خبرتكم بموضوع النيشان

[nanosa78]

السلام عليكم

خواتي بغيت مساعدتكم بموضوع النيشان اللي اهو حجز البنت قبل الخطبه
يعني شتودوون وشنو نعطي نيشان (قلاده -خاتم والا........) وتحطون معاه ورد والا كاكاوات واللي يسلمكم فيدوني بخبراتكم وودي بفناتق حلوه ,وتسلمون يابنات احلى منتدى

 

[choclatecho]

والله يا اخت ننوسه اول مرة اسمع عن هالشيء حجز قبل الزواج انا الي اعرفه خطبة عجبوا بعد على طول تصير الملجة و بعدين العرس اسفه ما قدرت افيدج

 

[هدوي]

نيشان ؟؟!!

أول مره اسمع

 

[bnt_kwt]

انا بعد اول مره اسمع بهالشي انا اعرف الخطبه
اذا خلاص ارتاحوا حق بعض خلاص يحددون وقت الملجه
ويوم الملجه انودي الدزه مع المهر والدزه تختلف من ناس لي ناس

 

[نورامينا]

سمعي حبيبتي ممكن تودون طقم ذهب ابيض ناعم يهني قلادة و تراجي و خاتم , طبعا تصقينه بستاند كشخة و ممكن تودين معاه طبق كاكاو من باتشي

 

[DenTisT]

انا نيشاني كان خاتم الماس و يابو اهل المعرس كاكاو و حلو و من هالسوالف

 

[ساندى]

حبيبتى اول مرة اسمع عن النيشان هذا تقاليد اى قبيلة

 

[nanosa78]

هلا خواتي انا أدري أن النيشان مو الكل يعرفه الغرض منه أن البنت اذا داشه خاطر أهل المعرس بس لاسباب دراسة الولد او غيره راح تتأخر الملجه مجرد يحجزون البنت حتى اذا أحد خطبها تكون محجوزه ,يعني مو يقولون خطبوها وعلى ما يملجون ما يندره يهونون لا ننيشنها)


نورامينا ودنتست مشكورين على الرد ما قصرتو قلبي


ساندي حبوبه الموضوووع ما فيه قبايل ولا شي هذه عادات عند بعض العوايل

يالله بنات ابي فناتك لاهنتوا

 

[D.asmaa]

اول مره اسمع بس قصدج يحيرها على قولتهم بس حلو خاتم الماس بس ما يكووون شكله دبله وتحطونه بصندووووق معاه دهن عود او عطر عطرين يعني مثل دزه مضغره وتزينزنه بورد ويعني والله هذي الافكار الي عندي ان شالله يعجبج:eh_s(15):

 

[nanosa78]

سندريلا الغربه حبيبه ما قصرتي فكرتج حلوة اقووول حق الوالده عنها ما قصرتي حبوبه