خالتي سمعت خبر حجزنا للشاليه

[FeShinGoOo]

واي اتبط الجبد..!! وريلج جان قالها بصراحه بروح ويا مرتي بروحنا نغير جو وانتو احجزلكم مره ثانيه وحقنا كلنا الحين الشاليه صغير ومايكفي امة محمد كلهم ايون ..!!

اذا كلش كلش خلي اللبس لما تروحون الغرفه .. انا انقهرت ماحب الاهل الملاقيف يعني ماتدرين ولدج ماقالج عشان يبي يستانس ويا مرته ولا مالهم حق ؟؟
ماشوفها عيب او اهانه للخاله اذا بستانس ويا ريلي وبنغير جو بروحنا ولا فيها قلة احترام كل زوجين لهم حق يكون لهم جو بروحهم سواء بسفر او فندق او شاليه او طلعه ..!!
الاهل لهم حق والزوجه لها حق بعد ..!!

 

[أغلى حبيبه]

يااااا كره رزت الفيس

خوو وحده وريلها بيغيرون جو ليش ماتخلونها

انا اقول قولي لها كنسلنا وروحي انتي مع ريلج استانسي

 

[am_kshaa]

عادى حبيبتى مافيها شى بسلوب حلو ريلج يقول حق امه انا ابى الشاليه انا ومرتى بروحنا نبى نستانس ولدنا بنخليه عند امها
وانشالله المريه اليايه نحجز شاليه حقنا كلنا

 

[اميره1980]

اعتبريها مثل امج و عادي روحو استانسو و الجمعة حلوة بالشاليه حلات المخيم و الشاليه جمعة ترا مو وناسة لو بروحكم تملون حلاتها جمعه بالشوي و الطلعات
و عسى ان تكرهو شيء و هو خير لكم
انتي جربيهم بهالطلعة و شوفيهم شلون ونيسين و لا عادي ؟

 

[ELFAD3Ah]

ماادري والله شتسوين ماتقدرين تقوليلها لاتيين
الله يعينج

 

[لمى...]

حبيبتي فكرتج حلوة قولي تكنسل وروحي انتي وياه بروحكم ولامن شاف ولا من درى

واذا زوجج رفض خلاص تقبلي الامر الشكوى لله وخلي زوجج يطلبلهم عشا من برا وباجي الوقت حطوا ماجلة على قدكم وبكيفهم

راح يفهمون انو خلاص قدرناكم وعشيناكم ومو مسؤلين عنكم باجي الوقت

 

[اشتياق]

اهو جم يوم؟؟؟

قولوا لهم يوم واحد
واستانسوا بروحكم باجي الايام

 

[كويتية بروما]

مالج الا تقولون انكم كنسلتو وتروحون سكاتي
الصراحه صج ام ريلي نفس امي بس بتغيرين جو ان حضر الكل ملزومه تجابلين مطبخ وتجاملين وانتي بتغيرين جو مع الحب شنو حرام الواحد يستانس

 

[ايمان 24]

وييييييييييييييع ماحب رزت الويهه اوووففففف الواحد يحب يروح ويستانس بروحه
الله يعيننجج الصراحه

 

[Beauty is Me]

ادري انها تصير حره بالقلب ميخالف سايريهم ولا تخلقين مشاكل واصلا زوجج اكيد حاس انه امه فرضت روحها بالطلعه
مشي الاموووووووور

ونفس ما قالت وحده من الخوات عقبها روحو فندق ما تدرين عالاقل تطفين عيون الناس عشان لا يقولون فازو بشاليه وراح مع مرته يستانسون الناس ما تعطي خير

 

[Beauty is Me]

لالا لا تجذبين علا خالتج باجر اقل هوشه بيقولج الله يرحم يوم جذبتي على امي

يامعوده حتى لو اهوه وافقج بهالشي رفضي

لا تعلمينه عالجذب

مشوهاااا وعقبها روحو لكم طلعه بروحكم

 

[Mrs.Q]

حبيبتي لاتصيرين نحيسه ترى كما تدين تدان خالتج بحسبة امج عااااادي وديها معاج تغير جو ........ وان جان على الصرف اخذي زوجج الجمعيه واشتري من حسابه ماراح يقول لأ ...... حبيبتي كل مشروك مبروووووك ......... وتعوذي من ابليس ترى الشاليه حلو باليمعه وعقب جم شهر روحي فندق المارينا يسوون عرض الليله ب60 روحي ليلتين انتي وزوجج لا من شاف ولا من دري...........انتي عكسي انا زوجي يحجز شاليه ما اروح الا ريلي على ريل خالتي وحمواتي اليمعه والتشوي ووناسة اليهال حلللللوه...... وراح يذكرونها لج لا تحاتين.......

معاها

 

[florense]

وي عادي اليمعه حلوه انشاء الله تستانسون

 

[woman81]

ي ما عندج سالفه روووحي مع اهلج اهله ترا ونااااسه الجمعيات انا كل سنه نروح يا خليفه يا جون او الوطنيه هذول
عاد روحي مع اليمعه احسن اذا بتستانسين انتي زوجج روحي هيلتون سيشل هل الامكنه حلوه ورومنس طيعيني ترا مجربه

 

[أحبك أمي]

ان شاء الله اللبس موطايح بجبدج

 

[رتو الكيوت]

حلاه الشاليه بالجمعه والونااااااسه

تقاطو انتي وخواتج بالماجله واستانسو والرواتب الجايه حجزي لج وياااه

تراه الشاليه بروحكم مليغ حلاته جمعه

واعتبريهم ضيوفج انتي واهلج

قولي لخواتج كل وحده تجيب طبق ووو ومني مناك تتيسخربين الروحه تبوزين هالمره جمعه ووناسه المره الجايه بروحكم

 

[رتو الكيوت]

وبعدين حرام هم يبون شاليه وماعندهم يمكن لاتقولين بخلا في نااس ماعندهم حتى لو يكشخوون طبيعي بيكخون ومصاريفهم حده حده ويبون شاليه ولقو فرصه لاتتنحيسين ترا لو جذبتي بتخرب الرووح ممكن ينفس ريلج احد يطيح تعباان بعيد الشر جذي

خلي روحج وسيييييييييييييييييييعه

 

[تعبت اداري...~]

معلش حبيبتي عوضيها المره اليايه احتسبي الاجر فيهم بعد شسوين.......

 

[*الشيـــهـانـة*]

شفيها عادي بالعكس وناسه يمعة الاهل وخاصة بالشاليه واذا عالماجله مافيها شي هذي امه واخته موعيب اذا صرف عليهم
وبعدين من غلات الشاليه الحين تقدرين تحجزين باي وقت ترى مو غالي كلها 90 او 100 دينار مو الف

 

[بخـــارى]

كبريها تكبر
صغريها تصغر
لو امج اهيا الي امكان امه جان استانستي
شالمشكله اذا راحوا معاكم
روحي وبالنسبه للماجله خليه اهوا الي يشتريها وودي ولدج وخدامتج وعزمي اهلج او اهل والدنيا سلف ودين انتي عندج ولد
هالفعل راح ينرد لج اذا كان خير اوشر

وحجزي بعدين فندق اوشاليهات القريبه مثل البدع او الهيلتون واستانسي معاه
وربي يوفقج