خايفة زوجي يشوفني :(

[النوري نور عيني]

http://www.q8yat.com/t608530.html

عندج هالموضوع ..

 

[بعد الغروب]

مافي كريم يوخر الخطوط كله مظيعه للوقت وهدر للمال اخذيها مني

مافي غير الليزر هو الي يوخر الخطوط بأنواعها

 

[قلبي يتبعك]

اعرف ان القهوووة لها مفعوول على هالخطوط

 

[Bamya]

حاسة فيج فعلاً إحراج

سمعت عن جهاز هابين فيه حق الخطوط والتشققات والمسام إسمه Rioblush

http://www.youtube.com/watch?v=pK24mvP2XTI

دورلج عيادة ثقة وتوكلي على الله

وترى سعر الجلسات مو غالي حسب ما سمعت

 

[لف ليدي]

البنات ماقصرو

 

[a7la-elbanat]

ارتاحي يا اموره الريال مايهتم لهالسوالف ولا يطالع هالشي احنا اللي نهتم بس
واهو جذي ولا جذي يبي شي واحد بس فهمتي؟
يعني ماراح يهتم اذا جسمج مخطط او مبقع او غييره

 

[أم قـمبر]

عندي لج شي يوخر هالخطوط يععني تقريبن 80 % ويمكن اكثر بعد وان شالله يفيدج وبنفس الوقت يبيض بعد
تاخذن قوة تركية مع خل تخلطينهم وتحطونهم علفخوذج واماكن الخطوط واساسن تقدرين بعد تحطينة بكل جسمج ما عدا الصدر لا تحطين عليه
تقريبن ربع ساعه تبين اكثر بعد زين على زين وتسحبي
كل ما بغيتي تتسبحين سوي هالطريقة تشوين شوي شوي قام يخف
وادعيلي

 

[انثى عاشقة]

الي تقول لك عادي وغطي هالعيوب غلللللللللللللط
وربي يلاحظون ويعلقون بعد
روحي عيادات مختصة سوي جلسات خاصة للشد والسيلوليت
والخطوط ​

الله يوفقك بحياتك ويسعدك يارب​

 

[BeNt PaRiS]

عادي دشي نادي و خففي اكل


و اخذيلج كريم من الصيدليه يوخر هالخطوط

 

[om MaRyooM]

هالسوالف وعن تجربة تروح بالمساج الصيني

اذا تبين ادزلج عالخاص رقم وحدة صينية انا واهلي نتعامل معاها تهبل وشغلها حلو
كانت تشتغل بعيادة برويال حياة .. وشافت الزباين طمعت جان تطلع وتشتغل حق حساب نفسها


وشغلة ثانية
شربي ماي واااااااااايد .. وشربي حمضيات يعني نفس عصير البرتقال
وكثري جاي اخضر ويا الزنجبيل .. لأنه ينزل الدهن المتكود


وشوف يعقب شهر بس شلون بتصيرين

 

[coralia]

الله يوفقج ويجملج بعيون زوجج

 

[ام بس بس 2010]

حبيبتي ترى الرياييل ما يركزون على هالاماكن وسوؤي على هالكلمه يعنى اهو مو معقوله بوقفج جدامه وبيقعد يتفحصج ؟ سوي حمامات مغربيه اهتمي بالريحه بالعطورات اهم من الاماكن هذي يبي لها علاج طووووويل واذا يبحج زووجج بشوفج احلى وحده بعيووونه وربي يوفقج

 

[بسبوسة بالعسل]

خلج واثقه من نفسج

 

[رفاعيه]

روحي دكتوره دلال التركيت عندها كريمات واجهزه توخرهم ودهني جسم عدل

 

[مفعمه بالحيويه]

هلا اختي

لا تخاافين ولا تحااتين .. الله يخلي قوقل تلقين لكل شي حل

اناقريت فمنتدى ثااني طريقه حسيت ا نها ممتاااااااازه على كثر المدح الي قريته

وحده تقول مشكلة الخطوط لها حل واحد بدون خلطات وخرابيط

مرهم ( الـبـانـثـيـنـول )

شرط حطيه 45 يوم ، ادهني بالليل المناطق الي فيها خطوط بيضا ، وخليه لغاية الصبح وتكررين كل يوم الطريقه لمدة 45 يوم
وايضاً حلو لإلتئام الجروح وتجديد الخلايا

وفيه طريقه ثاانيه قريتهاا

انه العلاج هو علبة كريم زبدة الشايا karite ~) كاريتيه

3 شهور الا والخطوط كلها اختفت و البشره صارت ناعمه مثل الاطفال ولونها واحد لا اغمج ولا افتح

 

[Tame]

خلج على الرياضه وكله دهني جسمج بكريمات وزوت وخاصه زيت الزيتون وايد زين حاولي فالنهار والليل غرقي جسمج كله واذا تقدرين سوي ليزر يروح اسرع بس لازم تحافظين وتستخدمين كريمات وياه

 

[ام خدود ورديه]

جربي كريم بيوتي ماما من الصيدليه
وسالي جنه فيه ليزر يوخر الخطوط والله يوفقج

 

[ليمار الكويت]

سوي رياضه ورجيم
الرياضه تشد الجسم
وخلي ثقتج بنفسج عاليه
الله يوفقج ويهديج ويسخره لج يارب

 

[el7ob Klah]

افضل المتزوجات الجدد لا يلبسون عاري ببداية الشهور الاولى

خاصة للي اجسامهم فيها مشاكل شكليه وتنشاف بالعين

للسبب التالي:-

ان اللي يجمعكم زواج وما صار حب وتعلق

ولكن مع مرور كم شهر

تجمعكم المواقف ...وتفهمون بعض اكثر

وتتعرفون على بعض اكثر

يبتدي يصير في حب

ولما يصير حب

تتحول كل عيوب الشكليه الى مسائل عادية بنظر الزوج

لانه يحبها بكل مزاياها وعيوبها

فوفو

صح الي قالته فوفو

اول شهر لا تفصخين ولا تلبسين شورتات

لان انتوا متزوجين بدون معرفه او حب

اذا في حب ماراح يلاحظ مو يقولون الحب عمي ؟!

عمي لان مايشووف العيوب

بس هذا راح يدقق لان مافي مشاعر بينكم غير زواج عادي

خلي قمصان النوم تحت الركبه واذا حفر لبسي معاه روب القميص الشفاف

وقت الدخله خلي الاضاءه خفيفه عشان لايدقق بالجسم قولي له استحي خفف الليت

مع الوقت راح يحبج ولما يحبج ماراح يلاحظ عيوب الجسم

والله يوفقج يااااااااااااااا رب

 

[sunshine22]

انتي الحين نزلي وزنج بعدين لاحقه ع السوليليت مراكز والسبا تتكفل بهالامور


وزنك كبير حاولي تنزلينه اكثر