خايفه من اختي تحسدني

[kuwaitya_zoGaa]

والله تبين الصج انتى اللى غلطانه
انتي ماراعيتي شعورها وقاعده تتكلمين عن زوجج وطلعاتج معاه اكيد بيحز بخاطرها
الرسول صلي الله عليه وسلم قال استعينو على قضاء حوائجكم بالكتمان وانتى قاعده تحرينها بطلعاتج حرام عليج

 

[شهد-الكويت]

السلام عليكم

اول شي حبيت اقولج الله يتمم عليج ويهنيج مع ريلج

وبعدين سوء الظن بناس مو حلوو وهذي اختج ما اتوقع بتغار منج بالعكس تتمنا لج الشي الزين اكيد

وبعدين ما قالت الا صج لانها فرحانه الضنا صج غالي واهي فرحانه فيه بس مو قصدها تحرج لما تقول الضنا غالي عادي بس شكلج انتي حساسيه حيل من هناحيه وبعدين الله يرزقج بضنا ويوفقج يارب وهذي اختج مهما بينج وبينا تحبج وماتغار منج وتبي مصلحتج هذي مو رفيجتج تقولين عنها جذي والله يهدي لها ريلهااا يارب

صج صج صج الدنيا خايسسسسسسسسسسسسسسسه الي تفكرين اباختج جذي صج دنيا مافيها خيرررررررررررر ابد

 

[بولندية]

شلون حملت عقب عرسها بشهرين ومر على زواجها سنتين و عمر ولدها الحين 7 شهور ؟؟؟

ولا تزعلين ترى مااااكو سالفة بموضوعج انا لو شنو ما اتكلم عن خواتي جذي روحي ادعي لها و خلي قلبج عليها كل وحدة و نصيبهااا

 

[PuPa^^SWeeT]

انا صارلي ايام اقرا العنوان و مابي ادش

بس الردود اشوفها زادت

دشيت

و صراحة ماعجبني الكلام

بدال لاتهونيين عليها اتقومين اتخافين من تحسدج ؟؟


وبعديين انتي ماوضحتي اهيا ليش ماردت حتى لو ريلها ماخذاها ليش ماردت بيتها هذا شي


ثاني شي لما اتقولج عبودي ياحلوه الضنى غالي ليش ماتقوليلها ايي والله و عبوودي حبيبنا غير ؟؟؟


ليش ماتقوليلها امشي نطلع انغير جو انا وياج و بس ؟؟؟

وشنو تبجي علشان تشترينلها ملابس مادري امج تشتريلها ملابس ؟؟؟


شنو هالكلام


حبيبتي ياقلبي راجعي حساباتج و افكارج و ادعييلها ربج يفرج كربتها

بدال لاتخافين منها خافي عليها

وترا انتي بعد اتقولين ريلي طلعني و مادري

باجر ينقلب حالج اكثر من اختج


تعوذي من ابلييس

وقومي لها و قوليلها امشي نطلع انا وياج و عبودي

خليها اتحس انه ولدها اغلى شي بالدنيا

 

[أم أنور]

ثنتينكم اتغارون من بعض
انتي اتغارين ليش عندها ياهل واهيا اتغار ليش انتي ريلج امجابلج
والله يهديكم ثنتينكم يارب

 

[قمرية الفيس]

شوفي جايز انه اختج تغار منج هذا شي طبيعي بس لاتنكرين انج انتي بعد دغارين منهااا ولابزوووود والدليل ولد اختج الي حسبتج ولدج تغارين منه عيل لو جايبته عقب ماتزوجتي جان شسويتي توج عروس ومسويه نفسج جنه لج عشر سنين شتحرج عليه
وبعدين باين انج انتي تحرينها ووتعمدين عشان تفين غليلج منها مالقيتي شي قمتي تقولين طلعات وروحات يامعوده لاتطيرين بالرجال اول الايام افرفر فيج بعدين يعطيج بوبا

 

[PuPa^^SWeeT]

^^^^ مافهمت بس ليش اسمي يه اخر شي ؟؟

 

[البارونـه]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

انا معاج
ويـاصاحبة الموضوع
ترا والله كلامج الي قلتيه مب هين ,,وكله شماته فـ شماته,, عورت قلبي اختج
الحين بنفسج تقولين شمسوين فيها وشلون مبهدلينها
وبعدين تقولين غيرانه؟
هي ماتحرشت فيج ولا نكدت عليج ,, واذا شفتيها متضايقه فـ هاي لان حالتها وايد صعبه مب لان غيرانه منج
يعني مادري تبينا نقولج ابتعدي عنها؟
الي بقولج اياه
هاي اختج
وعزوتج بـ هالدنيا,,من لحمج ودمج
وبدال ماتمدحين نفسج وريلج جدامها,, راعي مشاعرها واحتفظي فيهم لنفسج وعن الانانيه والتجريح

 

[اسراء205]

الله يهديج

 

[نبض شرياني]

من العنوان السالفه مبينه >>استغفر الله اللهم لا تبلانا

البنات كفوو ووفو

 

[نوور]

تعوذي من بليس وتحصني بالاذكار. ولا تفتحين عيون الناس عليج. وصفي النيه

 

[النوري نور عيني]

كلن يشوف الناس بعين طبعه ...يا دافع البلا ...فيه خوات تفكيرهم جذي ...تفكير مريض ...

 

[هيله يارمانة]

يااااااعيييبااااااه

واااااخزياااااااااه

وصلت الاحقااد للاخوه!!

اعوذو بالله...

شوفي ماقولج مافي خوات مايغارون!

لا فيه وبعضهم شي لايوصف ولايشاف

شي فوق التصور!

بس موبحالتج انتي

انتي من دشيتي تشرحين قصه اختج وعيشتهاا

ليش؟!؟

وليش قلتي اهي من تزوجت ماراحت الا الجمعيه بس!!؟

ليش قلتي تبجي ع امي تبي ملابس!!؟

ليش جذي تكلمتي!؟!

لانج مررسخه فبالج هالشي ف عشان جذي

حفظتي الاشيااء الدقيقه هذي

لان البلا فيج انتي يمكن !!

اي يمكن!

يمكن انتي تشيحطين عليهاا

يمكن انتي تجاكرينهاا

انا رحت فلان قال لي فلان عطاني

مووووو!؟

موووو يمكن انتي جذي!؟!

ولما تقولين تشوفني انا وزوجي سفرات وطلعات!!!


وااااااااااااي

وااااااااااي

يمااا قلبي

قلبي عورني

نعنبوج اختج هذي اختج

تتفاخرين عليها بطلعات وردات !؟

شي طبيعي بتقززين قززز لانج توج عروس

فإذا انتي مستانسه حيل وحاسه بالعظمه

تراها مجرد ايام راح تكون ذكرى

وتقولين تشوف زوجي مايصبر عني مكالمات!

ياويلج من الله

شايفه نفسج عليه!؟

حاسه انج احسن منها

يمكن اهي احلا منج

واسنع منج

وارق قلب منج

بس هذي ارزاق!

موعشان انتي تعيشين جذي معناته انتي

فل اوبشن وكامله المواصفات

لايااماما

هذي ارزااااااق وتوافيج

وبعدين شنو اللي بحياتج حاسه انج مكتسحتها

فيه!

انج رحتي ورديتي!؟

هذي هبه العرس

في بدايتج انتي تووج الخير بقبال

يااامااا بتشوفين

الحياااه اصعب من جذي ترا

وع فكره

كل انسان يستهزئ بشخص ويستصعب حاله

اقسم لج قسم بالله العظيم ان رب العالمين يفررالدنياا

ويذوقه نفس اللي كان يستصعبه ويستهزئ فيه

يعني انتي بيوم من الايام بتحسدين اختج اللي اصغر منج

واهي بتستهزئ فيج!!!

ثقي ثقي ثقي

انتي ماتثقين بالله!؟

انتي ماتدرين انه العادل!

الرحيم!؟

عيل من الحين تلاحقي عمرج وطهري قلبج

هذي اختتتتتتج. اختتتتتتتج

مووشريجتج. مووورفيجتج هذي اختج

هذي من الفطره ومن البديهيه ومن الاخلاق ومن الاصول

لوكانت صج وفعلا واكيًد تغار منج

ماتقولين هالكلام عنها ولاتحسسينهاا بالنقص

ش ذنبها!؟

ش ينقصها!؟

هذا شي مالها ايد فيه

هذا رزقها عند ربي

وماتدرين لوباجر ترد لزوجها وتعيش حياه

انتي ماتحلمين فيهاا!؟

واهي صاااجه الضنى مااينشرا بكنوز الارض كلها

واهي صاجه السعاده الحقيقيه الدايمه

واهي تشيل ولدها وتربيه هذا اهو الحب السليم

الحقيقي

مووزووج اليوم طاير فيني وباجر الله العالم ش حالي معاه

لاتظنين بتدوملج

ولاتكبرين ع اقرب البشر لج

تعوذي من ابليس

ودحري الشيطان

ولوتغاار حطيها ع راسج ولاتحسسينهاا

تفاخري ع الدنيا كلهاا الا اختج

يمناج ليضامتج الدنياا

زوجج ولد اهله واختج بنت امج وابوج

كفيتي ووفيتي ...الله يهديج هذي اختج ..لايدخل الشيطان بينكم وتخسرينها !!!
حرام عليج ...ساعديها بدال لاتشمتين فيها ..وخافي ربج في وخيتج :eh_s(14):

 

[منجامور]

بناااااااااااات روحوا شوفوا ردودها

هاذي يا اما وحدة تتمسخر ولا واحد فاضي

كاتبة بموضوع انها متزوجة وتكلم واحد ومدري وشو

استغفر الله ربي

 

[Mamselle]

بنات شفيكم قمتوا عليها جذي؟
يمكن البنت ماعرفت تعبر بالاسلوب الصحيح..يمكن شايفه من اختها تصرفات تحسسها بالغيره..احنا مانعرف نوع العلاقة بينهم شلون في بيتهم ...و نعم في خوات يغارون من بعض وفي اخوان يغارون من بعض. ( واكبر مثال قصة قابيل و هابيل يوم قتل اخوه ) ..لا تستبعدون شي في هالدنيا
والي تبي تنصح في اسلوب للنصيحة! انصحوا بادب

عموما اختي انتي سمعي كلامي..لا تخلين كلام اختج يخليج توسوسين. المفروض تشفقين عليها.. معليه خليها تقول الي تقوله..
على اساس انج متفقة مع ريلج الحمال بعد سنة..ليش الحين بيضايقج كلام اختج عن ولدها؟.. خليها تستانس فيه.
.وانتي لا تتتكلمين عن زوجج جدامها مراعاة لمشاعرها
تقربي منها..حسسيها بان قلبج معاها و مع مشكلتها..حاولي تحلين مشكلتها معاها..عوضيها بالنقص اهي فيه.. هي الحين بامس الحاجة لج

.والي يخاف من العين يقرا على نفسه!

 

[om-3azo-83z]

ممممممممممم ماراح اعلق بس الله يهديج و يهديها للاسف ثنتينكم نفس الطبع وحده تحر الثانيه اهيا بالضنا و انتي بالريل

 

[ابدا يالغالي مانساك]

الله يهدااج الاخت صبا حاطه رابط بموضوع انج تقولي كنت اكلم واحد بالجات وشحقه ياختي الله يهداج وانتي متزوجه وتخوني زوجج وتقولي زوجي مدلعني وخابه علي اختج وخايفه لاتحسدج هذا الانسان اللي ماعنده ثقه بالاخرين وثقه بربه انه هو الرازق وهو المعطي هالنعم بالتوفيق

 

[dubai girl]

ممممممممممم ماراح اعلق بس الله يهديج و يهديها للاسف ثنتينكم نفس الطبع وحده تحر الثانيه اهيا بالضنا و انتي بالريل

الصراحه اكثر رد اقنعني سبحان الله نفس الطبع اتحبون تغايضون بعض

:rgewrg:

 

[(مزاجية)]

البنات ما قصرو من النصايح كل شي كنت ابا اقوله لقيته مكتوب اولريدي

انصحج تساعدين اختج و توقفين وياها مو تتكبرين عليها .. ترا الدنيا دواره

 

[رقـة الاحسـآس]

حاولو تصلحون بينها و بين زوجها
مب عشان شي
بس لين متى بتم معلقه هالاحساس جدا متعب
و غير جذيه الحين بينهم ولد الله يخليه لهم
فلازم تعرفون شو عله ريلها و تحاولون يرجعون لبعض
البعد مب زين
وهي طولت وايد