خاني مع 250 بنت و مالجه صارلي 3 اسابيع بس @@

[زهراء الركابي]

ابو طبع مايجوز من طبعه

 

[vanilla-D]

ليش كلكم تشيشوووني تفائلوا بالخير يعني احنا الحريم ما نغلط ؟؟

ادري بتزفوني بس ابيكم تنصحوني شلون اتعامل معاه شنو الاسلوب الصح شلون انسيه الدنيا واللي فيها شلون اخليه دايما مشغووول فيني

 

[اميره1980]

شلونج حبيبتي شخبارج
انا اتذكرج لمن كنتي تدورين شقة تسكنين فيها تذكريني ؟؟ انا اللي قلت لج عن القيروان

المهم
الحين على موضوعنا اليديد
اغلب الشباب الحين يكلمون بالتلفون و لا تخلين الطلاق الحل الاول لاي مشكله تواجهج
انا رايي حاولي فيه بالاول واجههي بالموضوع بس بهداوه و ذكريه بالآخره و ان خصوصا توه طالع من عملية جراحية و كان ممكن يدش و ما يطلع منها و ذكريه بالموت و ان الزني من الكبائر و مو شرط ان يفعل الفاحشة وياهم كافي ان يكلمهم بالتلفون يصرف عليهم و على كروت التعبئة لهم
انتهزي الفرصة ان توه طالع من عملية جراحية و ذكريه بالآخره و خصوصا ان الاوضاع بالعالم هالايام تخرع و ان من علامات يوم القيامة يمكن يتعظ و ان شاء الله نسمع منج اخبار طيبة و الله يوفقج

 

[vanilla-D]

اميره مشكووره حبيبتي هذا اللي سويته بالضبط و اهو اعتذر و قام يبجي و خالته هم اتصلت علي و اعتذرت مني و وعدوني ان كل شي راح يتصلح و حطيت شروط و نفذها تقريبيا


بس انا خااااايفه مابي اعيش بشك ابي ريلي ارتاح معاه مابي اشك فيه

 

[awashamen7asha]

حبيبتي الله يعينج, دام توج صغيرة و توج متزوجة ديري بالج يعني لايدخل عليج و لا يعلقج ابيبي و اهو ما تاب. شوفي اهو لو حاب وحدة من هالبنات و مخرفنينه جان قدرت وحدة تقص عليه و ياخذها. بس ريليج شكله يحب اللعب. و الكم الهائل الي حاطته من هالبنات يثبت هالشي اهو قط التلفون و عطاج الايميل ممكن ييب خط من وراج و يفتح خط يديد و انتي ماتدرين. مستعدة تعيشين معاه و كلج شكوك و ممكن اي وحدة بأي وقت تدخل مرة ثانية حياتكم و تبوقه منج ؟ مادري ان لو كنت بموقفج كنت انفصلت عنه. بس ما ودي احرضج عسى الله يهديه و يسخره لج

 

[vanilla-D]

 

[lolwah]

الله يعينج حبيبتي

سمعي
انتي ياحبيبتي توج عروس
واذا هذي بداية حياتكم
شنو تتوقعين منه
بالايام الياية
هذا انسان ماله امان
وراح تتعبين معاه
لان صاحب العلاقات هذي لايمكن يتوب
اذا على قولتج معاهم كلام وصخ وجذي
اكيد معاج ماراح يسوي جذي ويتصنع جدامج الاحترام
وهذا النوع صدقيني متعب
مراوغ وحيال
ليش تتحملين شنو اللي
يخليج تدخلين حياة كلها صراع من البداية
انا اقول
انج تصدين عنه
وتبلغين ابوج
وماتردين على اتصالاته
وتدزينله مسج بانج عرفتي وقريتي كل شي
وان انتي مو مستعدة تاخذين واحد بهالاخلاق
الوحدة منا
تتزوج لانها تبي الامان والحنان والرومنسية
وهذا قاعد يحسر فيج
ليش؟؟
والله صدقيني لاترخصين نفسج من البداية بتندمين
:bbbiu:
الله يهديه
مااقولج طلبي الطلاق من اولها بس اجلي العرس وخليه يندم لاحسيتي تغير كان بها امااذا هالسوالف بدمه انا اقول الله يوفقج باللي احسن منه

وخليج مع ربج اهو اللي راح يعينج ويدليج عالطريج الصح​

كل بنت تبي تتزوج عشان تتهنى واذا هاذي اولها ينعاف تاليها
وانتي عالبر ليلحين مادخل عليج
فكري عدل هذا زوااج مو لعبه و بوطبيع مايوز عن طبعه

 

[اميره1980]

دامه اعتذر و نفذ شروطج عيل عطيه فرصة و ان شاء الله يا رب تكون اخر مشكلة بينكم
في رياييل لو بمكانه يلبسج الغلط و يتحجج ليش تلعبين بخصوصياتي و هلمه جرا
الحين اتبعي مثل حرص و لا تخون
بالتوفيج

 

[vanilla-D]

الله يهديه و يسخره لي و يصبرني و يقدرني انسيه الدنيا و ما فيها ادعوووووووولييييييي

 

[ميشو المالكي]

نصيحه للمره الثانيه أبعدي عن الشر وأقرأي قرآن هذا مثل أنا مطلعته
والله يعوضك خيرا منه
ويمكن أنك أحترتي من كثر الرد آلي جاك بس ماخاب من أستخار وماندم من أستشار (حديث في مامعناه عنه صلى الله عليه وسلم)

 

[vanilla-D]

ماااابي اتطلق يا جماعه الخير

 

[ana reem]

اذا انا احتررريت عيل انتي شنو ؟؟ الله يعينج

شوفي عاد دام انتي عالبر و توج توج ما مداكم متزوجين
اخذي تلفونه و وديه حق ابوج و وريه اهلج و طلبي الطلاق جليل الحيا مايستاهلج
هالأشكال يكونون متعودين على هالجو و مايقدرون يهدونه

الف من يتمناج و حياتج ماتوقف على واحد

لاتوهقين عمرج و تقعدين معاه و تييبون يهال و ذيك الساعه
راح تكون فكرة الطلاق اصعب بواايد

هذي وجهة نظري و اسفه بس لأنه هالشي صار مع رفيجه لي و كملت معاه
وماتغير قام يتمادى .. و تحسفت انها ما انهت العلاقه من البدايه

والله يكتب اللي فيه الخيرر ​

 

[vanilla-D]

 

[ضحاوي الديره]

شوفي بقولج شغله ويمكن ماتعجب بعض البنات بس انا مو من فريق اصبري يمكن الله يهديه ومرده لج ومادري شنو !!
الكلام هذا مايدششش عقلي العوي بيتم عمره كله عوي وبيجننج وبيبهذلج ويطين عيشتج
انا اقول دامج ع البر افتكي منه وتطلقي وقولي لأهلج السالفه كلها عشان لا يلومونج واخلصي منه
وربي بيرزقج ان شااااااااااء الله واحد يخاف ربه ويحبج رجال رجال صج مو مغازلجي
وبعدين شدراج لا يكون مسوي شي من وراج لا سمح الله وينقل لج البلاوي

وهذا مجرد رأي والراي رايج انتي وعسى ربي يسهل امورج ويريح قلبج

 

[vanilla-D]

مااااا ابي اتطلق شفيييييكم

 

[3oosh <3 MJ]

حبيبتي دام انج لحين ع البر خلاص خليه
والله يرزقج باللي احسن منه ويراعيج ويحبج من قلبه ومايجوف غيرج

 

[حلوه ولمآحه]

فيه مثل يقول
فجوجهآ للغانمين وسآآع،،

يعني الي جابه يقدر يجيب لج 10 غيره
استخيري ربج
وخلي عنج كلامي وكلام البنات
صلي واستخيري رب النآس كلهآآ
وهو بيهديج لطريق الصوآب،،

 

[vanilla-D]

بس اهو عاجبني يمكن صج يتوب ليش اتطلق. حتي اهله ذهب

 

[قــل مـا تـشـاء]

طيب دااام عاجبج وعرفتي تتصرفين ولاتبين تتطلقين
وش تبينا ننصحج فيه !!
تبينا نخفف عنج ونطبطب علييييج ,,
أقول لج احتمال اذا هو صااادق مايعيدها وقفلي ايميلاته القديمة وكسري تلفونه بكبره مو بس شريحته
وقولي له انا سامحتك ووثقت فيك ولاتخلي ثقتي فيك تهتز لأنها إذا راحت الثقة ماراح يصير بيننا شي طيب ,,

 

[$حبيبة عبودي$]

لاتسكتين قولي انا شفت كل شي اذا انت شاريني صج تغير اخلاقك انا مصدومه فيك
كما تدين تدان يعني اللي تسويه ببنات الناس الله يسويه بمحارمك وانا ومستعده يجيني شي والسبه بلاويك