خاني مع 250 بنت و مالجه صارلي 3 اسابيع بس @@

[vanilla-D]

شراقب فيه راح اتعب جذييي

 

[G!RLooNa]

تبين الصج ولا ولد عمه ؟؟؟

انا بحط لج الاحتمالات الوارده وانتي فكري و شوفي

اول شي ..

اي ريال بالدنيا و الكون اول ما يملج يكون طاير بمرته و يداريها و يدور و رضاها اللهم الا اذا مغصوب عليها ... هذا الوضع الطبيعي بفتره الملجه حتى لو كان تصنع

ريلج توكم مالجين من 3 اسابيع و يخونج مو مع بنت لا مليون منهم لعب و تقزر وقت و منهم اللي شكله كان على علاقه معاهم قبل الزواج

قبل لا يدش العمليه بدال لا يذكر الله و يدعي و يفكر انه عنده مره واقفه يمه و قاعده معاه رايح داز مسج حق وحده من اللي كان على علاقه معاهم !!

عرف انج طحتي عليه قام يتعذر و قال بيكسر الخط و يعطيج باسوورد الايميلات

لي هني وصلنا صح

يا انه صج بيكسر خطه و يهد ايميلاته و وصاخته و يرجع للسراط المسقيم و يتم عالسراط المستقيم لما عقب ما تتزوجون و تعيلون

يا انه بيعطيج الخط و الايميلات من هني و يروح يفتح له خط ثاني و ايميلات ثانيه من هناك و يكمل و الحياه سعيده

يا انه يتادب و يتسنع هالفتره جم اسبوع- جم شهر على ما تعرسون .. يضمنج انج صرتي عنده ,, اييب منج عيال ,, و يرد حق طبعه الاولي يطلع له موبايل ثاني خط ثاني ايميلات ثانيه

كل شي وارد و يمكن الله و اعلم شنو بالنفوس يمكن صج بيتغير و يتعدل و يتوب عن سوالفه .. لكن انا اشوف حتى لو راقبتيه فتره الملجه و تاكدتي ان نظيف احتمال ان يرد حق خرابيطه وارد جدا عقب الزواج

و انتي اوزني الامور و شوفي شنو اللي ترتاحين له

و الله يوفقج

 

[vanilla-D]

والله حراام اتطلق و انا توني مالجه و انا صغيره بالعمر بعد توني داشه 21 سنه و ظرووفي صعبه كنت ليل ونهار ادعي ربي يرزقني ريال يخاف الله فيني و يوم تزوجت حمدت ربي ان استجاب لدعائي الحين شنو صار مااا ادري

 

[قــل مـا تـشـاء]

طيب وأنتي بكــــــــل سهولة سامحتيه !
يعني المفرروض عالأقل لو أنج ميته عليه هالكثر علقتيه يوم يومين مو في نفس اللحظة !
عالعموم هذي حياتج وباين أنج حكيمة وتعرفين تتصرفين في هالأمور بس اللي صدمتي أنج خريتي عنده على طول !
الله يوفقج

 

[G!RLooNa]

الله يعينج

طنشيه هالفتره كلش كلش لا تردين لا على مسج ولا تلفون و حتى اذا احد من اهله دق يتوسط لا تردين كلش كلش خلي امج ولا ابوج يكلمونهم

امج و ابوج دروا صح ؟؟ لا يكون لي الحين ما يدرون !!!!! :rgewrg:

المهم

انتي بهالفتره تطنشينه خير شر تسحبين عليه سيفون محترم

و كل يوم صلي استخاره و شوفي شتحسين فيه مرتاحه ولا لا

مو مره وحده ولا تصلين وانتي حاطه ف بالج بردله ولا بهده صلي وشوفي الله شنو يهديج حقه

و اذاااا قررتي انج تردينله عقب ما تأدبينه و تحقرينه

يكون الكل درا عن سواد ويهه اللي سواه امج ابوج و امه و ابوه عشان لو فكر مجرد تفكير مره ثانيه انه يلعب بذيله يكون الكل شاهد على خيانته و انه وعدج ان ما يخونج و بعد حلفيه عالقران جدام امج و ابوج و امه و ابوه ايي يحلف لج ان كل خرابيطه هدها و خل يدري ان بس يفكر يخونج مره ثانيه لو بنظره مالج قعده معاه لو بينكم 20 ياهل

و عشان يحس انج جاده و من صجج هالكلام لازم تطنشينه مده عادي خل توصل السالفه شهر اكثر من شهر عشان يحس شكثر اهوا غلط عليج و بحقج و عشان يعرف ان انتي بنت ناس مو لاقيج بالشارع و عشان يحس ان كلش بغيتي تروحين من ايده

و العرس يتاجل قوليله عقب سواتك الثقه راحت لازم تعطيني فرصه ارد اوثق فيك

هذا اذا بتردينله .. و اذا قررتي تهدينه الله يعوضج باللي احسن منه

 

[فيلامودا]

نصيحة دامج بالبر ابتعدي عن طريقة اللي ماشي بهالطريج ما يخلص وما ينتهى وهاذا

 

[فيلامودا]

نصيحة دامج بالبر ابتعدي عن طريقة اللي ماشي بهالطريج ما يخلص وما ينتهى وهاذا واهو مالج بعتبار متزوج وجذي يسوي لو ياخذج راح تطلع روحج وكل شك بشك ابتعدي عن دربة وبالاول والاخير

 

[CheeSeCaKe]

أختي العزيزة

لو متزوجته من زمان بقول هذا ما منا فايدة وخلاص صار بالحضيض وما يترس عينه شي لكن توج متزوجة وأكيد هاذي خرابيط قبل ومازالت موجوده ..

ما أأقدر أفتي واقولج ريلج ما منه فايدة وحالته كسيفة وخربي بيتج وهديه لأن هذا مو حل !!

يمكن ريلج علاجه عندج ويمكن صعب تروضينه ..

ولكن انتي حاليا موقفج قوي .. صدقيني المواجهة ما راح تسوي شي غير الانكار ووو حجي ما منا فايدة ..

لكن حلو تعذبينه بطريقة حلوه

مثلا تكونين زينة معاه وايد وبنفس الوقت خبيثة في تعليقاتج .. واللي فوق راسه ريشة يحسس عليها .. لوووول

انتي قريتي المسجات وعرفتي محواها .. او اغاني اهداها حق وحدة ..

حاولي بأي طريقة تغنين نفس الأغاني ... او تقولين نفس الحجي اللي بالمسجات ....

أو مثلا مثلا .. وانتي متحانقة معاه .. تطفرينه وتقولين له اشتبي الحين انت كنت فوق السما وصرت تحت ريولي مو تزوجت ليش يايني ... قوليها بدلع وضحكي جنج قاعده تمثلين لوووول

آنا شخصيا شايفتها طريقة انتقام لذيذه وبنفس الوقت توصل معلومة ..

دشي الماسنجر وشبكي وبينيله انج حدج لاهية فيه مو شرط انج تشككينه ..!! لا عادي رفيجاتج معاج ..

بس خليه يحس انج لهيتي بشي .. وحطي رقم سري بتلفونج يمكن مو هاذي عادتج .. ولا تخلينه يمسك تلفونج .. وإذا قالج اشفيج قوليله مثلك !!

من أروع الوسايل للرد على اي تصرف هي المعاملة بالمثل .. مو القصد رد الاساءة بالأساءة بالعكس انا عندي رد الأساءة بالأحسان ...

لكن الشخص ما راح يحس بتصرفاته إلا لما يشوفها ويحسها بنفسه ..

ومع الوقت تقدرين اتييبين الطاري .. أو انج تعاتبين ... لكن قبلها حسستيه انج مو غبيه

-----------

أو انج ما تتبعين هذا كله وبكل بساطة تقولين له ترى عرفت جذي وجذي وجذي .. يا انك ما تبيني وننفصل ..

يا انك تغير رقمك وتكون معاي سيده وتكون فرصة لنا ..

يعني يا انك تبيني وراح تحترمني وتحترم زواجنا .... يا انك ما تبيني بكل اختصار ..

آسفه على الإطالة

اتمنالج التوفيج والثقة في حل أمورج بالطريقة السليمة

تحياتي

 

[CheeSeCaKe]

أعتذر أني رديت قبل لا اقرا القصة ومجرياتها كاملة .. عموما انتي تصرفج كان خليط من اللي قلته ..

اتمنى حياتج الحين مختلفه ووصلتي حق اللي تبينه ..

بالتوفيج واتمنالج السعادة

 

[قاهره عذالي]

انا اقول
اللي هذا اوله
ينعاف تاليه
واحمدي ربج ما دخل عليج وللحينج عذراء
افتكي
والله يعوضج خير

 

[حظ من عنده انا]

الا الخياااااانه


الخيانه مرض مززمن مسستحيل يتعالج. منه.

اذا قلبج بيتحمل. خرابيطه وخياناته اوك اذا ماتتحملين سوي اللي يريحج هذي حياتج الزوجيه

بتعيشين مع زوجج اكثر من عيشتج عند اهلج وباجر وراكم عيال ومسؤوليه

وانتي براحتج القرار. لج اكييد

 

[بخـــارى]

لاحول ولاقوة الا بالله

 

[حروف الأمل]

والله معرف شقول

بس كل اللي بقوله

لاتستعجلي على الزواج الرجال لما يخون صعب يتخلص من هالخيانة ولو بعد زمن

لاتستعجلي وفكري مليووووووون ملياااار مررة

ربي يوفقك حبيبتي

 

[blue rain]

الله يعينج شكله بيتعبج معاه
بس كله كوم وداش عمليه ويدز رساله لبنت بليس كوم
الله يعينج ويفرجها لج يارب

 

[vanilla-D]

مشكورين كل اللي ردو فديتهم ؛*
بس لي الحين مقمووووته شسوي

 

[vanilla-D]

استغفر الله العلي العظيم و أتوب اليه

 

[opera]

والله حراام اتطلق و انا توني مالجه و انا صغيره بالعمر بعد توني داشه 21 سنه و ظرووفي صعبه كنت ليل ونهار ادعي ربي يرزقني ريال يخاف الله فيني و يوم تزوجت حمدت ربي ان استجاب لدعائي الحين شنو صار مااا ادري

نتي لانج يتيمه وفاقده حنان الام عشان جذي خايفه تفقدين الحب اللي حصلتيه

هذا تحليلي للموقف

ولو اني كنت متبعه مواضيعج ومن قبل هالسالفه كنتي تتشكين تقولين فيه عيوب وابيه يتغير مثل العصبيه والصراخ

يعني الريال مفضووح جدامج بس انتي ماتبين تفقدينه .. لانه هالشي بعقلج الباطن موجود فقدتي امج وماتبين تفقدين شخص ثاني

ولانج صغيرونه ومالج تجارب سابقه فطرتي بالريال من اول ما ملجتي و حبيتيه على طوول

بس اهو شبعان من الدنيا شايف وشايف لين قايل بس .. فماتفرق معاه

مادري شقولج .. بس اساسا فتره الملجه انحطت عشان تتعرفين عليه وتقررين اذا تقدرين تكملين وياه ولا لا

يعني محد يقدر يقرر ولا يحكم غيرج

واذا بتعطينه فرصه انا اقووول لا تتزوجين الحين .. طولي الملجه اكثر وبقدها قرري شوفي صج تسنع ولا بس حجي


مع انه ما توقع لانه اللي داش غرفه العمليات وتفكيره بخرابيطه هذا وين ينصلح

 

[vanilla-D]

والله محتااره مادري شسوي
اللهم نور بصيرتي و ارشدني الى الطريق الصواب

 

[nono love]

الله يكون في عونك بس نصيحه صارحيه دامك علي البر

 

[vanilla-D]

صااااارحته و تاسف و قلب الدنييااااا و ما قعدها و صارله 3 ايام يتاسف و اهله يدقون علي يتاسفون بس اهلي ما قتلهم لان ادري فيهم موقفهم ما راح يكون قوي

و عطاني خطه و باع البلاك بيري و عطاني باس وورد ايميله و لغيته


بس انا خاااايفه ما يتوب ابي اشيل الشك من قلبي ابي ارتاح