خايفه من الصدمه !! راح تنهار نفسيتي

[أفا ياكيف]

حياتي والله الله يرزقك يارب وأخذيها قاعدة كثرة التفكير ماتنفع بشي يعني انسي سالفة العيال وصدقيني شوفي شلون بتحملين بعد الله سبحانه ترا احيانا يكون سبب التأخير شغلة نفسية

 

[kingq8q8]

لالالالا حبيبتي مو لهدرجه انتي توج صغيره وقلتي ان زوجج فيه ضعف بالحيوانات المنويه وبطئ بالحركه معناته منه العيب مو منج


الحياه جدامج طويله ولاتيأسين من رحمة ربج ،،،، بعدين انتي السبب ليش تفاولين على نفسج الدوره بتنزل بتنزل لاتقولين جذي قولي ماراح تنزل وانا حامل

وتوكلي على الله حق التوكل وكثري الاستغفار

والله يرزقج وتبشرينا انج حامل

 

[بدوية بملامح كشميرية 86]

ياحياتي حاسه فيييج

نصيحه توضي وصلي ركعتين

وادعي الي بقلبج

وعسي ربي يرزقج هالشهر ويفرح قلبج ياااارب

والله اني ادعيلج من كل قلبي

 

[pizza HuT]

ربي يرزقج الذريه الصالحه يااارب عااجلا غير آجل ويرزق كل محرومه

 

[ألوفا]

يااااااااااااااارب تكونين حامل

اللهم أني أسالك باسمك المخزون والمكنون ،الطاهر المقدس، الحي القيوم، الرحمن الرحيم، ان تصلي على سيدنا محمد صلى الله عليه وسلم وان ترزق اختي سيكولوجية حملا عاجلا غير اجل برحمتك يا ارحم الرحمين
اللهم انك قادر على كل شيء يامن تقول كن فيكون أرزق اختي سيكولوجية حملا وأشفي زوجها وفرحهم بطفل سليم معافى برحمتك يا ارحم الرحمين

اختي نصيحه كثري من الاستغفار اقسم بالله العظيم عن تجربه انا لي سنة ونص زواج ماحملت ويشهر واحد بس داومت على الاستغفار فوق 1000مره باليوم وااايد استغفر وااايد بنية الحمل
وأقوم الليل وأدعي بأوقات الاجابة بين الأذان والإقامة ويوم الجمعة استغل كل الأوقات وكنت مووووووووووقنه أني بكون حامل بهالشهر ووااااثقه بربي والله والله عند الله دعائج مايخيييب ادعي وآنتي واثقه بالإجابة
والحمدلله من هالشهر ماشفت الدورة وكنت حامل
وان شا الله تبشرينا قريب بحملج

وآسفة ع الإطالة

 

[الزيـــــ^^ـــــن]

حبي سيكلوجيه والله حاسه فيج ومريت باللي قاعد يصير فيج
والله تعبنااا استغفر الله ياااربي ... صج هذا اختبااار من رب العالمين
بس مرات اقوول ليش انا بالذات .. ااخ ياقلبي المشكله ماباليد حيله
والله لواني موظفه سويت الحقن المجهري ع طوول بسس الظرووف كلش ماتسمح
ياارب انك تفرجها عليييينا وتفرح قلوبنا بالحمل السليم المعافى
انصحج نصيحه روحي حللي منزلي واللي فيها فيها علشان لاتتوترين اكثر
وان شالله يارب حاامل

 

[حنيت إلك]

في ناس صار عمرهم اربعين وربي رزقهم توكلي على الله

 

[ابدا يالغالي مانساك]

وليش تنطررين حبيبتي 20 يووم واايد
وتقعدين تاااكلين بنفسج من المحاتاه والتفكير ​

حللي ورااح يبين لان الحمل يبين من تاااخر الدوره بيوم يومين
الكثير سبووع ​

وخليج مومنه لاتتعب نفسيتج ولاشي
انتي تووج عروس ومصارلج الا سنه
وخلج علي مرجعااتج وتوكلي علي الله تعاالي
الحياااه مو عيال وزوجج
اهم شي الصحه والعااافيه وراحة الباااال
اما هذي ارزاااق كلهااا مكتوبه لناا من الله تعالي وبيعطيج ان شالله ​

 

[ام الحلوااات]

اللــــه يــكـــتـــــب لـــــج الـــحــــمــــل عــــــاجـــــلآ
ويــــرزقــــج بــــاالــــذريـــــه الـــصــــاااالــــحـــــــــه يـــااااارب

 

[ألوفا]

حبيبتي شوفي موضوعي بيفيدج ان شاء الله
http://www.q8yat.com/t1046319.html

 

[ديانا سبنسر]

الله يرزقج

 

[*دنــيـQ8 ــا الوله*]

الله يرزقج انشالله

 

[tmtmt]

مو زين تسوين جذي
خلي ايمانج قوي

شدعوه كل هذا وتوج سنه ونص !!
الي قاعده تسوينه جنه اعتراض
يعني الله مايبيج تحملين الحين لن مو خيره لج اكسد
انتي تبين غصب حتى لو مو خيره !!!

واذا سويتي كل هذا بيتغير شي

ولاتقولين مو حاسه فيج
لا ٥ سنين على ماحملت
بس الحمدالله رب العالمين مؤمنه
صح لازم الواحد اتييله فترات يضيق خلقه
يسمع كلمه مني مناك

بس مو جذي ...

صلي ركعتين
واذا في خيره لج ان شاءالله تكونين حامل

 

[OopSs]

يالغااليه وسسسسعي صدرك واذكري الله ،، والله سبحانه مايقدم الا اللي فيه خير .. ترا النفس البشريه شفوووح !

وانتي ازرعي فكره براسك ان الصبر احسن من الاوهام والافكار السلبيه الله يهدي بالك ، انتظري الين نص الشهر وسوي تحليل دم ..


وان شاء الله تكونين حامل / بس تأكدي ما تكرهين شي الا وفيه خير وهالشي مايخفى علئ سموك الغالي ،،


وترا بالاستغفار تتحقق المعجزات ��

 

[ضحاوي الديره]

ياربي بناااااات شفيكم جذي !!!!
حدكم مستعجلين ع العيال والمسؤوليه والتعب !!
توووووج عروس استانسي لاحقه العمر جدامج
والعيال رزقه ماسكها ربج بيده متى ما اراد راح يرزقج بإذنه وحده سبحانه

 

[love love]

راج ادزلج شي بالخاص شوفي

 

[عواش1987]

امي قالت لي قصه اخت رفيجتها اللي قعدت مع زوجها تقريبا 15 سنه اذا مو اكثر

صابرين على بعض ويحبون بعض الله لا يغير عليهم

واهي متعوده كل تتاخر عليها الدوره وكل تييها لوعه مرات تدوخ وتطيح وخلا ل هالسنوات كل بين فتره

وفتره لما تطيح ولا تدوخ وتتاخر تحلل وتطلع مو حامل فعالسنوات الاخيره ما قامت تحلل ملت لان كل تندقر

وبالاخير تطلع مو حامل

مره كانوا رايحين المخيم وداخت عليهم وطاحت اختها قالت لها يا فلانه قومي اوديج الطبيب حللي يمكن حامل

قالت لها اووه مالي خلق انا كل مره يصير معاي جذي مو اول مره ما ابي اروح المهم حنوا عليها لما وافقت

سوت لها تحليل الدكتوره وبعد 15 سنه او اكثر زواج ما حملت المراه و بكل برود تقولها الدكتوره مبروك في حمل

المراه طبعا ردت طاحت مره ثانيه لووووول و اغمى عليها الدكتوره اخترعت ياتها افكار ان ممكن المراه مو متزوجه

بس فهموها السالفه و قالوا لها ان هاذي سالفه هالبنت و متزوجه من فتره وما حملت قالت طب استنوا هعيد التحليل مره ثانيه

عادته وهم طلع في حمل وقالت لهم الدكتوره انا متاكده ان في حمل ودوها حق احسن دكتور وراح يقولكم ان فيه حمل

سبحان الله صبرت صبرت ونالت ويابت احلى بنوته سمتها غلا :*

و سوالف وااااايد والله سمعتها وشفتها بعيني ربج كريم الرزاق يرزق من يشاء بالوقت المناسب وخيره

ان الله يمهل ولا يهمل ما عليه ربج يبيج تصبرين بالاخير راح يعطيج لا تنسين ربج كريييييييم و نعم بالله

و انتي توج سنه وعلى قولت وحده عجبني كلامها لما قالت مسآله وقت وفعلا استانسي الحين وشوفي نفسج


و بإذن الواحد الاحد بتحملين

ياااااا رب يرزقج بالذريه الصالحه قولي امييين

 

[قمرية الفيس]

انسي سالفة الحمل ولاتفكرين فيها والله راح يرزقج باذن الله

 

[أملي بعد الله]

لا لا لا لا تنطريــــــن أكثر أنا كنت مثلج تأخرت علي أول شي عن موعدها

تالي قمت أقول حق ريلي والله خايفة الدورة مانزلت كنت متفائلة وخايفة من الصدمة بنفس الوقت

وهم ريلي معاي نفس الشي رغم إني الحمدلله لا زلت عروس سنة وشهر بس وتو الناس علي ولاحقة وكل هالحجي

بس ولو النفس تحن تشيل ظناها

كنت الله يكرمج كل مرة أدخل دورة المياة ينقبض قلبي أقول عساني ماشوف دم ياربي لا تكسر بخاطري

الموهم مالج بالطويلة .. ريلي نصحني ننطر بعد ليما 10 أيام بعد موعد الدورة ونشوف

بس آآآآنا مانطرت يمكن باليوم ال8 او ال9 من تأخيرها حنيت عليه حنيت حنيت قتله ع الأقل تحليل منزلي

ووافق وعلى طول الحمدلله سويت التحليل المنزلي وفي أقل من دقيقتين بانت النتيجة خطين واضحين

وعقبها بيوم حللنا دم وأكدوا النتيجة ربي لك الحمد

والله يتممه ويحفظه ويبارج فيه

وأنا نصحيتي لج حللي منزلي ع الأقل وانتي لو كنتي حامل الحين الهرمون قوي ويوضح بالتحليل إن شا الله

إن كان في حمل فألف ألف ألف مبروك وإن شا الله أكون أول وحدة باركت لج ببجرج

وإن كان مافيه فحمدي الله ليل نهار لأنه هذا الأخير لج ولا تنسين إنه رزقج محفوظ وبييج إن شا الله بالوقت المناسب

 

[الـــغـــلآ]

الله يرزقج و يرزق كل محرومه يااا رب

لا تنسين تبشرينا