خايفه تكون في باله ....

[in style]

بنات انا تزوجت زواج تقليدي و زوجي اعترف ان كان يحب وحده وااااايد لكن اهلها ما رضو لان بعده كان ما تخرج و اهيا تخرجت

ومن قالي وانا لي اليوم ماني قادره احبه اعزه اي بس مو حب لانه احس حب من قبلي ومو قادر يحبني واهو يحب الاغاني الحزينه و اللي عور قلبي قالي شفتها مع ولدها وااي ليش يقولي و يعور قلبي خايفه ليلحين مانسى حبها

بنات احس ماني قادره اعطيه من قلبي وصاره جافه وياه و اهوا نفس الشي هالسالفه مخليتني مو طبيعيه وياه


قولولي شسوي

 

[f@rsaq8]

الله يعينج و يحنن قلبة عليج .. شوفي لا تجافينة تعلق في ذكرياتها اكثر انتي زوجتة الحين انتي غرقييية حب و حنان لانه عمر المطر مايي من غيمة ضميانه ..

 

[~بنت مطير~]

رد : خايفه تكون في باله ....

خليه دايم فرحان
اذا شافك اضحكي معاه
خليكي شاطره وخليه ينساها
واذا تكلم عنها لاتقولين
ماحبه اذا فكرتي دايم كذا
اتوقع راح تكرهينه
ادعي ربك اخر الليل
الله يوفقك ان شاء الله

 

[قوية الباس]

رد : خايفه تكون في باله ....

قوليله اهيا مستانسه مع ريلها وولدها

وانته قالبها حزن ولا درت عنك

قوليله اصحى وعيش حياتك وحرام تظلمنا معاك

 

[الصعيريه]

رد : خايفه تكون في باله ....

الله يعينج
ولج حق تتضايقين ومآتتقبلينه دامه كل مره يجيب طاريهاا

والبنت تزوجت يعني خلاااص إنساها وعيش حياتك مع مرتك
وغلط إنه يقولج كان يحب وحده يعني المفروض يخاف على إحساسج

قوليله اللي تحبها تزوجت والله يوفقهاا وانا زوجتك وإن شاءالله بكون ام عيالك وحرام عليك تقول كلام تجرحني فيه ومن هالحجي
وعسى الله يهديه ويسخره لج ياقلبي..

 

[تعويذه الحب]

شوفي حبيبتي دام كلمج عنها يعني البنت خلاص طلعت من باله وخلج واثقه فيه وعطيه الامان عشان يرتاح بالسوالف معاج

وما يخش عنج شي وانتي خلاص اخذي الامور ببساطه دامها تزوجت و صار عندها ياهل وبعدين حبيبتي ما في ريال ما عنده ماضي

بس الشاطره اللي تنسي ريالها هالشي حبيبتي خلج واثقه بريلج ولا تخلين الوسواس يدمر حياتج والحين فرصتج عشان تخلينه ما يفكر

بأحد غيرج وحبيبتي لا تربطين حبه بسماع الاغاني الحزينه فيها ترى مو شرط

 

[بتبوتااا]

حياتي المفروض انتي تنسينه هذي وتشغلينه فيج جددي حياتج معاه وان شاء الله ما يفكر فيهاا ابد ,,

 

[hooryah q8]

رد : خايفه تكون في باله ....

انتي وذكاءج ابطريقتج تنسينه
لي حط اغاني حزينه حاولي تغيرينها
بالبيت مثلا على طول فتحي معاه موضوع لا تخلينه وايد يسرح ويفكر ويتذكرها

 

[ماكنتوشه بنفسجيه 12]

رد : خايفه تكون في باله ....

الله يعينج ويهديه لج


سبحان الله وبحمده

سبحان الله العظيم

 

[in style]

مشكورين حبايبي و يارب يسخر لكم ازواجكم

بنات المشكله انا فيني بعد ماني قادره اصير طبيعيه وياه من عقب هالسالفه معنه مارد وتكلم عنها عقب اللي قلته بس انا محتره ليش قالي و ليش مو قادره اصير طبيعيه مو قادره انسا

 

[اعذرك ان سهيت]

رد : خايفه تكون في باله ....

انتي نسيه هالبنت دلعيه وغازليه وكل شي يبيه سويه وراح ينساها

 

[أم حوور]

الصراحه احيانا تريح الشخص


واحيانا تقلب حياته نكد



قوليله خلاااااااااااص ماضي وانتهى انا حيااتك الحين وماله داعي الماضي تذكره جدامي....



نسيه الماضي بحبج ودلالج له ...

 

[in style]

الله يوفقكم بنات مشكورين عالردود

 

[سيده نفسي]

الله يعينج والله ذكرتيني ايام قبل الله لا يعودها


انا كنت مثلج بس بطريقتى وسوالفي وحركاتى والله نسيته ولا يذكرها ابد


والله انا تحديت نفسي قلت يا انا او هي صج تعبت بس الحين ارتحت والحمدالله


الله يحنن قلبه لج

 

[in style]

سيده نفسي قوليلي شلون حدي محتاجه نصيحه

 

[غـــرام 92]

رد : خايفه تكون في باله ....

انتي عوضيه على طول اشغليه وياج ..
يعني لعبو شوفو تلفزيون أي شي لا اتخلينه مجال اقارن ..
يعني لا اتصيرين فاضية انتي وياه
عشان ما يحص فراغ ويذكرها

الله يحنن قلبه عليج

 

[سيده نفسي]

رد: رد : خايفه تكون في باله ....

انتي عوضيه على طول اشغليه وياج ..
يعني لعبو شوفو تلفزيون أي شي لا اتخلينه مجال اقارن ..
يعني لا اتصيرين فاضية انتي وياه
عشان ما يحص فراغ ويذكرها

الله يحنن قلبه عليج

بالضبط نفس كلامها


والله ما ابالغ اروح اشترى جنجفه ودامه وكيرم واسهر


ومرات بليل او الفجر اشوفه سهران اقوله خلنطلع يقولي وين اقوله اي مكان لو الجمعيه

ونروح نمشي على البحر ونتمشى بالجمعيات والمجمعات ويعنى صار وقته كلا معاي


والله ما عنده وقت حق نفسه حتى ما يقدر يروح لربعه او يطلع اهله تخيلي يعنى وقته ملكى انا وبس

 

[انسام الكويت]

الريال اذا حب صعب ينسى لانه تضل اهي حبه الاول والاخير

انتي يمكن يعتبرج زووجه ويقدرج وابصراحة اهو المفروووض مايقوول ماضي لج

لانه شي صاار وانتهى والمهم انة اذا فتح موضوع عنه علطوول ضيعي السالفه بموضوع ثاني

سولفووا بأي شي حتى لو انج مو متقلبته بس ماعليه ضغطي عهلى نفسج شووي وراح يتغير

وبتصرين انتي الاساسيه بقلبه والله يحنن قلب ريلج عليج واللهمٌ لاتجعل انثى في قلب زوجها غير زوجته وبس

 

[لمسه حزن]

رد : خايفه تكون في باله ....

حبيبتي

اول شي حطي في بالج

انها تزوجت و صار عندها بيبي

يعني خلاص راحت بحالها

بتخلينها تخرب بيتج؟؟

الافكار هذي و النفسيه و انج تتجاهلينه

مو الحل .. الحل انج تخلينه ينساها

تلغين وجودها من حياته و تصيرين ماكنها

وهالشي يعتمد عليج انتي مو عليه

اهو .. يعني هو صارحج و هالشي

يدل على ثقته الكبيره فيج

عطي نفسج مساحه كبيره و شوفيه ايجابياته

من جديد و حبيه و حبي نفسج قبل

وخليه يشوف كل شي حلو فيج

وينسى الماضي

وبس

 

[** باربي **]

والله انه ريلج ريال ..!!
تدرين ليش لانه عالاقل صاراحاج ما غشج بماضية وطلعاج على كل حياته غير الي تعيز زوجته تسحب منه حجي واهوا يستشرف
وتسمع من الناس وتحس نفسها مدمغه وغبيه ومسكينه وهالشي يجرح ترى ويجرح كرامتها ترى لانه ما عطاها مجال انها ترد عليهم وتقول لعب يهال وطيش شباب وغيرة ...هالشي والله يدمي القلب تحمدي ربج
وبعدين ترى هذا حب مراهقه وانتي الي الحين جدام عينه برزي نفسج وويننيه فيج ذيك الساعه راح يقول مثل غيرة ويضحك على نفسه
شلون سمى قبل حب الا مراهقه ويمكن اول مرة تعطيه ويهه فعباله بس اهيا المرة بالدنيا ما شاف حريم وعاشرهم وها انتي جدامه وبعيد عن العين ابعيد عن القلب وتلقين ذييج اصلن كانت تعلب عليه ولا همها ولا جان ما تزوجت لو تحبه مووت تلقينه اهوا لصقه ما صدق احد عطاه ويهه
وترى اشدرااج يمكن حاب يوريج ترى انا روميو وانحب واحب عشان يبيج تنكسرين و تشوفينه انه اهوا الجميل المرغوب وتغاارين ويكسر خشمج ما تكبرين عليه بيوووم وانه لي معجبين !!ولا شكو قايلج !!وتلقين ولا درت عنه ماخذه السالفه زواج ويوم ييه غيرة سحبت عليه السيفون ..
كافي اهوا الحين خذاج انتي واختارج من بد البنات انا اقول سمعي اغنيه اصاله انا ما همني الماضي والله انها احسن منج

ويمكن هالسالفه كلها جذي وكلم بنت يوم واحد وحب يعيش عمره مثل الي يشوفهم ويعرفهم قصه حب واغاني حزن لانه في من الناس تندمج بالاغنيه جنهم المجروحين المفراقين واهم ما عندهم احد بس اندماج وتخيل انهم ابهالوضع

تعوذي من ابلييس اهوا الحين شااطر وقاعد يوسوس بأي سالفه ونقطه ضعفج عشان يبعدكم عن بعض ولا تصيرين زينه بعين ريلج من اوهامج تهملينه تعوذي منه واقري ادعيه تحبيب الزوج وخلاص انا احس ريلج مبالغ اشوي ويجذب عليج يعني من طقه
انا سااآهر الليــل
مع الويهه...