خايفه من اختي تحسدني

[آجمل نسآء آلدنيآ]

انتي للحين ماذكرتي ولا سبب مقنع عشان تغار منج ..!

شنو يعني زوجج وداج مطعم ولا سينما شنو الاعجاز بالموضوع

والله مع احترامي لج الخلل فيج الله يعينج ع نفسج ويعينها عليج

 

[q8 knosha]

وعليكم سلام و رحمه وبركاته

اختى الغزيزه : انتي قاعد تناقضين نفسج !! اول شي قلتي الله ماكتب ، بعدين قلتي احنا متفقين ( ربي يرزق بالذريه الصالحه اللي تكون على قلب واحد )

اختج متزوجه من سنتين و حملت من ليلتها و عبودي عمره ٧ اشهر بس !! مفروض عبودي عمره سنين .. الا اذا كانت مسقطه لا سمح الله

اختج عاشت معاج عمرج كله ، تساوينها بشخص عاش معاج 10 اشهر بسس

حبيبتي عيب عليج هالكلام والله عيب !!مافي اخت تغار من اختها ، و الشخص السوي لايذكر محاسن شي ، فقد شخص اخر ( هذا من البديهي ) الا اذا انتي بتحرينها و مالقيتي اله اختج ، سوري اعوذ بالله منج (انتي شخص غير متزن ، واللي يسوي سواتج يسمونه ( حديث نعمه ) اول مره تسافرين او مره تطلعين بحياتج ! )

اخت من لحمج و دمج لا تجيبين طاري زوجج ، و انشاء الله يرد لاختج زوجها سلام و غانم و يسعدها يارب العالمين

انا اسفه قسيت عليج بكلامي ، بس كلام اللي يعور ياثر بالنفس و الله يهديج و يهدي اختج و يخليكم لبعض ...

ماشاءالله صيدتي الغلطه!
وانا اقرا الموضوعع قلت شلون اختها متزوجه من سنين ومن بعد زواجها بشهرين حملت!
والولد عمره 7شهور خخخخ

وحبيبتي راعية الموضوع الله يهديج

 

[اميره1980]

البنات كفو ووفو بالكلام
و بنبهج على شغله يمكن انتي تسوينها بحسن نيه و انتي ما تدرين
يمكن انتي تسوين كل هالامور جدامها او انج تبلغينها بطلعاتج و روحاتج و تتكلمين جدامها مع ريلج
اذا انتي متضايقة من جذي لا تسولفين جدامها او تقولين لها ان ريلي طلعني ووداني و جابني و عطاني مو لازم تعرف

 

[شامخهـ]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

كلامك 100%
وانتي ياصاحبىة المووضوع تذكريني بأختي تحس الكل يغار منها عشان زوجها قطيعه تقطع اشكالكم احس انكم مرضى نفسيين
وبعدين توك عروس 10 شهور لا تظنين ملكتي الدنيا وصرتو عشاق الارض
برب قطيعه

 

[ام حمد 85]

الله يصلح ما بينها وبين زوجها وموزين عليج تقولين جذيه حق اختج حرام

 

[بنت الاحلام]

والله عيب خوات جذي والله عيب
اخت تحسد اختها ليش جذي تحسن
انتي انتي الي غلطانه هذي اختج المفروض قلبج يعورج عليها لانها مو متهنيه مو تقعدين تمدحين برجلج قدامها

انا زوجي زين ويهبل ويسوا لي اشياء مو طبيعيه من كثر ما يحبني ومع هذا ما اسولف قدام خواتي مو عن حسد
لا اقول حرام يصير بخاطرهن ما يصير امدح زوجي حيل وغلط امدحه حل اصلا

 

[dam3at fara7]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

والله كفو عليج يبتيها ضبط
حبيبتي ترى اكيد انتي تحسدين ولا جان ما تشكين بختج اللي اهيا المفروض ارب شي لج انا اقول ذكري الله وشيلي هالوسواس من راسج

 

[نسمات 26]

الله يعينج على نفسج

 

[جوانا2011]

الله يشفيك

 

[dantella]

عيب عليج شكو اصلا تفكرين بهالطريقه واضح ان قلبج مو على قلب اختج عيب جذي هذا بدال لاتوقفين بصفها وتواسينها وتدعين لها الله يسخر زوجها لها تقولين عنها جذي؟
والله البنات استخفو ماصدقو يلقون ريال وتفققو

 

[Beauty is Me]

عادي في خوات ما يحبون بعض

وفي خوات يحبون بعض

مادري ليش الاستغراب

بس بالنسبه للموضوع

صفي النيه
يمكن اهيا ما عندها من هالدنيا

الا هالضنا وتييب طاريه دوم


مثل ما انتي تحبين زوجج وتقولين مطلعج وما يصبر عنج


كل انسان لا شعوريا يحب يتكلم عن الغالي في حياته

ومو من اول موقف تحكمين على هالشي


والله يخليكم لبعض حبوبه

 

[Om_Ksha]

^
^
بالضبط

 

[كـ غلا ــلي]

مافيه اخت تغار من اختها

الاخت دايم تتمنى الخير حق اختها

وانا من رايها بعد

 

[الوفاا...]

السلام عليكم ورحمة الله وبركاته
اول شيي
ابي اقولك انا صارلي متزوجه شهور تقريبا داخله العاشر
وللحين ما حملت وهذا الله كاتبه
اختي اللي اكبر مني متزوجه من سنتين وما عمرها ارتاحت مع اهل رجلها كل يوم مشاكل ومرت ابو رجل
ها الصراحه مو حبوبه كلش معاها لان رجلها ساكن مع مرت ابوه من عمره 4 سنوات ابوه متوفي وامه الصجيه عايشه للحين ما ماتت المهم اهي ما ظلت شهرين وحملت من عرسها ماشاء الله عليها
وجابت عبودي اسم الله عليه ومن يوم ولدت واهي قاعده بيتنا ماراحت حق رجلها ولا يدق عليها ولا يصرف عليها ولا شي والحين عبودي عمره 7 شهور اسم الله عليه
مرت ابوه اهي اللي متحكمه فيه بكل شي
واهي الحين ...........
تغار مني حييييييييييل من كثر طلعاتي انا ورجلي من مجمعات ومطاعم وسفرات وكله مكالمات وما يصبر عني
وعلى فكر اهي من تزوجت طول السنتين والله العظيم ما عمرها طلعت من البيت الا للجمعيه بس
والملابس تبجي على امي عشاني تشتريلها ملابس
وكل ما تكلمت عن رجلي قامت تقول يا حلو عبودي اشهد ان الضنا غالي
يعني تحرني بولدها وانا ورجلي متفقين العيال بعد سنه وما علمت احد عشان محد يهاوشني خااااصه امي
والله ما دري شسوي فيها ..............؟؟؟؟؟؟؟؟؟؟؟؟
ادري طولت بس شسوي ما اقدر اقول حق احد الا منتداي الغالي

خلاص عيل لاا تتكلمين عن ريلج جدامها .. وتضايقينها ..

 

[*uM_MiMi*]

مو من صجك!! الحمدلله يا ربي ع نعمه العقل ... في ناس اتمنى ريحه الاخت وانتي تتشكييين منها،،، الله يهديييج و يصلحج

 

[طموحه بزياده]

لو قايله انج خايفه علا مشاعر اختج ابرك من تقولسن خايفه اختي تحسدني

 

[كويتيه شقرا]

هاي حياتي سوري بس ادا اختج ياهل خلي عنج سوالف تغار ماتغار وتري الحياه حلوه لا اتحاتين وصدقيني منحرتها بس محد يخاف عليج اكثر من اختج وان شاء الله شده وتزول وبالتوفيق

 

[لياليـ]

كل الردود اللي نفس اول رد انا معاهم الله يهديج
اتقبلي مروري

 

[ازمه وتعدي]

اختى بخير يعنى انا بخير

والله لو تلف الكرة الارضيه كلها مااا تمنى لها الا السعادة

الاخت يااا ادميه ما تغار من اختها تبى زواااااال النعمه عنها اصحى

الزوج مو كل شى .... احسنى الظن شنو هالتفكير

حتى لو صج غاارت وقالت الضنى غالى تذكرى ولدها بهديه تفقدى اختك بشى فلوس اغرااض لها

تقولين زوجها غاااطس فى بيت ابوهـ ولا يسال خلك حنونه عليها خذيها وياااااااج اى مجمع تغير جو

ولدها يلعب بالالعاب حراااااااااام عليك لا تصيرين انتى والزمن عليها

لا تطيرين بالريااااال تراا مالك الا اخيتج

وقولى الحمد لله على النعمه مو اشكره اختى تغار منى وحاااسدتنى

بلا انانيه وتفكير مريض

اشكري ربك على نعمته لا ياااخذها منك ولا تنسين اختك وولدها

الله يعينها ويسخر لها زوجها ياااارب ويحفظ ولدها ويهديك يا صاحبه الموضووع

ذكرتينى بووحدة الله يسامحها تدس الاكياااس عن اختها لاجت من السووق .. مالت على بنات هالوقت تقدس الرجل

كانه مااحد تزوج غيرها

اووووووف لا حول ولا قوة الا بالله

 

[ana mo ana]

لا والله احلفي بس؟؟؟


ليتش ماكتبتي الموضوع


الله يوفق اختش ويعوضها يارب ويخليلها وليدها







ويهديش!