خايفة على عيالي .. ابي رايكم بنات بلييييييييييييييييز

[Bnt.Azmer]

بنات انا مدخلة عيالي مدرسة خاصة بنتي درست من اولى روضة لي الحين اولى ابتدائي وولدي ثانية روضة والحمدلله مرتاحة ومطمنة عليهم من كل النواحي وكنت مقررة ادخلهم هالسنة بعد نفس المدرسة وقعدت وحسبت.. بس خلاص مع الزيادة ما اقدر اقص على نفسي ولا ريلي جد مانقدر ورانا الف التزام واقساااااااااااااااط الدنيا يعني انا ماراح يصفى من فلوسي بس 28 دينار اذا بدفع كل شهر لهم انا لما دخلتهم مو تشيحط ولا عشان اللغة لان احس اهتما م وامان بالخاص غير الحكومة والحين شورو علي شسوي انا قررت احولهم حكومة وميتة خوف لان عيالي حيل على نياتهم وخوافين ويستحون وبنيتهم الجسمانية حيل ناعمة يعني شكلهم اصغر من عمرهم اخاف احد يطقهم من اليهال ولا المدرسات مادري اشفيني اخاف اضلمهم لما احولهم بنات انا سامعة الادراة اهم شي بالمدرسة انزين شلون بعرف من هالناحية وشلون اهيئ عيالي للحكومة. لان فكرت بصراحة الفلوس الي نقطها على المدرسة نصها احطها تامين لهم والنص الثاني اخشهم اسفرهم اونسهم احسن شرايكم؟

 

[حلم الطفولة]

م خالد ممكن أعرف هم بأي مدرسه ؟؟؟

 

[Bnt.Azmer]

gba

 

[Bnt.Azmer]

ليش؟؟

 

[Bnt.Azmer]

انا عرفة اسعارهم احسن من باجي المدارس بس ودي اسوي شي حق عيالي يعني ايمع للمستقبل ايمع حق سفر مادري حيل مضايقة

 

[Bnt.Azmer]

20 وحدة دشت ولا قالت كلمة يالله ماعليه اروح انام احسن!!

 

[حلم الطفولة]

آنا مرّيت بظرووووووف صعبه قبل سبع سنين ... ولا طلّعتهم .
وانتي بنصحج بطريقتي اللي سويتها ..
لأني كنت على ثقه بأن أحوال الإنسان ماردها تتبدّل وتتعدّل ..
كنت أشيل بالتجوري كل دينار يكون عندي .. وارفعه بدال مايروح بكاكاو الجمعيه وللا حمره وصبغ أظافر !!
كنت أيمّع كل شي وما أشتري زود بدلات وهدوم !!
واحنا نوع لازم السفر بالصيف ... فبهذيج السنه .. سافرنا السعوديه !!! .. مو لازم أوروبا !

وعموما إذا حيل متوهقه لأن مايعرف ظرفج أحد كثر ماتعررفينه إنتي .. فعلى لأقل .. نقليهم مدرسه انجليزيه أرخص سنه سنتين وإذا مشى حالكم كان بها وإذا تعدلت اظروف وحبيتي تردينهم ذيج الساع ماتتحسفين ..
ويبقى هذا رأيي الشخصي , حبيت أفيدج فيه يالغاليه .

 

[sara999]

صح وديهم ارخص على ما تعدلين امورج
ونصيحه سويلج مدخول ثاني بس حق اقساط المدرسه..... الله يريح قليبج

 

[ريماا]

انا بعد من راى انج تدورين مدرسة ارخص
ودشى جمعياات ومثل ماقالت حلم وفرى كل دينار حطى ميزانية معينة للبيت واقتصدى كثر ماتقدرين لالتقولين عشرة او خمسة متأثر الخمسة والعشرة بنهاية الشهر تصير 100 على الاقل كمليلهم لما يشتد عودهم خصوصا الولد مدارس الصبيان طق وقلة ادب والله يوفقج
ان شالله تتحسن الظروف

 

[سيدة الكويت]

يمدحون وايد مدارس المستقبل ............الى فى جنوب السره وطريقتهم جنهم مدارس خاصه حتى لبسهم يختلف وطريقه التدريس شوفيهم
...وصى الناظره والمدرسات وما راح يقصرون

واذا على الأنجليزى دخليهم معهد امديست وايد يمدحونه .....................والشاطر شاطر خاص ولا حكومه ......موفجه

 

[باونتى]

ليش ما تودينهم الباكستانيه ؟؟ اقساطها زينه والتأسيس قوووى .. واذا ما تقدرين ترى مدارس جنوب السره حلووه

 

[Bnt.Azmer]

سيدة الكويت-باونتي انا ودي ادخلهم مدارس المستقبل بس مو لازم على المنطقة وعنوان البطاقة المدنية؟ شلون ادخلهم انتو تعرفون احد مدخلهم ومو على المنطقة؟

 

[Bnt.Azmer]

ليش ما تودينهم الباكستانيه ؟؟ اقساطها زينه والتأسيس قوووى .. واذا ما تقدرين ترى مدارس جنوب السره حلووه

على المدارس البكستانية اي مدرسة زينة اذا كنتي تعرفين؟ مادري انا اشوف بنات يقولون كرااف

 

[catee 80]

الله يعينج ام خاالد كل انسان لابد يمرر بظرووف صعبة

بس الحل لمشكلتج موجود عندج لازم تتأقلمين مع وضعج

لازم يكوون فيه تواازن في المعادلة..............الله يعينج قلبتهاااا حصة علووم


المهم درااستة عيالج اهم شي ..........يعني اعلى القائمة


يعني شغلي مخج بالشغلات الثاانية


وكل ماكاان الانساان بسيط اموره تتيسرر

المصااريف الي مالهااا داعي قليليهااا

ولا تزعلين على ....بس موضوع السفررر انت معطيتة اكبرر من حجمة

وماافيهاا شي لوخصصت استقطااع بسيط بشكل مايأثر على ميزانيتكم الشهرية

للسفرة واذا حسيتي ان المبلغ الي جمعتيه يكفي مصااريف السفرة توكلي على الله وساافري

وان شاءالله لوكان كل سنتين او ثلاث او اربع مو شرط كل سنة حسب المبلغ الي يتجمع

الانسان لازم يسافر وباله مرتااح وماعندة مشااكل مالية ومايحاتي...ولا شلوون ترتااح النفسية

وغلط انج تعيشين عياالج جوو الونااسة ....لاتنسين انج مدرستهم الاولى

اهم قااعدين يتعلموون منج..........وعيالج توهم صغااار

يعني فيه الف طريقة انج تونسينهم...

 

[سبائك]

والله ما ادري شقولج بس هل انتي لاحظتي ان عيالج بأمان بالمدارس الخاصه؟؟

لان الي اعرفه ان سواء مدرسه خاصه او حكومه اليهال يبقون يهال يطقون وينطقون ونفس المشاكل تصير هني وهناك

فانتي تقدرين تجربين تحطينهم بالحكومه سنه وتشوفين يمكن انتي تبالغين بتفكيرج عن مدارس الحكومه

انا ما اقولج مدارس الحكومه مافيها مشاكل لا والله عيالي يوميا يردون من المدرسه يقصون قصص الطق والهوايل الي تصير هناك بس المدرسه عباره عن مجتمع مصغر فالطفل لازم يتعلم يعيش بهالمجتمع بجميع الوسائل والطرق لازم يتعلم يدافع عن نفسه وياخذ حقوقه والله الحافظ سبحانه

 

[بمبة المفترسة]

هذا عيب المدارس الخاصة عيالنا يصيرون انطوائيين وخجووولين ومايدبرون عمرهم
نقليهم الحكومة والحكوومة مو بهذاك السوووء خاصة وانهم بالابتدائي الابتدائي مدرسات يدرسووونهم مو مدرسين
يعني في اهتمام شوي ومافي هوشات ومن هالكلام والطق حتى بالمدارس الخاصة موجووود انا ولد اخووي بمدرسة خاصة انطق بعينه والله بغت تروح
وهم يسوولف لنا عن الهواش والطق وهوو بمدرسة انجليزية راقية بعد
يعني الطق والهواش موجوود موجوود
بس انتي وايد تبالغين وهالفلوس خشيهاا لهم حق الجامعة وديهم براا يدرسوون وبس
بعدين اللي تعلموا بمدارس خااصة شسوووااا وينهم الحين ماسمعناا عنهم ترى كل الطرق تؤدي الي رومااااااا
ناس معاهم شهادا ت ودكتوراه مو لاقين شغل
حوليهم حكوومة احسن

 

[أم عبووووود]

هذا عيب المدارس الخاصة عيالنا يصيرون انطوائيين وخجووولين ومايدبرون عمرهم
نقليهم الحكومة والحكوومة مو بهذاك السوووء خاصة وانهم بالابتدائي الابتدائي مدرسات يدرسووونهم مو مدرسين
يعني في اهتمام شوي ومافي هوشات ومن هالكلام والطق حتى بالمدارس الخاصة موجووود انا ولد اخووي بمدرسة خاصة انطق بعينه والله بغت تروح
وهم يسوولف لنا عن الهواش والطق وهوو بمدرسة انجليزية راقية بعد
يعني الطق والهواش موجوود موجوود
بس انتي وايد تبالغين وهالفلوس خشيهاا لهم حق الجامعة وديهم براا يدرسوون وبس
بعدين اللي تعلموا بمدارس خااصة شسوووااا وينهم الحين ماسمعناا عنهم ترى كل الطرق تؤدي الي رومااااااا
ناس معاهم شهادا ت ودكتوراه مو لاقين شغل
حوليهم حكوومة احسن

حبيبتي انا قريت موضوعج والردود كلاه وانا عيالي كانوا بخاصة وطلعتهم هالسنة تعبت شوية وارتحت بعدين الحمد الله رايي انج اذا ماعندج نقليهم مدارس الحكومة وكل من يمد ريله على قد لحافة بتتعبين اول شي وبعدين باذن الله راح ترتاحين والله صلي استخارة وربي ماراح يخليج وتوكلي على رب العالمين ترى انا اشوف مناهج الحكومة قوية بس بعض المدرسات خرطي وما يعرفون يشرحون انتي جابليهم ودرسيهم .

ترى احنا تخرجنا من الحكومة حتى اخوانا ورياييلنا اغلب الكويتيين خريجين الحكومة اهلنا ما قصروا علينا علشان ندرس بمدارس خاصة .

وصدقيني التأسيس من الأم قبل المدرسة ودوري لهم مدرسة زينه المدارس النموذجية الزينة واااايد بس تعبي عليها انا عيالي الحين حاطتهم بمدرسة الشايع اللي بالشامية هي بشكل عام خوش مدرسة ومافيها قلة ادب ولا شي

بعض المدارس الخاصة مترووووسة قلة ادب وشفتي حتى اغتصابات اسم الله على عيالنا فيها والله استودعيهم عند رب العالمين وربج يحفظهم

حبيبتي لاتزعلين من كلامي انا اعتبركم كلكم خواتي وصدقيني قبل لا ارد عليج حطيت نفسي بمكانج لأن كان احد الاسباب اللي خلاني اطلع عيالي من الخاصة قلة الفلوس وترى كان في مجال اوفر وادخلهم ويبقى لنا من المعاش مبلغ حلو بس فكرت فيها بمنطق المدارس الخاصة مو كل شي اهم شي التأسيس والحمد الله تأسسوا شنو ابي بعد الحمد الله رب العالمين

هذا رايي والراي الاخير لج :eh_s(6):

ربي يوفقج انتي وعيالج ويخليج لهم :yaaaaaarb:

 

[Bnt.Azmer]

مشكورين بنات على الردود الحلوة انا مأيدتكم وحاليا 80 بالمية ناوية على الحكومة بس وين اي مدرسة؟ هذا الي محيرني وحدي متوهقة لان كل شي بويهي انا!!!! انا ابي ابتدائي بنين وبنات..................... ام عبود بالعكس كلامج عين العقل وتقبلته بصدر رحب حبيبتي