خالـــــــــــتي

[درر2008]

اخذو كرسي لها مافي مشكله وخلها تمشه معاكم واخذو خدامتها تنفعكم اصلا وناسه الجمعه وانتي ماخذه بناتج اصلا الجهال قثه فمافرقت

 

[كويتيه مذهله 87]

قولي حق ريلج يكلم امه يقولها يما تر يهالسفره متعبه اخاف تتعبين فيهاا لان راح يكون فيها مشي وايد وحركه

 

[ام كوشه منكووشه]

حبيبتي الله يسهل لكم سفرتكم ان شاءالله وتنبسطوون

ياقلبي مافيها شي بالعكس اخذيها معاكم وصدقيني يمكن تعاونكم بالسفره عالعيال لا بغيتوا تطلعون انتى وريلج ولا شي

 

[نااناا]

مذهله اخاف تزعل
هي مومستوعبه انها راح تتعب واذا خليناها بالفندق شالفايده راح تزهق
اشرايكم
انا فكرت اكلم حماتي وانا علاقتي معااها حيل قويه جنا خواات وتفهمها ان هذا رايها
وانها خايفه عليهاا لان حماتي كانت معانا بالعمره وشافت امها اشلون تعبت....
تخيلوا كنا ساكنين التوحيد يعني ماكو جداام الحرم وكانت ماتنزل وكسرت خاطري لانها متشفقه على الصلاه بالحرم
بس زووجي فهمها ان صلاتها بمسجد الفندق الي يطل على الحرم جنها مصليه بالحرم لانها بمنطقه الحرم....

 

[نسايم عود]

ما ادري والله يمكن اهيا اللي توونسج باجر لي رحتي ما تدرين ..


الله يسهل امرررج ,,

صح ليش لااا

:eh_s(7):

 

[zo'3a girl]

انتي قوليلها انا ناويه اروح اماكن العاب عشان العب اليهال وجذي واذا قالت بيي خلاص اهي خاطرها اتيي معاكم لاتكسرين بخاطرها و الله يعينج

 

[*شوقي معنيني*]

وديها ان شاء الله ماراح تحسرين شي كلش
بالعكس تكسبين فيها اجرر
منها وسعتي صدرها
ترى ضيج بنفس

 

[أأأحبه]

انتي بيني لها خططكم بسسسفره وجدولكم <<< علشان تعرف ان تنقل وحركه ومشي كثير
واذا اوك بتجي
خلي امك تجي وحتى تقدرين تغيرين المكان الى بتروحون له وخلوه مناسب للجميع
وبكذا يكون اريح لك حتى علشان عيالك لما تخلينهم وتطلعي يوم مع زوجك لوحدكم {{ جو رومنسي }}

اذا انتي ناوية السفره للبنات اهون من أن تكونين ناويتها مع زوجك ولوحدكم ~~ يعني هونيها وتهون ~~

 

[amoona89]

من رائئ لاتتكلمين بالمووضوع ولاتبين لزوجج او امج انج متضايقه انها ترووح معاكم
اسكتي علشان لايحطون اللوم عليج وانج انانيه وماتحبين الا نفسج
علشان جذيه خلى الاموور تمشى على طبيعتهاا ​

 

[عيش و مرق]

والله انا بقول الصجججج ماراح اصير مثاليه

سفرة المراه العوده مشكله كل شوى تبى حمام تعبت تبى تقعد ماتبى تطلع اى مكان وان خليتيها بلفندق مشكله وان خذيتيها بيصير الجو مكهرب بس بالنهاية ماكو حل الا ان اهى من كيفها اتهون

واالواحد موكل يوم يسافر عشان تاخذها اهى وامها شسالفه مو رايحين العمره والطايف هذه اوربا ما اقصد اكون شريره لاوالله بس هذه الصج كلمة تستحى منها بدها

العام سافرنا مع خالتى اخت امى ومع العايله جروب اكثريته شباب بس اهى مسكينه تعبت واحنا انحرجنا ماتبينا نطله الصبح امبجر ولاتبى رحلات ولاتبى تتاخر ولالالالالالالا يعنى احترنا معاها صراحه

 

[عيون عمها]

حبي وديها معاج بعد شتسوين

خليها تغير جـو
ولج االاجر انشالله

 

[فـدوه]

ياحافظ شفيهم الخالات لزقة...

انتي قوليلها خالتي ترى السفرة متعبة و فيها وايد دوارة فاخذي عصاة و ظبابات ركب و كل ادويتج معاج, لأنه بتتعبين من المشي.

و اذا قالت شي قوليلها انا بس بنبهج و صج انتي لازم تنبهينها عشان ماتتوهق. و بعدين اذا تعبت خل تقعد بالأوتيل بعد شبتسوين.

 

[دعابة الشـتاء]

عزيزتي عيني خير توكم ما سافرتم
الوناسة اذا تبينها بتستانسين لو كنتي بروحج
المهم فكري كيف تقظين السفرة بالوناسة
تمنياتي القلبية لكي بسفرة سعيدة وهانئة برفقة الخالة والعائلة
تقبلي مروري المداعب

 

[ga6wa90]

أممم لمحي لها ان السفره فيها حركه وروحه ورده وإذا رضت معناته فيها شده

 

[كويتية أصيله]

أخذيها وحطوها على ويل جير عااااادي وهناك أمووووركم سهالات لأنهم يقدرون المرضى ولاااااااااااااااااااااااااااا تزعلينها منج ترى رضاها على ولدها اهو اللي يبسر لكم سفرتكم

 

[أمانيQ8]

وييييييييييييييه يامالج من الدنيا عديييييييييييييييها وطاف هالسالفه من اصلها انسيها
ربج بيسنع الامور ماتدرين يمكن يهونون ومايروحون معاج ماتدرين عن الظروف وان حصل وسافروا وياج ماعليج من احد خليج بنفسج وبس والله يسهلها

 

[نفـــائس]

خليها تجي ماراح تقدر بتتعب عشان المره الثانيه ماتقول بروح ماتقدر علي الطلعه من الصبح

 

[دمثة]

الله يوفقج

 

[قــل مـا تـشـاء]

من قريت الموضوع ضاق خلقي ,,
لأني انا بعد إذا فكرت بالسفر هم ودي اخذ راحتي ويا زوجي
وهم ماودي أم زوجي يكون نفسها في السفرة وماتجي معنا ص1
الله يعييينج بس نصيحه لاتكلمين بنتها أنا عندي أنج أنتي تكلمينها وتقولين لها أخاف تتعبين بس لا تكلمين بنتها ,,

 

[miss crazy]

لا تكلمين بنتها وله شئ لانه صدقيني مدامها حابة الروحه وماتروح معاج راح ما تستانسين بالروحه والله فتوكلي على الله وخذيها يمكن الله يهديها وهيا تهون من خاطر مو مجبوره وابشع شئ انه ولدها يقولها لا تروحين ترى حيل راح تتضايق حتى لو قالت عادي