خالد و جمانه ( السعودي الذي عشق بنت الكويت )

[rero-q8]

وينج ياااعروس الدنيااا
عذبتينااا

 

[أنــوتــا]

لااااااااااا لييييييييييييش

عروووس يلا نبي بارت

 

[eng.7oor]

يلا عروووسه بسهر ناطره القصه

عجيبه عجيبه الاحداث اكشن من اول شي

 

[كويتية و النعم]

ناطريين ناطريين و بعد ناطرييييييين

 

[q8 Fa9la]

وااااو عن جد واااو يعطيج العافيه حبيبتي بليز كملي شوقتيني :ggdw:

 

[عروس الدنيا]

جمانه دخلت غرفتها و على طول عل حمام تاخذ دش ...و بالحمام كانت تبجي ... شلون بحط ويهي بويهه بعد
استحي .. استحي .. و حست بالم خفيف بخاصرتها ... طلعت من الحمام بلعت حبتيين بنادول و نامت

خالد الي كان يحوس بالصاله و ماله ويه يدخل الغرفه ينام .. فضل انه ينام بالصاله
و ظل يفكر وقت طويل لين دخل بالنوم
ثاني يوم الصبح جمانه قعدت و ظلت بغرفتها ما حبت تطلع ... خالد قعد متاخر عل ساعه11

قام يدور يشوف جمانه طلعت .. عرف انها بعدها بالدار نايمه .. حاول يدخل يشوفها و تردد .. شبقولها
خليني ناطر اشوف شيصير
خالد ضل يالصاله لي الساعه 1 ... و جمانه ما طلعت .. قال بطل اشوفها
فتح الباب لقاه مقفول
طق الباب شوي شوي ...
ما سمع رد
خالد : جمانه ... جمانه بطلي بسبح بصلي ..
جمانه قامت ن مكانها فتحت و لفت ظهرها قبل لا يتبطل الباب و ردت السرير و غطت ويها
خالد دخل الحمام و خذا شاور ... و لم طلع شافها قايمه من مكانها
بدل هدومه و صلى الفير و الضهر و طلع الصاله .. شاف جمانه قاعدع تفرفر بالقنوات

خالد : جمانه ما تبين تاكلين شي
جمانه من غير ما تطالعه : لا
خالد : انزين تبين نطلع
جمانه : لا
خالد : انزين بروح اجيب لي اكل اجيبب لج معي لي يعتي تاكلينه
جمانه : لا
و طلع خالد و ياب اكل له و لها و رد الفندق

لقاها مو بالصاله .. دخل الغرفه شافها تعدل بهدومها

خالد : جمانه ترا جبت لك اكل معي
جمانه : قلت لك مابي
خالد : كله واحد .. يمكن تجوعين تالي
جمانه سكتت و ما ردت .. طلع خالد الصاله و حط الاكل بالمطبخ و قعد محتار مهو عارف شيسوي ..
الحياة بالشكل هذا بتكون حياة ميته بينهم .. كافي انه مافي بينهم علاقه قويه .. الحين بيصير بينهم هل صمت بعد

خالد قعد بالصاله متملل حده .. و جمانه مو مفكره تطلع من الغرفه
دحل عليها شافها متكوره مثل الربيانه عل سرير ...اخترع و راح لها بسرعه
خالد : جمانه اشفيكي ؟
جمانه : مافي ني شي
خالد : ليه متكوره كذا
جمانه : مافيني شي بحاول انام
خالد : جمانه اكيد ؟؟
جمانه : اي اكيد
طلع خالد و ضل متملل بالصاله يفرفر بالتلفزيون ... كلم اهله و طمنهم عليهم و ضل يفرفر بقنوات التلفزيون
جمانه المغربيه طلعت من الغرفه بعد ما زهقت و كانت ميته من اليوع .
راحت المطبخ شافت الاكل ... و عرفت ان خالد بعد ما كله ..
جمانه : خالد بسخن الاكل باكل تبي اسخن لك ؟
خالد فرح لكلامها .. : اي والله ميت من الجوع
جمانه : ثواني
زهبت جمانه الاكل و قعدوا ياكلوون

خالد : جمانه ابغي اعتذر عن الي صار بالامس .. صدقيني مادري كيف صار
جمانه : خالد لا تكلم بالموضوع رجاءا
خالد استوعب انها مستحيه و سكت .. : ما تبين نطلع الليله ؟
جمانه : تاخر الوقت وين نروح
خالد : نتمشى باكسفورد .. فاتحين لل10
جمانه : اوكي

خلصوا اكل و قاموا بدلوا و طلعوا .. كانوا يتفرجون على فترينات المحلات .. و خالد لاحظ ان جمانه بين
فتره و فتره تحط ايدها على خصرها ... و يحس انها تعرق .. فسر خالد الموضوع ان يمكن تكون الدوره
و قال هذا سبب خجل جمانه من الي صار امس و رفضها كان وراه هل السبب الشرعي
استانس خالد حيل لانه لقاله مبرر معقول لتصرفات جمانه .
صارت الساعه 10 ردوا البيت ...
خالد كان وده يقول لجمانه نشوف تلفزيون بس خاف من ردة فعلها ..
خالد : جمانه اشرايك نعمل شاي و نجلس بالبلكونه ؟
جمانه : يالله .. الجو حلو

و خالد دخل المطبخ زهب الشاي .. و جمانه يابت صينيه حطت فيها ككاو و حلاو و بفك و قعدوا

خالد : ما قلتيلي حبيتي لندن ؟؟
جمانه : لي الحين ما شفتها عدل .. بس السوق يشوق
خالد : ههه لسه ما شفتي شي .. اخذك على هارودز و بوند ستريت راح تنبسطين مره
جمانه : اي اسمع رفيجاتي يسولفون
خالد : عندك صديقه غير مي؟؟
جمانه : اكيد ليش هل سؤال
خالد : ما احس في صفات مشتركه بينك و بين مي
جمانه : يمكن هذا الي قربنا من بعض
خالد : احسها جريئه كثير ..
جمانه : يمكن نوع تربيتها ... بس ترى مي طيبه .. امها و ابوها تطلقوا من زمان .. و امها تزوجت
و رجل امها هو الي كبرهم
خالد : و ما لها خوان شباب
جمانه : لا .. اهم وايد بنات .. ماشالله 5 .. مي الثالثه فيهم
خالد : اها ...

و ضلوا جمانه و خالد يسولفون لين دخلت الساعه عل 12
خالد قام ينام لانه تعبان حيل .. جمانه قالت له انا بضل اشوف التلفزيون شوي و تالي ادخل انام ...

و بوقت صلاة الفير رن منبه خالد .. و لم قعد انتبه ان جمانه مو عنده .. استغرب
طلع بره شافها منحنيه و ماسكه خصرها و تلوي من الالم ..
خالد اخترع يوم شاف منظرها و ركض لها

خالد : جمانه اشفيكي ؟؟
جمانه بصوت تعبان جدا .. : م م ماا فيني شي
خالد : جسمك نار ... ليه ما صحيتيني ..
خالد قال لها بدلي بسرعه .. على ما اصلي بس
جمانه راحت الغرفه و حست مو قادره تتحرك و لا قادره تبدل .. طلعت لها كوت طويل شوي لبسته عل بيجامه و لفت شيلتها على راسها و ضلت منحنيه ... خالد خذاها و بسرعه اقرب مستشفى
الدكتور لم شافها و فحصها .. قال اسويلها تحاليل و اقولك اشفيها ...
طلعت التحاليل الدكتور قال لخالد لازم تدخل العمليات فورا الزايده ملتهبه و اخاف تنفجر ..
خالد اخترع .. ما توقع انه فيها شي جايد ..
و فعلا زهبوها بسرعه
جمانه و هي تصيح : خالد مابي يسون لي عمليه .. كلمهم يعطوني دوا
خالد : ما يصير حبيبتي ما يصير .. الزايده ما تتعالج بالدوا
جمانه كانت اول مره تسمع كلمة حبيبتي من خالد
جمانه : اخاف .. اخاف ادخل العمليات و ما اطلع ..
خالد : بسم الله عليكي ... لا تخافين العمليه سهله و بيسونها بالمنظار
خالد مسك ايد جمانه حيل و صار يمسح على راسها و يطمنها ... و يقولها لا تحاتيين

دخلت جمانه العمليات ... و اهي بالعمليات كان خالد ينتظر بره .. رن موبايل جمانه
خالد رد على الموبايل
مي : الو جمون
خالد : لا انا خالد
مي : هلا خالد شلونك ؟؟؟ شلون جمانه
خالد : والله يا مي جمانه تعبانه و بالعمليات .
مي : هاه !! ليش اشفيها
خالد : يقولون الزايده ملتهبه و بيشيلونها ...
مي : خلاص ثواني و انا عندك ... بس انتوا باي مستشفى

خالد قالها اهم وين ... و مي كلمت امها و قالت لها بتروح المستشفى قالت لها خلي اختك الكبيره تجي معك
اخت مي الكبيره متحرره اكثر من مي .. دارسه ببريطانيا و كل شي عندها عادي

دخلوا المستشفى و راحوا لعند العمليات .. كان خالد ينتظر و قالهم ان الدكتور قال خلصت العمليه بس ناطرين الافاقه

اخت مي اسمها هنا ... هنا راحت عند خالد و كان قاعد و حطت ايدها على جتفه
هنا : دونت وري ... انشالله مافيها الا العافيه
خالد استغرب من حركتها و قام عنها .

بعد شوي ... طلع الدكتور و نادى خالد ..
خالد دخل الغرفه و شاف جمانه ويها اصفررررررررررر بسرعه راح لها
و باس يبهتها و قال لها الحمدالله عل سلامه ...
الدكتور : زوجتك امراه عظيمه ... و انا مستغرب شلون تحملت الالم هذا كله
خالد : ليه دكتور
الدكتور : الزايده كانت ملتهبه بشكل فضيع .. و الالم شكله موجود فوق الاسبوع .. محنا عارفين شلون تحملت الالم ...
خالد شاف جمانه و ابتسم : ليه ما كنتي تقولين لي انك تتالميين
جمانه كانت مو قادره تتكلم
مسح خالد على راسها ... و حس ان جمانه صج انها دلوعه بس عندها صبر يكفي دنيا ...
كبرت جمانه بعين حيل ..
طلعوا جمانه ودوها الجناج .. و استغربت لم شافت مي و اختها ...
مي : الحمدالله عل سلامه جمون
جمانه : شلون دريتي
مي : دقيت عليج و خالد خبرني
جمانه : ليش تعبتوا نفسكم .
دخل خالد ... و قالهم الدكتور يقول لازم نخليها ترتاح ....
خالد سألها ما تبي شي ؟؟
جمانه انحرجت ... شلون تقول له ايب لها ملابس داخليه .. سكتت و قالت هاه ...
و ما طرت على بالها غير فكره وحده .

 

[39imia]

ناااطرينج

 

[eng.7oor]

ميرسي و تسلم الاياادي

بس عاد لا تطولين ونبي بااارت طووووووووووووويل :$

 

[f6eem]

eeee il fkraaaa ??

 

[MeeMeeYoo_2]

بليييييييييز بلييييييز عفيه بعد جزء بليييييييييييز

 

[rero-q8]

بليز كملي
وعطينا بارت طويل
ترى مافينا صبر

 

[اوراد العشق]

متاااااااااااااااااابعيييييييين

كملى

كملى

كملى

نبي باررررررررررت طوووووويل مو اذا احلوت القصه تقطعينها

 

[حبيبه امي]

نااااااااااااااااطرين

 

[eng.7oor]

عروووسه ليش تلعبيين باعصااابنا

كتبيلنا بارت طووويل

لوووول شكلنا حنه احنا

 

[Om-Yassofy]

اشكره راح تطرش مي مع خالد


ناطرين :\

 

[» miss♥f6oum «]

بلييييييييييييييييييييييييييييييييييييييييييز كملي
كملي كملي بليييييييز كملييي

 

[miss disaster]

كملي
لا يوقف

 

[دااانوه]

حمااااااس حمااااااااس


الله يحنن قليبها عليه خنت حيلي كاسر خاطري والله

 

[rero-q8]

نااااااااااطرررررررررررررين
بموت واعرف شنو الفكرة اللي طرت على بالها

 

[39imia]

عروووس قصتج رووووووووووووووووووووووووووووووووعه حده عجيييييبه
متى تنزلين البارت الياي بلييييزز قولي عشان ما انام