خبرة الإسلام ديني...منبهات..حلقات..لاصفيات ؟؟؟؟؟؟

[مواهب متعدده]

هلا ام عزوزي حياك الله معانا

المنبه : ممكن تحطين لهم في علبه مسكره احرام تخلينهم يتحسسونه

وسمعى اجابات
بعدي قليلهم هيا شاهده ( تعرضين الاحرام ) من يرتديه ؟

لماذا ؟ لكى يذهب للحج

احسنتم اطفالى

قبل ان يذهب للحج ماذا يفعل ( يالله انت اهنيه تحققين الهدف الاجتماعى )

لازم يحافظ على نظافته وطهارته

هيا اطفال هل تحبون نلعب لعبه نتعرف

ماذا يفعل الحاج بالحج ؟


تلعبينهم لعبه عبارة عن 4 العاب تكون كل لعبه موزعه فيها صرة لمناسك الحج

1- الوقوف بعرفه
2- الطواف
3- السعى
4 - رمى الجمرات

طبعا كل منسك تكلمين عنه خليه يقلدونه عشان درسك يصير حلو

امممممم شن بقول بعد ؟؟

ايه الالعاب خليهم بالترتيب عالاركان عشان ما تتلخبطين بالمناسك

ولا تدخلين بتفاصيل وايد لانه الاطفال ما يعرفون اهم شى يذكرون المنسك

لا تفصلين طواف افاضه ووداع

لانه اكبر من مستوى تفكيرهم

والله يوفقك

تغذيه الراجعه : لعبة طاق طاقيه ماذا تعلمنا ؟ مناسك الحج

........................................................

 

[عهود الحب]

انا ما ادري شلون تشرحون
الله يكون بعونكم


لي صار عن قصة ماي زمزم
في علب لماي زمزم صغار
تقدرووون تسوون مسابقة تصنيف علب ماء عادي وماي زمزم
وتقدرون تدقون على اللي بالوسيط يوفرون لكم علب ماي زمزم


اما عن قصة عام الفيل

كبروا صورة فيل وقطعوووها وخل يركبونها الأطفال كمسابقة من فريقين



وقصة بناء الكعبة هم كعبة مجزأة ويركبونها


وحتى مناسك الحج في مصورات كبار بس غلفوها حراري وعقب جزأوها شتسووون
الصرااااااااحة الله يكون بعونكم


اما المثيرات


ماشاءالله عليكم
الموضوع متروس مثيرات والله يكون بعونكم
انا مادري شلون للحين صابرين
بس ابشركم الخبرة الجاية تهبببببببببل فراح ترفع شوي من معنوياتكم وتجدد النشاط

 

[ابله عجيبه]

وااااااااااااااااي صج الله يعينا هالأسبوع


عهود توجيهنا يبي بالأسبوع الأول نتكلم عن اركان الاسلام الخمسه
والأسبوع الثاني عن احداث مثل بناء الكعبه وعام الفيل وزمزم وغيره

انا حملت القصه منج يا مال العافيه

بس مو عارفه شحط حق دروسي منبهات ولا شلون امشي بخطوات الدرس

الله يعين

وااااي نفسنا

وحد التناحه والمصيبه تقول المشرفه عادي سهل
والابلات اللي عندي يقولون سهل

القصص المفروض لا صفي

 

[عهود الحب]

لامنو قالكم عادي
القصص لاااااااااااااااااااصفي
ممكن تعرضين قصة لهدف سلوكي او معرفي اثناء عرض النشاط او الحلقة
لكن ان يكون اساس الحلقة كله قصة فهذا غلط صدقوني
والتوجيه حده دايخ

 

[lovely jojo]

مرحبا عهود شنو خطوات لاصفي قصة انا ابي اقدم قصة حمدان وعدنان بس مو عارفة شنو المسابقات
او بالاخص الطريقة بعد مناقشة القصة ..

 

[Miss M]

عهود يعطييج الف الف عافيه بس القصص افتحهم على اي برنامج لانه عندي طالعين مثل ملف اكسبلورر

 

[عهود الحب]

ياقلبي
الطريقة مثل طريقة كل قصة
تناقشينهم باحداث القصة بأنج تعرضين منظر منظر وكل طفل تحاولين تحاورينه بالمنظر
اذا عيالج مايتكلمون تذكرينهم
ماذا فعل هنا ماذا حدث له وبعد ذلك تسلسلي معاهم

بعدها من يضع لي اسم للقصة عطي اكثر من اسم
شنو تنصحون [ الشخص البخيل فيهم نسيت والله ] انه يسوي
وليش ؟ حتى تتبارك فلوسه << باسلوبج طبعا

بعدها رددي معاهم اغنية المسابقات
واذا عندج كذا قصة ممكن [ تتسلفين نفس القصة من الفصل الثاني ] وتخلين فريقين يرتبون لج المناظر
مسابقة 2 : عندج اربع مناظر
شيلي واحد وأخفيه .. ما المنظر الضائع ؟ المنظر الثاني مثلا .. هيا نبحث عنه
مسابقة 3 : تحطين بين المناظر منظر من قصة أخرى ...... وتسألينهم وين المنظر المخالف او الخطأ
مسابقة 4 : تحطين منظر مقطع ويركبونه ويصير منظرين ويركبونهم ويكونون فريقين

مسابقة 5 : الشخصية والظل ......... تخلين منظر مشيولة منه شخصياته ويركبون الشخصية على الظل المناسب لها
مسابقة 6 : ويفضل تكون نهائية تحطين صندوقين او حصالتين هيا نضع النقود صدقة لأصدقائنا الفقراء

بعدها تقعدون تريحون وتطلبين من طفلين ان يذهبوا معاج لركن المكتبة ويستعيرون من هناك قصتين

وسلامتك



وفي افكار اكثر للقصص

 

[عهود الحب]

هلا مس ام
اهو بالموضوع الثاني مال الجمعية في بنت شرحت بالصفحات الاخيرة شلون نشغلهم
شوفي شلون شرحها بالتفصيل
لأنه انا والله يفتحون معاي دايركت بدون لف ولادوران مادري ليش انتوا مو مثل جهازي

 

[% HoooR %]

الله يعينا يا عهود ويعدي هالخبره على خير

 

[% HoooR %]

الله يعين يا ابله عجيبه

 

[lovely jojo]

عهــــــــــــــــــــــــود الف شكر صج مبدعه
مشكوورة حبيبتي الله يحفظج ..

 

[Q8SeaGull]

السلام عليكم:

شلونكم أبلات شخباركم؟

عندي حلقة:

يتعرف أن الصوم ركن من أركان الإسلام،
يهتم بمساعدة الأم في ترتيب مائدة الإفطار،
يردد بعض الأدعية المرتبطة بالخبرة

بغيت تطبيقات حق ركن الفنية دورت بالمكتبات بس مالقيت
بلييز في أحد يعرف وين احصلهم ؟؟

 

[الماس 2010]

يعطيكم العافيه ماقصرتوا
والف شكر لعهود الحب في ميزان اعمالج ان شالله