خبرات تايلند كلـــــــــــــهم لا فررررررررق الله شملــــهم....حياكم

[فروبتشينو]

مساء\صباح الخيـــــــــــــــــــــــــرات

بنات منتداي الغـــــــــالــــــين ابي مساعدتكم في اقتراح الفنادق و عمل جدول رحلات ومخطط تقريبي لسفره الى تايلند لمدة 14 يوم بالتمام والكمال

ماحجزنا داخلي ماودي استعيل ....بس مقررين بوكيت وبانكوك ولا ادري شكثر اقعد بكل وحده
الفنادق مابيها غاليه بس ودي بنص السوقه اصعد اقط اغراضي وانزل اكمل حده بخاطري جذي

قريت تقارير البنات يزاهم الله خير واستفدت من المعلومات بس بعض المواضيع قديمه يمكن الاماكن والاسعار تغيرت

فما ادري ياريت تفيدوني وما تقصرون معاي الله لايقصر بعمركم

ملاحظه هـــــــــــــــــــــــــــــــامه:

***مابي مجمعات (( ماركات وغاليه )) توني راده من دبي وشاريه الزين والغالي والماركات .....ابي محلات عمليه ورخيصه وحتى لوجمله ابي اخمخم اشياء ونيسه:ceaf32e183: قمصان عمليه على فلاتات على ملابس يهال اكسسوارات سكارفات حزم جناط

بسسس مابي اضيع وقتي بمجمعات ادري اني ماراح اشتري منها عرفتووو ا؟؟؟


**معاي ريلي وبنتي 4سنين ابي اماكن لها بعد :friends:تستانس وانا بعد احب الالعاب والبحر وجذي انشطه

ادري ماخليت ولابقيت :icon30: يزاها الله الف خير اللي تفيدني:yaaaaaarb: وعساها الينه

 

[فروبتشينو]

أفـــــــــــــــــــــــــــــــــــــــــــــــــــــــــــا


مـــــــــــــــو هـــــــــــــذي الــــــــــهـــــــــــــقـــــــــــــوه

:eh_s(10):

 

[السولعيه]

هلا والله اختي

للأسف توني اشووف الموضوع بحاول افيدج على قد ما اقدر .. وباجر بوقت ابجر بحط لج معلومات ادق



بخصوص الفنادق افضل شي تحجزين من موقع فندق كوم لان بتلاحظين اسعاره ارخص من الاسعار لارحتي هناك


بخصوص بانكوك ...

اذا تبين قريب من السوق حجزي فندق قريب من شارع نانا لان هناك كل شي بكون قريب منج تروحين بالتك تك بحدود نص دينار او دينار لاي مكان تبين او حتى تاكسي ..

احنا حجزنا فندق قريب من المستشفى الامريكي بس اسمه كان صعب سوري مو حافظته المهم انه راقي جدا خمس نجوم واسعاره ووسط هذا على الاقل اول يومين تحجزين فيه لما ادورين بعيونج فندق ارخص لو حبيتي

الفندق فيه بوفيه غدا وعشى نص السعر لانج من سكان الفندق والريوق مجانا



بخصوص المجمعات

بلاتينيوم(هذا رووعه ورخيييص وراح تشترين منه )
سوق الاحد وسوق بازار هذي اسواق ليليه رخييصه وروووعه بعد

طوكيو سنتر هذا فيه العاب حق بنيتج

باتونام هذا اسعاره حلو بعد

m b k مجمع 7 طوابق اسعاره حلوه وفرري فيه على كيف كيفج راح تعبين جناط

------------

بخصوص بوكيت افضل مكان للسكن باتونج بيتش شاطئ حي كلله فنادق ومطاعم عربيه وغيره

وانصحج تاخذين ليلتين في منتجع اسمه كوكنت فيلا فيلج عباره عن جزيره صغيره وفيها اكواخ وحمام سباحه تبعد عن باتوج بيتش حوالي ربع ساعه او 10 دقايق خذينا فيه 5 ايام الليله حق الفله الدورين اللي على البحر بححدود 60 دينار ولج حمام سباحه خاص بس شنووووو جووووو يستاهل تروحين له لو يومين ماراح تتحسفين كلشش


واي استفسار دزي على الخاص وعيوني لج اختي

 

[^noonaa^]

ماشاءالله ماقصرت السولعيه

وانصحج اب ام بي كي ابانكوك وابوكت عندج مجمع الميلينيوم اول ماتصعدين من السلم الكهربائي في وحده اتبيع قمصان طويله اتينن وشكلها راقيه يعني مو اي شي وان اذبحت عمرها وسوتلج خصم راح تعطيج اياها اب 16 او 20 دينار ولو اتشوفينهم اهني بالكويت يبيعونهم لج على 40 و 50

 

[فروبتشينو]

بعــــــــــــــد قلبـــــي السولعيه ونونـــــــــــــا ماقصرتوو حبايبي الله يوسع لكم دنيا واخره


اي السولعيه حلو المكان اللي قلتي الجزيره عنه ووايد زين 60 ان شاء الله ماتغير السعرر

يقول ريلي البوتنق بيتش (( موشي)) نروح واحد يمه لازق فيه شوي اهدا وارقي ويقول نقدر نروح البوتنق بيتش مشي او سيكل

اخاف يوديني بعيد عن السوقه واللويه ! ها شرايج الزم واحــن p; على البوتنق بيتش والا اخليه يحجز اللي ابعد على كلامه واهدى !


أب أب أب ..........بنات بعد ابي جذي تفاصيل نفس طريقة نونا .................


بــــــــــــــــــاصروني @@

 

[استعجلت الرحيل]

رد : خبرات تايلند كلـــــــــــــهم لا فررررررررق الله شملــــهم....حياكم

انا بروح ان شاءالله تايلند اول ايام العيد نبي نستفيد

 

[السولعيه]

اتوقع يقصد كاتا بيتش

ترا مافيه ذاك الزود صياعه مثل ما سمعت !! وكل شي قريب هناك يعني بس تفترين بالتكسي يمكن تغيرون رايكم بالسكن وتسكنون فندق انتم تشوفونه بعيونكم وتشوفون موقعه ...


بخصوص المنتجع اللي قلت لج عنه وسكنته اسمه :the village coconut island


هذا موقعهم http://www.thevillage-coconutisland.com/


للاسف شالوه من موقع فندق كوم اللي انا كنت حاجزه عن طريقه بس دخلي قوقل وكتبي اسمه راح تحصلين مواقع ثانيه تحجزين عن طريقها وطبعا تقدرين تحجزين من هناك ... من تركبين التكسي غطيه الاسم ويوديج للشاطئ حق المنتجع ومن هناك يوصلونج بقارب سريع بدقيقتين مكان ماراح تنسينه كلشششش

 

[اعذريني يالهدايا]

رد : خبرات تايلند كلـــــــــــــهم لا فررررررررق الله شملــــهم....حياكم

الباتونق بيتج احلى شي في بوكيت وخلي التسوق في بانكوك

 

[فروبتشينو]

سوسو بعد قلبي مشكوووووووووووووووووووووره حبيبتي الله ييسر امرج ويوسع لج دنيا واخره

حدج شوقتيني ........... المكان صج عجيب ايينن

((اعذريني يالهدايا)) والله يقول ريلي ان الباتونج تفصخ وبنات وترقص ! والله احترت مادري بس شكلي بسمع شور ريلي ونروح بيتش ثاني ونروح نتطمش


على الباتونق والا نروح نتسوق ونتعشى اكيد راح نمرررر اهناك ان شاء الله


يالله بنات تايلند الخبرات
آب
آب
أب​

 

[عواشينه]

على اي طيران داخلى احجز لبوكت

 

[BRONZEYA_Q8]

رد : خبرات تايلند كلـــــــــــــهم لا فررررررررق الله شملــــهم....حياكم

هذه اهم الاسواق
والبنات يفيدونج بالفنادق ان شاء الله
تروحين وتردين بالسلامه
بغ سي
اللوتس
سيام براغون
مركز ام بي كي
طوكيو سنتر
بانتيب بلازا – اشهر محلات الكمبيوتر
مركز بوبي
مركز روبنسون
مركز امبريوم
مركز سنترال شيت لوم
مركز التجارة العالمي
سوق دامنوين
سيام ديسكوفري سنتر
توجد مئات المحلات التي تبيع الملبوسات بأسعار رخيصة في مركز ( indra export center )
بوبى تاور : احد اسواق الجملة
الاسواق الشعبية :

سوق باتبونغ الليلي
الحي الصيني
الباتونام
سوق الاحد

 

[احب المنتدى]

رد : خبرات تايلند كلـــــــــــــهم لا فررررررررق الله شملــــهم....حياكم

للررررررررررررررررررررررررفع

 

[::: زووغة :::]

رد : خبرات تايلند كلـــــــــــــهم لا فررررررررق الله شملــــهم....حياكم

في بانكوك سكني في بيوكا سكاي كللل شي يمج
وعلى فكرة اهو اطوول فندق في بانكوك
وفي بوكيت سكني بالباتونق بيتش احلى شي

 

[الحاتميه]

كم ميزانية تايلند للشخصيين شامله الفندق والتذاكر والشوبق وكل شي وكم اذا معانا طفل ابو 3 سنين

 

[qazlaan]

مرحبا خواتي انا اول مره ادخل هالقسم باختصار خالتي مسافره تايلند بعد كم يوم فشنو اطلب منها لا تخذلوني بليز سمعت انه اغراضهم حلوين بس ماادري شنو بالضبط انا ناطره ردكم

 

[فروبتشينو]

سلاااااام ياحلوين
انا في بوكيت الحين وحدها ونيسه
واليوم لي رابع وبع ٣ ايام بروح بانكوك
انا كل يوم لازم امر مجمع جونق سايلن اللي بالباتونق بيتش
وكل يوم اكتشف داعوس مارحت له
اذا رحت بانكوك شبسوي!! هذا وانا قايله المشترى من بانكوك واهني بس وناسه ماقدرت هههههه
كل الشكررر للي رفعو الموضوع وفادوني
وحياهم الله اللي ارفعو الموضوع يستفسرون و استفادوووو
واللي دزولي عالخااااااص لهم احلى سلاااااااام مربع ؛****
واللي خالتها رايحه تايلند قوليلها خل تييب لج فلاتات وجناط نفس الشي اذا كانت ذويقه
وتراجي اشياء تشوووق

وبس. دعواتكم بنات الله يحفظنا من كل شررر ويردنا سالمين *

 

[Om_Ksha]

^
^
دااااااااام انج هناك الله يردج بالسلامه انشالله بس حبيت اسئلج ..

شلون البانتوج بيتش ؟؟ يعني حلو ولا خايس والمكان اللي وداج ريلج احسن ؟؟

لانه انشالله اذا الله كتب بروح بوكيت اسبوع بس بشهر 1 وماعندي خبررررررره كلش فمادري وين احسن مكان نحجز فندق !!
وشنو في هناك ابوكيت في مجمعات شي انا حاطه ابالي بس كشكات بس قريت انه في مجمع ..
وشنو تنصحينا برحلات .. مادري شنو اسئلج لانه ماعندي خبره بالمكان .. بس الحين شكلي بستقر على فندق بعدها يبين كل شي ..
ابي فندق رااااقي في مسبح خاص .. وجذي ..

اوف الافكار مخربطه ..

 

[فروبتشينو]

هلا ام كشه والله وداني ريلي الكارون بيتش حلوو وهادي وفيه اكتفيتز نفس اللي بالباتونق
ركبت جتسكي برشوت وهالسوالف والاوادم شوي اخف من الباتونق بيتش واونس
يعني بس سياح الباتونق بيتش لا سياح واهل الديره فشوي زحمه بس اللي فرق معانا لو ان احنا ساكنين بالباتونق اوفر تكاسي لان كل يوم نروح المكان اللي احنا فيه من حسن حظي ان كان فيه مثل مهرجان واكووو. سوق طويل كله اكشاك وكل اللي تبين نفس الباتونق واحسن بعد وارخص فقزرناها يةم هناك ويوم هني بس هناك اونس علشان المول
بس من امه مره ثانيه ان شاء الله بنسكن بالباتونق
وبس عليكم بالعافيه والله خووووش سفره استانسنا الحمدلله وانا الحين في بانكوك اونس شي السوووووق وبس
*

 

[LOOOOR]

رد : خبرات تايلند كلـــــــــــــهم لا فررررررررق الله شملــــهم....حياكم

حبيبتي تردين بالسلامة انشالله

 

[أمل المنصوري]

رد : خبرات تايلند كلـــــــــــــهم لا فررررررررق الله شملــــهم....حياكم

حبيبتي لا تطوفين عرض الفاتنزي شو
سألي عنه وبيودونج له
لا يطوفج لايطوفج دامج في بوكت
عجيب حدة وبنتج بتستانس عليه هو في مدينة اللالعاب اللي هناك والله نسيت اسمها