خايفه من اختي تحسدني

[سنووايت__]

وعليكم سلام و رحمه وبركاته

اختى الغزيزه : انتي قاعد تناقضين نفسج !! اول شي قلتي الله ماكتب ، بعدين قلتي احنا متفقين ( ربي يرزق بالذريه الصالحه اللي تكون على قلب واحد )

اختج متزوجه من سنتين و حملت من ليلتها و عبودي عمره ٧ اشهر بس !! مفروض عبودي عمره سنين .. الا اذا كانت مسقطه لا سمح الله

اختج عاشت معاج عمرج كله ، تساوينها بشخص عاش معاج 10 اشهر بسس

حبيبتي عيب عليج هالكلام والله عيب !!مافي اخت تغار من اختها ، و الشخص السوي لايذكر محاسن شي ، فقد شخص اخر ( هذا من البديهي ) الا اذا انتي بتحرينها و مالقيتي اله اختج ، سوري اعوذ بالله منج (انتي شخص غير متزن ، واللي يسوي سواتج يسمونه ( حديث نعمه ) اول مره تسافرين او مره تطلعين بحياتج ! )

اخت من لحمج و دمج لا تجيبين طاري زوجج ، و انشاء الله يرد لاختج زوجها سلام و غانم و يسعدها يارب العالمين

انا اسفه قسيت عليج بكلامي ، بس كلام اللي يعور ياثر بالنفس و الله يهديج و يهدي اختج و يخليكم لبعض ...

نفس ملاااحظااتي :eh_s(10):

 

[الkحيله]

الحين لاقالت ياحلو عبودي صارت تحرج. حمدلله والشكر

 

[عهد الغرام]

خايفة انتي حاسدتها لأن ربي عطاها الله يهديج ويعين اختج عليج

 

[semsem2031990]

الله يعين هالمسكينه عليج

 

[خلطات المذهله]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

:eh_s(15)::eh_s(15):
انا معاج بعد

 

[[[ عيون جابر ]]]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

بالضبط

 

[♥ SWeeRa ♥]

كبري عقلج

 

[حبوبة الأطفال]

انتي المفروض تطيب خاطرها وتوقفين معاها

هذي اختج ... تقدرين تعوضين بزوج وبضنا لكن الخوات والاخوان مايتعوضون

ويمكن لما تقولج الضنا غالي تقصد ان طلعات الدنيا ماتهمها كثر مايهمها اللحظة الي تقعد مع ولدها

صفي النية قلبو وتقرب من اختج وخلج معاها اكثر خصوصا بهالحظة

 

[Tauoofa]

والله صاجه مناير .. الحين بالله بتحسدج علي شنو .. ترا النعمه زواله مو عشان اهي ما توفقت بزواجها بتحسدج وتتمنالج الشين ​

خصوصا انها اختج العوووده والاخت العوووده بمقااام امج والله عيب هالكلام اتقي الله بنفسج يخيتي ولا تتكلمين عن اختج جذى ترا اهي ما تقصد شي يوم تمسك ولدها وبعدين ولدها ولدج .. قوليلها ولدج ولدي واقصري الشر حرام عليج والله اخيتج هذي ​

ياليت عندي خوااااااااااااااات والله لو تدوس علي راسي راضيه ​

نفس راي ام كوثر
كلامها عين العقل

 

[نورة2010]

ههههههههههههه
وشفيكم يابنات على الحرمه الاحظ انكم تشوفون اول رد اذا كان مع صاحبة الموضوع تكونون انتم هم معها واذا العكس انتم برضو معاها وبعدين يمكن هي خانها التعبير بتقول تغار مني قالت تحسدني وفيه فرق بين الغيرة والحسد والغبطه وعلى فكرة فيه واااايد بنات يغارون من اخواتهم او بالاحرى يتمنون انه يكون حظها في الزواج مثل حظ اختها عادي هذا شي تشعر به غصب عنها ماتقدر تتحكم فيه يعني ماتتمنى زوال النعمة من اختها بس تتمنى لو تكون مثلها ترى المشاعر مايقدر الانسان يتحكم فيها غالبا

 

[أرووومه]

الله يهديييج بس انا عن نفسي خواتي الله يخليهم لي مااخش عنهم شي ولا اظن فيهم الظن الشين والله اعرف بناات وحيداات يتمنون الاخت هذي اختي لو انها ماتسافر ولا تطلع بس الاكيد انها بتستانس اذا شافتني مسافره ورايحه وطالعه اذا شكيت لها من زوجي ادري فيها ماتنام الليل عشاني
الله يخلي لنا خواتنا ولا يحرمنا منهم
وبصراحه انا مو منصدمه منج لانه مره وحده تسولف تقول انا مااعلم خواتي جنس البيبي اذا حملت انا استغربت بس الظاهر في من هالنمونه واااجد

 

[*الهنوف*]

خليج صرييييحه انتي غيرانه من ولدها وانجابها
لاتقولين احنا ماخرين الحمال


اطري هالافكار من راسج ولا ترمين بلاج علي غيرج تداوين غلطه بغلطه

 

[Mrs_s3doun]

انتي مكانج الطب النفسي تفكيرج مريض

 

[أدب عربي]

الله يهديج :yaaaaaarb:

 

[نشيج الروح]

أخوان يوسف عليه السلام في يوم من الأيام غاروا يعني عادي ....
بس المهم صاحبة الموضوع يا ليت ما تكتبين عن أهلج جذي وإذا هي صج تحسدج وأنتي متأكدة لا تبينين لها أنج تطلعين وتدخلين .... وإذا هااااااجس من عندج ووسواس فتعوذي من ابليس فهذي اختج مهما يكون

 

[غلاي رورو]

والله لو جلستي مع اخت صديقتي وشفتيها كيف حزينه ومكسوره بعد وفاة اختها عرفتي ان الله حق ولا لو سمعتيها تقولي ياحظك حلمتي باختي وشفتيها وانا ماشفتها ..

تعوذي من الشيطان بس

 

[بــــدره]

بدال لا ينكسر خاطرج عليها قاعده تتهمينها بالغيره منج ؟
شنو هالقلب القاسي اعوذ بالله
مسكينه اختج حالها يعور القلب
و حتى لو اهي تغار منج صج صيري احسن منها و عذريها ترا تعور القلب والله و حالتها ماهي سهله

 

[beenoo]

ياليت عندي 10 خوووات اتركي سوء الظن فيها انا الحمدلله عندي 3 ولا مرة شكيت ان وحده تحسدني فيهم واولادهم احسهم مثل اولادي الله يرزقني يارب

 

[Heart.LesS !!]

والله مادري شقولج انا حتى لمن اتناجر مع خواتي ادعي ربي كل يوم ان الله مايفرقنا ولايحرمنا من بعض
ترا الاخت ماتعوض الله لايحرمني منهم ولايحرق قلبي عليهم ولا على عيالهم
انتي نفسج عطتج اتحطين روحج بميزان مقارنه بينج وبين منو اختج!!!
المفروض بدال ماتشكينها لنا تدعين لها ان الله يعوضها ويحسن حالها وايسر امورها ويرزقها بلي احسن من عندج
الله يكون بعون عقلج عليج ويهديج

 

[منو انت]

هــــــــــــــــذي نـــــــــــصــــــــــــابه صــــــاحبه الموضوع


بدليل انها ماردت


ملينا من الافلام


(( وانا لما اقول لا احد يقول كليتوها انا صاجه بدليل صاحبه الفلم الهندي انحاشت ولا ردت لان عرفت ان اهي الغلطانه واهي الغيوره ))


الله لايبلانا