خالد و جمانه ( السعودي الذي عشق بنت الكويت )

[أم حسون]

كمليييييييييي

 

[عروس الدنيا]

و اليوم الثاني جمانه كانت زايره بنتها و صدفه كان خالد مار .. شافها بغرفة الاطفال الخدج
واقفه عند الجام تشوف بنتها و تبجي ...
خالد وقف وراها و قال :

خالد : ليه الدموع .
جمانه : من خوفي عليها
خالد : و ليه الخوف .. انشالله كل ايامها فرح بفرح
جمانه : ماضن ... بنت انولدت بين ام و ابو منفصلين .. و كل واحد بديره .. ما راح تحس بطعم العايله
و لا بتعيش الي عشته أنا بين أمي و أبوي .
خالد : بيدك تقدرين تخلينها تعيش بين امها و ابوها
جمانه : و لو ... خليتها تعيش بين امها و ابوها ببيت واحد .. من وين أيب حب يملي البيت ؟؟
خالد : من وين تجيبين الحب ؟؟؟؟ تجيبينه من قلبي الي لا كرا كاريك زاد خفوقه .. تيبينه من عيوني الي
لي لمحتك لمعت ... تيبينه من روحي الي ترفرف لي شافت زولك بس ... تيبينه من عمري
الي ما يبي يكمل بدنيا انتي مو فيها ..
كلمات خالد اثرت بجمانه حيل .. بس في بقلبها غصة ... غصة هنا مو سهله تروح او تنساها
جمانه : شلون أمن لابوها ؟؟ شلون ؟؟ ابوها الي كان دنيتي .. جنتي و ناري ... ابوها الي سلمت له نفسي برضاي .. و عطيته قلبي الي تميت محافظه عليه سنين و سنين ...ابوها الي ما عرف يصون الامانه الي
امنه عمه عليها ... ابوها الي بالغربه ركض لحظت غير امها ... ابوها الي ياب اول فرحه مو من امها
ابوها الي ياما مد ايده على امها عشان وحده ما تسوى ... ابوها الي بيوم شك انها بنته .. و شك بامها
امها الي عارف شنو اهي .. و شلون تربت ...

خالد : كلن يخطي يا جمانه .. و لو ما احبك و اغار ما كان شكيت و لا احترق دمي
جمانه : دمك قبل لا يحترق حرقني .. حرقني
خالد : صدقيني بدونك كنت ميت ... مافي اي شي يحركني بهل دنيا
جمانه : و انا بدونك كنت اقاوم و اقاوم ... ما فكرت بهل 7 اشهر مره تسأل عني
او حتى تشوف عايشه ميته .
خالد : ضنيت انك تزوجتي .. و مالي حق فيكي
جمانه : انت كنت متزوج .. و أسال عنك بين فتره و فتره اهلي
خالد : جمانه ليه تحبين تنبشين بالماضي .. ليه نلف و ندور
جمانه : و اشتبيني اسوي ..
خالد : ابي نعيش اليوم
جمانه : و العمر الي رحل مني .. و احلامي الي طارت ... و الحزن الي عشته ... و انا ادري ان هنا ببيتك
و انا بعيده .. بعيده
خالد : طول عمرك اقرب من قلبي لي ... و لا عمرك كنتي بعيده
جمانه : اخاف يا خالد اخاف
خالد : تخافين و أنا معك
جمانه : للاسف الي اخاف منه أنت ... اخاف اي يوم و تتخلى عني و تضعف مثل ما ضعفت قبل
خالد : لو تكونين معي عمري ما بضعف ... و انا ما ضعفت الا و انتي بعيده بعيده و بانيه سور بيني و بينك
جمانه : انا الغلطانه يعني ؟
خالد : انا ما بقول من الغلطان .. و لا بتحاسب .. انا ابيك ... ابيكي انتي و بس .. و مهما يكون الثمن راضي
المهم اعيش عمري معك .
جمانه سكتت ...
خالد : يا جمانه الحين احنا مسؤولين عن طفله .. شوفيها .. مثل الملاك نايم .. ليش تحرمينها من حقها بالسعاده
و انتي قادره توفرين لها كل الحب ... اذا مو عشاني يا جمانه عشان فرح ... انا و فرح نستاهل تنسين عشانا
انا و فرح ..محتاجينك ... محتاجين نعيش سوا ... الله يخليك يا جمانه فكري .. وايد تخبطنا بهل دنيا
و لعبت الدنيا لعبتها علينا و تفرقنا ... الله يرضى عليك لا تتسرعين .. فكري .. فكري
يمكن ما نلقى فرصه نرجع بعد ... حلفتك بالغاليه تفكرين ...
جمانه سكتت .. و قالت له : يصير خير ..

مشى خالد و رد اليوم و كمل دوامه ...
ليلتها جمانه جفاها النوم .. كلام خالد يدور ببالها ... تدري يحبها و شافت حبه و لهفته بعيونه ..
تدري ان الي صار كان نتيجة ظروف مروا فيها .. بس يا ربي شلون تنسى ؟؟ بتقدر تنسى ؟

 

[MeeMeeYoo_2]

انشالله بتنسى
يعطيج العافيه

 

[آخر حبيبة]

يالله يا عروووسة كملي
يعطيج العافية يا حلوة

 

[عروس الدنيا]

جمانه دقت على خالد .. الوقت كان متأخر ... 2 الفير

خالد : نعم
جمانه : الو خالد ..
خالد : هلا .. هلا بالصوت و راعيه
جمانه : هلا فيك
خالد : شلونك .. انشالله مرتاحه
جمانه : تمام .. سوري داقه هل وقت
خالد : انتي تدقين بالوقت الي يعجبك ... صوتك يفرحني بكل الاوقات
جمانه : تسلم ... خالد بغيت اكلمك بموضوع ..
خالد : امري ؟؟
جمانه : انا موافقه على طلبك
خالد : والله ... جمانه انا بحلم .. خلاص يعني .. خلاص الدنيا بتضحك لنا
جمانه : بس عندي شرط .. و شرطي اساسي
خالد : امري .. تدللي كل الي تبينه يصير .. اصلا شروطك اوامر ..
جمانه : اسمع الشرط بالاول ... بعدين قرر
خالد : موافق .. موافق من غير ما اسمع
جمانه : لا تستعيل خالد ..
جمانه : خالد شرطي نعيش كلنا بالكويت
خالد : هاه ... شنو ... من صجك انتي ؟
جمانه : هذا شرطي الوحيد .. علشان نرد مثل قبل ابي ابدي من يديد .. و عشان ابدي ابي ابدي بالكويت
مابي اعيش اهني .. العيشه اهني صعبه علي .. و ما كنت متأقلمه قبل .. انا حياتي بالكويت
كبرت فيها ... ما عرفت ديره غيرها .. السعوديه بقلبي ... بس انا ريلي على ارض الكويت يا خالد
ما اقدر افارقها .. لا طبايعي و لا عاداتي بتساعدني اعيش برا ... بعدين انا بنت .. ليش اتغرب
انت ريال .. و تاجر تقدر بسهوله تنقل تجارتك .. و انت بالسعوديه متعلمين على هل شي ..
كاهي الريم تزوجت و عاشت بالرياض .. و الحين امك الله يرحمها .. و اخوك رجع من السفر
يعني اخوانك ما بيقصرون بابوك .. و نقدر نزورهم بالشهر جم مره ... و انت ريال تتحمل تعيش بره
بس انا صعب .. صعب .. ابي بنتي تكبر بديرتي .

خالد : جمانه مو سهل انقل حياتي .. مثل ما انتي عشتيبالكويت انا عشت هنا .. و كبرت و اشتغلت هنا
و ربعي و ناسي كلهم هنا ..
جمانه : خالد انا بالاول يت السعوديه و ما اعترضت .. و ضحيت عشان الكل ..
الحين دورك انت الي تضحي .. انا ما اقدر اقدم تنازلات اكثر و ما راح اقدر اضغط على نفسي
هذا شرطي الوحيد .... يا نعيش بالكويت . يا الله يوفقك بحياتك .
خالد كان منصدم ... الشرط شرط مصيري .. و بيترتب عليه اشياء وايده ... ما عرف يجاوبها
جمانه : انا بعطيك فرصه تقرر .. باجر بتطلع فرح و الي عقبه بنرد الديره .. و مسالة التفكير ما بتاخذ منك
اكثر من يومين .. قرر و رد لي خبر
و صكت التليفون منه و اهي مو عارفه يا ترى خالد بيوافق و لا بيرفض ..
و اشراح يصير .بيضحي خالد بعيشته بديرته عشان حبيبته و بنته ... و لا بيتنازل عن جمانه و فرح و يضل بالسعوديه ... هذا الي بنعرفه بعد شوي انشالله ..

 

[دااانوه]

ان شااااء الله تنسى جمااانه ويوصلون لحل يرضي الطرفين


مشكووووووره عروووووستنا وعيدج مبارك حبيبه قلبي

 

[MeeMeeYoo_2]

ناطرييييييييييين

 

[OM FHD]

GD paRts ;D

wiating for the end 3aRooooooooooooooS
THanX alote​

 

[rero-q8]

نااطرينج حبيبتي
لاطولين علينا
وعيدكم مبارك
وكل عام وانتو بخير

 

[Om Sh'hab]

WaaaaaaaaaaY WaLLah Ma YeNDaRa 3N KHaLoOoD ;P

LoOoL MeshTa6a 7aDDy :ggdw:

ShWaGTeeeNa 3aRoOoSa w ShaKKTeeeNa BeLNeHaYa :eh_s(6):

Ya36eeCh eL3aFyaH w BeNTi'9aRiCh :**​

 

[وردة الهوى]

ننتظــــــــــــــــرك :ggdw:

 

[عروس الدنيا]

الجزء الاخير : -

خالد صكر موبايله و الدنيا تلف فيه ... ليش هل شرط .. اهي كانت راضيه تعيش معاي اهني
ليش الحين شلي تغير ... عشان اهي صارت بموضع قوه ... و عرفت اني اموت فيها و مو قادر اعيش من غيرها ... بس شلون اهد ديرتي و اهلي .. و شلون ابلش هناك ..
و ربعي .. و اخواني .. ليش تسوي جذي جمانه ..ليش تحط شرط تعجيزي ليش .. اهي ما تبني و ما لقت غير هل شرط تلوي ذراعي فيه .. عارفتني مستحيل اهد ديرتي ..
و مر ثاني يوم و جمانه ما وصلها شي من خالد ... راح طلع البنت وياها و ساكت طول الطريج
ما حبت تضغط عليه جمانه .. قالت له طيارتنا باجر الصبح
و سكت خالد ..
جمانه قالت بقلبها شكله مو راضي يهد السعوديه و خلاص ما اختارنا ..
جمانه ثاني يوم ودعت عمها و بنات عمها .. و كان خالد ياي و يايب الوليد معاه ..جمانه لمته حييل و بجت
كسر خاطرها هل ياهل .. تدري محد بيهتم فيه .. و لا بيدري عنه بجت على حظه بهل دنيا .. فوق اعاقته
ام قاسيه
خالد شاف دموعها الي تنزل على ولدهه و بقلبه يقول جمانه الرقيقه الي مثل النسمه .. شلون قدرت تقسى علي
انا اقرب شخص لها .. و اهي حنونه مع الكل ... ليش انا لأ ... ليش ما تضل ..

راحت جمانه مع خالد و الريم المطار و بنها فرح .. سلمت على الريم .. و بعدين عطت بنها لخالد
باسها خالد .. و اهو بيردها لجمانه : الله يوفقج
جمانه درت ان هل كلمه معناتها رفضه ..خذت البنت و اهي تحاول تخش دموعها

جمانه خذت بنتها و راحت .. بالطياره كانت تبجي على حظها و حظ بنتها الي بتبلش حياتها ناقصه حنان الأبو
ليش يا ربي .. ليش ما يتنازل شوي ...ما اقدر اهد الكويت .. انا بنت حساسه .. احتاج اهلي
اهو ريال .. يقدر عل غربه ليش يا ربي ليش ..

ردت جمانه البيت و فرحوا فيها اهلها و بالعضو الجديد الي انضم للاسره
الاموره فرح ..

بعد شهر ..كانت جمانه فالبيت قاعده ... امها قالت لها كشخي مسويتلج استقبال بالبيت
و بيونا ربعنا يزورونا و لبسي احلى ما عندج .. جمانه لبست لبس حلو و سوت شعرها و ميكب خفيف
و يت بتنزل مسكتها امها لحظه ..
جمانه : يما شالسالفه ؟؟
عماد : جمانه .... خالد تحت ياي يملج عليج .. و الملاج تحت و ابوي يبي موافقتج
جمانه : انصدمت .. شنو خالد .
عماد : اي خالد .. و يقولج الي تبينه بيصير .. بس انتي اشتبين ؟؟
جمانه : هاااا ؟؟ شالسالفه
عماد : جمانه موافقه ... بسرعه
جمانه : هااه .. لا بس .. اي اي اقصد اي موافقه
يببت امها ... اخيرا بنتها بتتعدل حياتها
راح الملاج و نزلت جمانه و كل علامات الدهشه على ويها .. راحت عند ابوها سلم عليها و بارك لها
و خالد الي من اول خطوه عل سلم و اهو مو قادر يشيل عينه من عليها .. حبيبة قلبي ردت لي ..
بترد بقلبي .. بخليها و بقفل عليها .. و لا بسمح لها تطلع منه ابد .
خالد : مبروك جمانه ...
جمانه بحيا : الله يبارك فيك ...
خالد : جمانه روحي بدلي .. و زهبيلج ملابس ليومين و امشي معي .
جمانه : ويين ؟؟
خالد : امشي بس ..
جمانه : خلاص الحين اصعد ازهب اغراض فرح و
قاطعها خالد : لا فرح لا ... بس انتي
جمانه : ما اهد بنتي خالد
الام : ليش انا مني امها كمان ؟؟؟
جمانه : امبلا يما بس
الام : لا بس و لا شي .. روحي انبسطي مع خالد

قامت جمانه بدلت و زهبت هدوم ليومين
و بالسياره تسأله وين بنروح يا خالد وين ..

ما طولوا وايد خالد سفط عند بيت بجنوب السره ..و قال لها يالله
جمانه : ويين
خالد : نزلي
نزلت خالد و شافت بيت حلو و ناعم .. مأثث بأثاث عصري .. مو فخم مثل فيلتهم بالسعوديه
لا ستايل امريكي هادي ...و الوان روعه .. انصدمت جمانه من الي شافته
و صعدت تشوف شنو في فوق .. لقت غرفه ولاديه زرقه .. و يمها غرفه ورديه ..و غرفة نوم رئيسيه

جمانه : شالسالفه خالد ؟؟
خالد :هذا بيتج الي تبينه .
جمانه : بيتي ؟؟؟
خالد : اي بيتج .. مو تبي بيت بالكويت .. و هذي غرفة فروحه .. و هذي غرفة وليدان اذا ما عندج مانع
جمانه : مانع ... وليد ولدي مثل ما فرح بنتي ..
خالد : هذا العشم فيج يالغاليه
جمانه : توقعتك رفضت ..
خالد : صدقيني جدام العيشه معاج كل شي يهون .
جمانه : تسلم
خالد : لا تصدقين اني ابدي عليج شي .. لو بيدي اسعدج بأي شي بسوييه
جمانه : شلون سويت كل هذا
خالد : ههه .. يت الكويت و شريت البيت و قلت لامج التأثيث مسؤوليتج .. و ترى وليدان بعد ببيتكم الحين
جمانه : صج ؟؟ ما شفته
خالد : خاشينه بالديوانيه
جمانه : يعني كلهم يدرون ؟؟
خالد : كلهم .. من صجج اضيعج من ايدي بعد .. انتي ما تدرين انتي شنو بالنسبه لي
جمانه :حبيبي
خالد : ياااااااااه صار لي اشكثر ما سمعت هل كلمه الحلوه ..
و قرب منها خالد .. و لمها حييل : ودي ادخلج بقلبي داخل داخل .. و لا اخلي احد يمسك
و لا اخليك تبعدين عني لحظه
جمانه : احبك يا خالد .. و من يوم دخلت قلبي صدقني ما قدرت اطلعك منه
خالد صار يشوف بعينها ... و اهي شافت لهفته و شوقه ... خالد ميت فيها .. و 1ايب بين ايديها ...

جرب اكثر ... و اكثرر ...و صاروا جمانه و خالد واحد ...


تم بحمد الله .. و اسفه بنات اذا ما رديت على وحده وحده .. بس تعرفون الوقت برمضان شلون صاير ..
و بالنسبه لهنا هنا بشوارع لندن .. و من رذيله لي رذيله .. و هذا عقابها من الله الغرق في المعصيه
و لا فكرت يوم تسأل عن ولدها .او تعرف أخباره

جمانه و خالد عاشوا ببيت سعيد .. و الله رزقهم بعد فرح بمريم .. و عقب مريم يابوا سالم
حياتهم كانت حلوه .. بس جمانه عمرها ما نست الي صار لها .. و خصوصا ان وليد ضل طول
عمره جدام عينها يذكرها بغلطة خالد ..ضل الجرح بقلبها .. لي ذكرته ينرسم الحزن على ويها الجميل
خالد نقل تجارته كلها للكويت و كمل و كان يزور السعوديه وايد .. تقريبا ثلاث اومرتين بالشهر ..


هذا الي صار .. و يا ريت يا بنات تدعون لي محتاجه دعواتكم حيل حيل .. و اذا ونستكم و لو شويه
لا تنسوني بدعواتكم ... و يا ريت تقولون لي شنو العيوب و اذا في تفاصيل انذكرت ما كان لها داعي
و اتمنى ان النهايه اعجبتكم .. ادري عيد و ما تبون نهايات حزينه ...
الله يوفقكم و يامحوني على التقصير ...

 

[دااانوه]

وناااااااااااااااااااااااااااااااسه


الحمدلله الحمدلله كنت شايله هم لاتكون النهايه حزينه بس الحمدلله مثل مانبي


يعطيج العافيه عروستنا وصدقيني انتي مـــبـــدعــــــه


الله يوفقج ويحقق لج اللي تمنينه حبيبتي


وسامحينا لو اذيناج شوي بحنتنا كله والله من حماسنا مع القصه ^__^


ناطرين يديدج

 

[وردة الهوى]

يعطييك العافيه على الرواية

والله يوفقك ويهون عليك

 

[دموووع عرباويه]

بعد عمري والله
حبيبتي الله يسهل عليج ويرزقج بالذريه الصالحه ويوخر عنج التعب الله يوفقج

 

[» miss♥f6oum «]

واااااااااااااااااااااااااااااااااااااااي الرواااية خيااال روعة تينن موصج
تسلميين حيااتي عرووسة فديتج والله والله يوفقج وسهل علييج .....

 

[miss limoona]

مشكوووووووووووووووووووووووووووووووورة عروستنا:eh_s(6):
والله يوفقج ويتمم عليج حملج
وعيدج مبارك

 

[MeeMeeYoo_2]

اوخ انا توقعت لمن قالها الله يوفقج ان خلاااااااص كل شي رااح
بس وناااااسه

الله يوفقج حبيبتي
والله يتمم عليج

ويعطيج العافيه

 

[أم حسون]

ععععججججججججججججججيبه تسلم ايدج والله يوفقج ويعطيج ماتتمنين

 

[عروس الدنيا]

مشكورين حبايبي على كلامكم العسل