خايفه على قطوتي وايد

[Ghaderooo]

سلام عليكم


اليوم ريلي شرالي قطوه صغيره حدها يعني فيها 3 اسابيع وكانت تلعب عادي وشيطانه ولما كرمكم الله سوت ككه
طلع فيها سهال وعطيتها دراي فوود كلت خف السهال بس مو وايد و توا رجعت ف خفت عليها مادري الاكل غثها ولا شسالفتها وشسوي قولولي احترت وخايفه عليها حدي

 

[klOoOre]

عطيها حليب خالي من الاكتوز
الحليب لازم يكون خالي من الاكتوز بهالعمر
مثل طفل بحاجه لحليب امه
شتري لها حليب خالي من الاكتوز من الجمعيه تلقينه
صوب حليب الاطفال
واذا تقدرين تروحين بيطري رويال البيطري بسوق الحمام
تشترين لها افضل داري فود اسمه رويال كانون قولي لهم تبين
داري فود للكيتز
وخليها بمكان دافي لا تعطينها اكل دسم عطيها داري فود الي قلته عنه اسمه
رويال كانون من مستشفى رويال الي بسوق الحمام
والله يحفظ قطوتج يارب ويخليها يارب دربالج عليها ترا صغيرونه وايد

 

[doloky]

ان شاء الله هتكون كويسة و تمام بس وديها لدكتور اامن عشان لسه صغير و عشان تتاكدي ان الحرارة مش منخفضهانا كنت واخده عنوان من هنا في السالميه قدام سيتي سنتر بتدخلي يمين من الفتحة اللي مكتوب عليها مسلخ حولي هتلاقي مستشفي اسمها بيت الحيوان في دكتورايم سميرة و رانيا و اسعارهم حلوة و شاطرين و ان شاء الله تكون كويسه بستابعيها من البداية احسن و دفيها كويس احتياطي

 

[Catino]

لا تعطينها دراي فووود ككلللششششش
بس خلج ع الحليب خالي من الاكتوز او اذا تقدرين توفرين لها حليب كتنز يكون افضل و دفيها
واهي صغيره يعني توها ماتعرف تاكل اخذي لها دياي مسلوق مع مااي عشان عشانه يلين وشوي شوي تخففين الماي او لو حتئ حليب عاددي لين تتعرد ع الاكل الجاف واهي شي ادفينها عشان فيها اسهال والسيامي قطط ذكيه يعني ماراح تتعبين معاها وان شا الله تتحسن

 

[Ghaderooo]

واااي الحمدالله ردودكم طمنتني اشوا مو شي جايد واهيا الحين احسن وتعلمت تروح حق ليتر بوكس بروحها الحمدالله مشكورين ماقصرتوا
وكاتينو انا الدراي فود الي قام اعطيها ياه قام انعمه مع ماي مخليته لين

 

[Stay alive]

الله يعينج ويحفظها لج

القطو اصغير متعب شوي بس يكبر ترتاحين ان شاء الله

اذا استمر معاها الاسهال عطيها شراب اطفال من الصيدليه البيطريه

واحد مل

بالابره مالت الدوا

مرتين باليوم كل 12 ساعه


اناعندي قطو صغير عمره شهرين وجذي قاعده اعطيه وقف الاسهال الحمدلله

ووقفت الدوا ..وللاسف امس رجعله ورديت اعطيه مره ثانيه

والحين بعد الجو بارد واهو حايشه عطاس.. بروح اشتريله حبوب او دوا للنشله من ٲلبيطري


والله يشفيهم

 

[Ghaderooo]

انا عطيتها بعد جزر وبطاط مهروس مع روب مسك بطنهااا واايد فادني الحمدالله

 

[بنت النوخذا]

انا عطيتها بعد جزر وبطاط مهروس مع روب مسك بطنهااا واايد فادني الحمدالله

:rerrerek:

حطي بعد نتفه جبن ابيض
يقضي علي المكروبات


ولالالا تعودينها علي الاكل المعلب او المجفف نصيحه

النونو
ترا ما يعطونهم اكل يومي لا
مو يوميا ايدام

اذا تشافت و بعد جم يوم
عطيها ربع توسته منتفه مع ربع نقانق صغيره
منتفه علي دفعات

لانه معدتها تراااا حيل نتفه
لالالالا تثقلين عليها مسجينه


:eh_s(2)::eh_s(2):

 

[بنت النوخذا]

(( شامبو نيوزرال مفيد للفطريات بس خفيفه مع المائ الدافئ ))

 

[Ghaderooo]

اي انا احتار شوكلها اهيا ماتاكل الا دراي فووود تموت عليه ف قمت اسويلها اكل واحط الدراي فود فوقه وتاكله بس مشاءالله وايد تاكل

 

[M!SS.LOBY]

شامبو نيوزر ال يمنع للفطريات