين
انا بعد كنت مسجلة اولدي عندهم على الانتظار و للاسف الشديد ارفضوا قبوله و قالو انها صارت نموذجية وما يقدرون يقبلون احد جديد لأن عدد الفصول ما زاد بس الطلبة للي بالفصول لازم ما يتجاوز ال20 طفل بس


حتى انا توهقت

الله يعين

حالي من حالج والله قهروني ومعني سجلته من اول يوم تسجيل ونطرتهم شهرين
واخر شي قطوني على صخر
وفلست منهم ومن غيرهم
وصارت عندهم الروضه 550

اهي المدرسة صارت نموذجية علشان جذية زادوا الرسوم بس ترى المدرسة ممتازة مو على المنهج على الاهتمام وطريقة التدريس والعناية باللغة العربية والتربية الاسلامية حتى حصص تجويد عندهم وانا اعرف ناس وايد يبون يسجلون اعيالهم بس مو لاقين مكان

اي مشالله عيال اخوي فيها مشالله وايد مستفيدين منهم

 

[السنعة2]

عفوا بس عندي سؤال القطوف للاولاد وين موقعها؟؟؟؟

 

[meskq8]

حبوبه القطوف حولي شارع المثنى خلف مدرسة الابداع